Textículos by me (Divertimento). Radio Fene, 29/09/2000

Praia de Doniños
Foto: André pequenomonstro

Se non lembro mal, o comezo da programación de Radio Kaos de Ferrol no curso 2000/2001 quedou suspendida por problemas técnicos no emisor. Daquela, propuxen a Ana Lucecú dar continuidade a Textícuos By Me en Radio Fene, emisora coa que viña colaborando desde mediados dos 80. Así, presentamos a proposta co mesmo formato, que foi aprobada previa petición de cambio de nome. Como "Textículos" non era outra que a versión "texto" de Divertimento para pequenos monstros, a mudamos por este, e santas pascuas.

Neste episodio tentamos transmitir a nostalxia do final dun verán e chegada do outono. Poñede unha chaqueta que vai nordés...

- Sintonia: Bernardo Bonezzi/St. Louis - Banderas.

- Diálogo presentación, Ana/André (voz socorrista 3: Pablo Paulo).

- The Salsoul Orchestra - Tangerine.

- Diálogo fin de verán, Ana/André.

- David Sylvian - September.

- Textos: "Estou sentada na vía do tren da túa estación" / "Estou chegando a estación do teu tren".

- The Stranglers - Ghost train.

- Parálisis Permanente - Vamos a jugar

- Texto: "As teclas do meu ordenador".

- Krafwerk - Pocket calculator.

- Homenaxe a Carmen Santonja (Vainica Doble).

- Vainica Doble - Cero a la izquierda.

- Texto: "Gostariate que latexara?".

- Música: Massive Attack - Karmacoma.

- Diálogo, Ana/André.

- Traje de Saliva - Mar Chiquita.

- Indicativo/sintonía final (mús. Isabelle Antena - Lady Jusqu ´au bout).

Data emisión: venres 29/09/2000

Emisora: Radio Fene, 107.7 FM.

Guión, textos: André pequenomonstro.

Locución e indicativos: Ana Lucecú.

Convidado (voz socorrista 3): Pablo Paulo.

Textículos by me (Divertimento para pequenos monstros). Radio Kaos, xullo 2000.

Sempre sintonizando

No verán del 2000 realizamos para Radio Kaos, mítica e desaparecida emisora universitaria do campus de Serantes-Ferrol, unha edición especial de Divertimento para pequenos monstros que titulamos Textículos by me, por aquelo dos textos. Nesta ocasión atopamos un programa realizado con poemas/narracións/bombas de Suso Suciedad (Manchita) e  André Pequeno Monstro. 

Alguns dos "textículos" e músicas que sonaron (sinaladas cun "?") non logrei identificalas, son benvidas pistas en comentarios. Por orde de aparición:

- Sintonia: Bernardo Bonezzi/St. Louis - Banderas.

- Fad Gadget - Collapsing new people.

- Texto: "A menudo el poema nace" (André) - fondo: Richard Souther - The long riders.

- The Cure - Other voices.

- Texto: "Desvanecimiento" (Suso) - fondo: Iury Lech (?)

- Música: Die Form (?)

- Texto: "Silencio en tu boca" (André) - fondo: David Lanz (?)

- The Cure - Standing on a beach.

- Texto: "No es malo el matar el amor de la amanita" (Suso) - fondo: Iury Lech.

- Baby Horror - Sangre y alcohol.

- Indicativo (mús: Isabelle Antena - Lady Jusqu ´au bout).

- Ecodalia (?)

- Texto: "No hace mucho tiempo que te estoy mirando..." (André) - fondo: Iury Lech (?)

- Música: Roxy Music - More than this.

- Texto: "Amor de luna" (Suso) - fondo: Iury Lech (?)

- Estación Victoria - París.

- Indicativo (mús: Isabelle Antena - Lady Jusqu ´au bout).

- Texto: "Puñal y verso" (André) - fondo: David Arkenston - Under the canopy.

- Roxy Music - The space between.

- Texto: "Poema puñal" (Suso) - fondo: Iury Lech (?)

- Fad Gadget - Collapsing new people.

- Indicativo/sintonía final (mús. Isabelle Antena - Lady Jusqu ´au bout).

Disfrutade dos poema-puñal.

Data emisión: xullo/2000

Emisora: Radio Kaos (Serantes-Ferrol).

Guión, textos, mandos técnicos: André pequenomonstro.

Invitado, textos: Suso Suciedad-Manchita.

Voz indicativos sonoros: Ana Lucecú.

Textículos by me (Divertimento para pequenos monstros) - Radio Kaos, 11/07/2000

Praias de Covas (Ferrol)
foto: André C. Pastor

No verán del 2000 realizamos para Radio Kaos, mítica e desaparecida emisora universitaria do campus de Serantes-Ferrol,  unha edición especial de Divertimento para pequenos monstros que titulamos Textículos by me, por aquelo dos textos. A radio transformábase nun posto de socorro nunha praia imaxinaria, desde onde viamos atardecer... Ao final do programa comentamos unha envexable axenda de concertos e festis, daquel xullo del 2000.

Na locución, mandos técnicos, guión e textos estaba André pequenomonstro. Na locución e axenda cultura, a imprescindible Ana Lucecú. Un programa rescatado dunha cinta casete e até hoxe inédito na rede. Haberá máis...

Algunhas músicas que identificamos entre os "textículos":

- Bernardo Bonezzi & St. Louis (Banderas).

- Salsoul Orchestra.

- Tav Falco (Love´s last warning).

- Chafino.

- Francis Lai (Bilitis).

- Sweet Box (Everything´s gonna be alright).

- Bartolomé Ferrando (Desde el principio).

- Pink Floyd (Dark side of the moon)

- Meteosat (Mis muñecas).

- Julio Bustamente.

- Steve Reich.

(...)

Disfrutade do "baño"...

Data emisión 11/07/2000

Emisora: Radio Kaos (Serantes-Ferrol).

Locución/guión/mandos técnicos: André pequenomonstro / Ana Lucecú.

Divertimento - O Pp sanciona a Fundaçom Artábria na homenaxe a Carvalho Calero - Entrevista a OS CEMPÉS, Tentemozo - Represión en Mercadona Ferrol.

(Resubida, 31/05/2012)

Edición especial do xoves 31 de maio de 2012 de DIVERTIMENTO para pequenos monstros [Rádio FilispiM]. 

Contidos:

• Primeiras dificultades para a burocracia sindical no setor naval de Ferrol. Unidade de acción, SI. Unidade na traizón, NON.

• O galego, unha lingua para máis de 200 millóns de persoas, entre as 30 linguas máis usadas na internet e no mundo. Supera os prexuizos.

• Entrevista a Vitor Santalha e Joam Lopes, Fundaçom Artábria. Homeagear ao literato Carvalho Calero é infraçom grave e sancionábel, para o Partido Popular e a sua policia.

•  Conexión coa concentración en apoio a Alberto e a súa compañeira, despedido e acosada, respeitivamente, polos responsábeis de Mercadona en Ferrol.

• Entrevista con Óscar Fernández [zanfona] e Ramón Dopico [percusión], do grupo folc OS CEMPÉS, co gallo da presentazón do seu novo álbum: Tentemozo.

• Axenda de concertos e loita.

Conducen: Ana Lucecú e o André Pequeno Monstro.

Diego Antonio Barcia está vivo! (actualizado, 03/10/2022)

Diego A. Barcia nunha festa de Rádio Filispim
foto: pequenomonstro

En maio de 2016 este blog publicou dúas entradas en lembranza a Diego A. Barcia, compañeiro naquel tempo de Rádio Filsipim, de quen se sospeitaba fora morto en Siria en 2012: 

- https://pequenosmonstros.blogspot.com/2016/02/in-memoriam-diego-barcia-divertimento.html 

- https://pequenosmonstros.blogspot.com/2016/05/diego-barcia-en-discontinuidade-radio.html

Hoxe, tres de outubro de 2022, dez anos despois daquelas inquedantes novas, veño de atoparme con Diego persoalmente e, tras unha longa conversa, comprobar que está en perfecto estado. Diego aseguróume que durante estes dez anos estivo retido en diversas prisións sirias.

Benvido a casa, Diego!

Divertimento - Quant e Xosé, de Rádio Clavi, secuestrados por un monstro.

Radio Clavi, emisora comuntaria de Lugo.

(Resubida, 23/04/2009)

Oscar, Miguel e Alberto Amigo, do supergrupo ferrolán Quant, protagonizaron esta edición de Divertimento para pequenos monstros. Ao través dos micros de Rádio Filispim de Ferrol (redifusión para Radio Piratona de Vigo), falaron do seu primeiro disco grande titulado: New adventures in full colour. Unha combinación de amateurismo e sabia estratexia de camello, da que poderás saber máis se procuras no "discurso" dos propios Quant. Pequenas xemas pop, destinadas a ser pinchadas en radios independentes e disfrutadas por pequenos monstros.

Ademáis, no programa contamos con Xosé, integrante da emisora libre de Lugo, Radio Clavi, Un outro elo da comunicación alternativa no país galego, que logo dun parón na súa xa longa andaina, procura a volta ás ondas.

Cara o final do programa recibimos unha chamada telefónica de Cholo.

Emisión: Rádio Filispim, estudio Ateneo Ferrolán.
Data: 23 de abril de 2009.
Conduce e presenta: André Pequeno Monstro.

Bola extra. Video tirado do programa da TVG "Banda Curta", no que os Quant (e outros tipos sospeitosos como Roger de Flor) forman parte dun especial adicado ao Pop que se está a producir na comarca de Ferrol.

Divertimento - Post VI Conspiratorio por unha radio libre (abril, 2009)

Troco Ferrol na Feira de Colectivos (VI Conspirando) 

(Resubida, 16/04/2009)

Post-conspirar:
Verbo intransitivo. Acción filispina de reflexión logo de activar disidencia en peridodo sospeitosamente santo e ferrolano unha vez ao ano (Diccionario de conceptos filispinianos).

Ben podería ser unha definición do que fixemos nesta edición do Divertimento para pequenos monstros. Amplificamos as reflexións e voces dalgunha das organizacións participantes na II Feira de Colectivos na Praza do Inferniño de Ferrol, dentro da VI edición do Conspirando por unha Rádio Libre, celebrado o 9 de abril de 2009:

• Rafael Pillado (Comité de Emerxencia Ría Ferrol e Fuco Buxán).
• Enrique Barrera (Fuco Buxán).
• Xoan López (Comité de Emerxencia Ría Ferrol).
• Alexandre Carrodeguas (Comité de Emerxencia Ría Ferrol).
• Nes (ADEGA).
• Juan Antonio Vázquez & Araceli Tzigane (Mapamundi e Tragasóns)*
• Xabier Porto (Unión Libertaria).
• Rebeca (Fundaçom Artábria).
• Solidariedade Internacional Galiza.
• Iago (BRIGA).
• Cristina (Ateneo Ferrolán).

Ademáis, falamos da II Semana da Poesía Salvaxe e botamos unhas pezas.

(*) Grazas a Miguel Castro Serantes pola colaboración nas entrevistas a Mapamundi e Tragasóns.

Emisión: Rádio FilispiM (estudio "Metro Cadrado", Ateneo).
Data: 16/04/2009
Conduce e presenta: André Pequeno Monstro.

Divertimento - Conversa con integrantes do CSO A Estación de Pontedeume e CSO As Atochas de Coruña (9/12/2010)

(Resubida, 9/12/2010)

Nesta edición de Divertimento para pequenos monstros de 9 de decembro de 2010, achegáronse ao estudio de Rádio FilispiM, dous integrantes da asemblea do CSO Casa das Estación de Pontedeume. Chini e máis Jesús, faláronnos desta centro social, autoxestionado e ocupado, tan cercano a nós.

Ademáis, tivemos unha conexión telefónica con Lucía, integrante da asemblea do CSO Casa das Atochas en A Coruña. Iste centro social, con dous anos e medio de existenza, veu desenvolvendo unha chea de actividades alternativas ao "menú cultural patrocinado" polas institucións e tinglados comerciais. Así, o CSO Casa das Atochas é un referente, canto a xestión de social autoxestionado e ocupado, en pleno centro especulativo da cidade herculina. Mais, alguén non o entende así (semella que hai demasiada organización fóra da "organización"). A  chamada Xustiza ten dictada unha orde de desaloxo do Centro Social das Atochas, para o xoves 9 de decembro de 2010.  Máis información nestrouto Divertimento.

Conduce e presenta: André Pequeno Monstro.

Data: 9/12/2010

Emisión: Rádio Filispim, Ferrol.

Divertimento - Casa Encantada de Compostela. Conversa con Fran del Buey (2001)

Casa Encantada de Compostela (2003)

(Resubida, 04/2001)

Edición de Divertimento para pequenos monstros na que recuperamos unha conversa con Fran del Buey nas ondas de Radio Fene en 2001, verbo do proceso de desaloxo do Centro Social Autoxestionado Casa Encantada de Compostela, do que, naquela altura, fixemos seguimento en diversas edicións. Fran, falános entre outras cousas, de como a administración socialista de Sanchez Bugallo foi quen de modificar o Plano Especial de Proteción do Casco Histórico de Compostela co obxecto de especular no compostelán barrio do Sar, coa construción de vivendas de luxo a través dunha construtora. O centro social autoxestionado Casa Encantada, foi un exemplo de organización autónoma de coletivos de todo tipo na Galiza: PreSOS (dereitos), Ultreia (LGTBI), Negativo/Positivo (fotografía), Marcha Mundial das Mulleres (feminismo), Rádio Kalimera (medios libres)...

Emisión: Radio Fene, agosto 2002. Gravación conversa con Fran del Buey: abril 2001.
Conduce e presenta: André Pequeno Monstro.

Imaxe: mobilización contra o desaloxo (fonte: Novas da Galiza)
Máis info: Rebelion.org

Divertimento - Un repaso ao movimento libertario en Ferrol, ás portas do 1º de Maio

(Resubida, 30/04/2009)

Recuperamos esta edición de Divertimento para pequenos monstros onde, ás portas do 1º de Maio, conversamos con Xabier Porto, integrante da CNT e do Espazo Libertario de Ferrol, nun repaso ao movimento libertario na nosa cidade, que vai desde a emisión do programa en 2009, pasando pola súa historia máis recente (Ateneo Libertario Francisco Iturralde, Unión Libertaria) até a Escola Racionalista Ferrolá, nos anos 30.

Emisión: Rádio FilispiM, Ferrol. Estudio: Caranza. Data: 30/04/2009

Conduce e presenta: André Pequeno Monstro.

Divertimento - A Bodega do Pequeno Monstro (ficción sonora).

As bodegas do Pequeno Monstro 

(Resubida, 2004)

O día que o Pequeno Monstro abríu as portas da súa bodega e polo camino tomou uns "vinitos". Unha particular edición improvisada de Divertimento para pequenos monstros que hoxe recuperamos para vós, nun impresionante documento vinícola gravado para Radio Fene en 2004. O programa ábrese co micro-espazo "Bos días peregrino".

Voces e montaxe sonora: André Pequeno Monstro.

Músicas: varios dun compilatorio do selo estatal Animal Records.

DIVERTIMENTO - Especial Día Internacional da Muller (8/3/2012)

(Resubida, 08/03/2012)

Edición do xoves 08/03/2012 de DIVERTIMENTO para pequenos monstros en Rádio FilispiM, 93.9 FM, a radio libre e comunitaria de Ferrol, desde o estudio de Caranza.

Contidos:

• Especial 8 de marzo, Día Internacional da Muller:
• Os micros, e tempo de Divertimento ficaron abertos para todas as mulleres que desexaron participar. Ao noso convite acudiron:

• Natalia Pérez, integrante do colectivo de crianza respetuosa A Brazos.
• Ana Fernández, doula, integrante do grupo de apoio a lactación materna BBTTA e do colectivo A Brazos.
• Sabela González, integrante de A Brazos e BBTTA.
• Teresa Martínez Vilariño, da Marcha Mundial das Mulleres e da Asociación Cultural Fuco Buxán.

No transcurso do programa Sabela González nos interpretou ao vivo fermosas cancións, acompañada pola súa guitarra.

• Axenda de Concertos.

Presentaron: Ana Lucecú e André Pequeno Monstro.

DIVERTIMENTO - ALÉN DE ANCOS, en conversa - 6/11/2008

Alén de Ancos, nunha sesión de Vermú de Radio FilispiM (xuño, 2012)

(Resubidas, 6/11/2008)

Nesta edición de Divertimento para pequenos monstros tivemos no estudio a Alex e Rubén, que xunto a Pablo e Aitor, integran o grupo folc local Alén de Ancos. Presentáronse ámbolos dous no estudio cun cedé baixo o brazo con tres pezas, que viñan de gravar o día anterior, e que serviron para anunciar a inminente V Sesión Vermú de Rádio Filispim, que o propio grupo se encargaría de animar musicalmente. As Sesións Vermú da Filispim, sirven para apresentar e despedir as grellas radiofónicas.

Durante o programa chamóunos un ouvinte, Vicente, quen levou de agasallo unha camisol da radio libre e comunitaria de Ferrol.

Estudio: Rádio Filispim, Ateneo Ferrolán
Conduce: André, Pequeno Monstro.

Divertimento - Entrevista a Roger de Flor, presentando Naturalidad Silvestre - 18/12/2008

Roger de Flor e Alberto Alonso, na gravación dun video clip.

(Resubida, 18/12/2008)

Nesta edición de Divertimento para pequenos monstros, contamos coa presenza no estudio de Rádio Filispim, no Ateneo Ferrolán, de Rogelio Arias, máis coñecido por estas terras como Roger de Flor. Roge, vén de publicar o seu segundo disco Naturalidad Silvestre, como referencia nº 1 do novo selo Felipop Discos, ligado ao famoso festival de Limodre (Fene).

No disco colaboran un nutrido grupo de músicos e amig@s da comarca: Fran Rey (piano), Cabe García (guitarra), Luís Cuba (baixo), Álvaro Lamas (steal guitar), Serguei Izmailov (batería)...

Ademáis, para a súa promoción, conta coa colaboración doutro fenés, Carlos Alberto Alonso, quen dirixe o video clip de "Cuanto hai que aguantar". No 2006 xa producira "Una desconocida máis", peza tirada da primeira maqueta, Canciones de Amor y Retranca (2006).

O novo disco do fenés, será presentado o venres 26 de nadal no salón de actos do Ateneo Ferrolán, R/ Magdalena, 202, antes podes ouvir aquí algunhas das pezas en excluviva mundial...

Nota: no min. 23:00 do programa intervén por teléfono o noso compañeiro, tristemente desaparecido anos despois, Diego Barcia (Guayo).

Conduce: André, Pequeno Monstro.
Estudio: Rádio Filispim, Ateneo Ferrolán.

Divertimento - Todo el Largo Verano (Alberto Amigo) + Mani CIG Ferrol - 13/11/2008

Todo el Largo Verano (2008)

(13/11/2008, resubida)   

Todo el Largo Verano estiveron o xoves 13 de novembro de 2008 en Divertimento para pequenos monstros, na Rádio FilispiM, un dos proxectos musicais nos que anda embarcado Alberto Amigo, guitarra e letrista desta formación local.

Fer, Rubén, Carolina e outros elaboran e gravan as súas pezas no salón da casa de Alberto. Guitarras, batería, teclados, ukeles e outros artefactos, son pulsados por estes activistas do pop ferrolán. Algúns deles, ademáis de ser parte doutras bandas (Quant), son as almas desa impulsora de artistas ferrolterráqueos coñecida como La Fonográfica General, que vén de cumprir tres anos de existenza..

*
Para completar o programa na súa faceta social, cubrimos a manifestacion que o sindicato galego CIG realizaba en Ferrol "en defensa dos intereses da clase traballadora galega, que a crise a pague o capital". Nesta ocasión contamos con Lupe Ces como correspondente, dende a propia manifestación.

Estudio: Rádio Filispim, Ateneo Ferrolán.
Conduce: André, Pequeno Monstro.
Audios (2): Programa completo / Corte Lupe Ces.

Divertimento - Entrevista a Alexandre Carrodeguas da Rede Galiza Non Se Vende (12/02/2009)

Mobilización da Rede Galiza Non se Vende (Compostela)

(12/02/2009, resubida)

Nesta edición de Divertimento para pequenos monstros contamos con Alexandre Carrodeguas, integrante da Rede Galiza non se vende e do Comité de Emerxencia para a Ría de Ferrol.

A Rede Galiza non se Vende nace en  novembro de 2007 como iniciativa de máis de sesenta colectivos ecoloxistas, sociais e da veciñanza do país galego.

"Desamparados, desprotexidos, defraudados", estes foron os sentimentos dos impulsores da Rede aos dous anos de goberno do bipartito PSdG-BNG, ao que acusaron de defender un "modelo enerxético depredador, en contra dos intereses dos cidadáns".

Case un ano despois da primeira grande mobilización da Rede (17/02/2008), voven os cidadáns a estar convocados para o domingo 15 de febreiro de 2009, en plena precampaña das autonómicas do país galego.

Rádio FilispiM, a radio libre e comunitaria dende Ferrol (Galiza), deu conta da masiva asistencia a aquela primeria convocatoria a que acudiron maís de 10.000 persoas.

**
Alexandre Carrodeguas, como integrante do Comité de Emerxencia para a Ría de Ferrol, ademais nos falou do contencioso da cidadanía ferrolá cos poderes e intereses que manteñen activa a pranta de Gas de Reganosa na Ría de Ferrol, a 900 metros de una base militar naval e pouco máis de 1000 metros dun nucleo de máis de 100.000 habitantes, pese a existir un novo porto exterior na ría.

Por si todo isto for pouco convincente, a entrada da Ría de Ferrol é tan fermosa como estreita, o que só permite a entrada dos gaseiros na pleamar de día e coa axuda de remolcadores. No suposto de que houber un accidente, un gaseiro non podería sair da ría polos seus propios medios, e de atoparse coa baixamar tería que ficar no meio dela. Por certo, a pleamar diurna únicamente deixa unha hora escasa ao día para saír e sempre coa axuda dos remolcadores.

Pese a todo, os sucesivos gobernos da Xunta de Galiza (PP e PSOE/BNG), a cualifican coma de "estratéxica para Galicia". O certo é que tras desta desafortunada e caprichosa ubicación  atópanse elementos de conveniencia empresarial que engaden a este asunto unha banda sonora de fétidas melodías.

Neste enlace atoparás audios producidos pola Rádio FilispiM da manifestación contra a Reganosa organizada polo Comité de Emerxencia o 8 de xuño de 2008.

**
No transcorrer deste programa intervén vía telefónica Xabi Porto do Espazo Libertario de Ferrol.

Estudio: Rádio Filispim, Ateneo Ferrolán.

Conduce: André, Pequeno Monstro.

Audios (3): Corte1 / Corte2 / Programa completo.

Divertimento - Festival Mundial da Rabia, Chiapas - Concerto CSO As Atochas, Coruña - XIV Festival Treme a Terra, Pontedeume - 08/01/2009

(08/01/2009 - resubida)

Primeira edición de 2009 de Divertimento para pequenos monstros, en Rádio FilispM.

Contidos:

•  A traxedia do pobo palestiniano.
•  De sementes e colleitas, mensaxe do subcomandante insurxente Marcos.
•  Primeiro festival da Digna Raiba en Chiapas (México), coa presenza de Pallasos sin Fronteras (Iván Prado).
• O Hip-Hop comprometido dos G-Town dende Jerusalén (Palestina).
• XIV Festival Treme a Terra de Pontedeume (A Coruña).
• Concerto en apoio ao centro social laboratorio okupado "As Atochas", Monte-Alto (A Coruña).

Selección musical, comentarios e realización: André, Pequeno Monstro.
Estudio: Rádio Filispim, Ateneo Ferrolán.

Divertimento - Homenaxe a María Manuela, cantante e pintora ferrolá - 11/12/2008

(11/12/2008 - resubida)

Neste programa contamos coa presentaza no estudio de María Manuela e de María Luisa Sabio, unha das organizadoras da gala homenaxe ("Habemos de Ir") á cantante e pintora ferrolá, veciña de Caranza, que tivo lugar o xoves 4 de decembro de 2008 no Teatro Jofre de Ferrol.

Para finalizar, secuestramos a dúas persoas que pasaban polo Ateneo Ferrolán: Pablo e Reyes, con quen falamos distendidamente.

Conduce e presenta: André Pequeno Monstro.
Estudio: Rádio FilispiM, Ateneo Ferrolán.

Audio:
- Corte 1: conversa con María Manuela e María Luisa Sabio.
- Corte 2: programa completo

Divertimento - Rádio Krime, unha nova fenda libre no dial da Coruña - 30/12/2008

(30/12/2008 - resubida)

Na última edición no 2008 de Divertimento para pequenos monstros en Rádio FilispiM, despedimos o ano comentando a actualidade das radios libres e comunitarias no mundo, Estado español... e en Monte Alto, Coruña.

 - O proxecto de normativa de radiodifusión elaborada polo Goberno Canario non contempla a concesión de frecuencias a radios que non sexan privadas e con ánimo de lucro, polo que as radios comunitarias fican fóra da convocatoria unha vez máis pese as recomendacións de AMARC (Asociación Mundial de Radios Libres e Comunitarias) y da propia Unión Europea quen na súa resolución do 25 de setembro de 2008 pedía o "recoñecemento legal aos medios de comunicación comunitarios (terceiro sector) como grupo definido, ao igual que se recoñece aos medios comerciais e públicos. A realidade en pleno século XXI no estado español deixa en evidencia o control do espectro radioeléctrico por parte de intereses privados e de control político.

- Ademáis, nos fixemos eco do primeiro Foro de Radios, inscrito dentro do Foro Social Mundial que se celebrará en Belém do Pará (Brasil) entre o 27 de xaneiro e un de febreiro de 2009. O primeiro Foro de Radios será un espazo de articulación que integrará o traballo de radios comunitarias, libres, cidadás, independentes, alternativas e populares, redes e colectivos radiais, conformando un proxecto de intercambio na produzón de información libre en diversos formatos, ao través do uso estratéxico das novas tecnoloxías. O Foro de Radios, instalará os seus estudios no corazón do FSM 2009, dende donde realizará unha cobertura internacional en vivo cunha programación multilingüe compartillada, que se transmitirá ao través de internet (streaming). Os arquivos de audio da cobertura en vivo e as produzóns
radiais (reportaxes e entrevista) estarán ao dispór en: www.foroderadios.org

- Por último, comunicación teléfonica con Lautaro, membro do Centro Social Okupado As Atochas, no bairro de Monte Alto en A Coruña. Este "laboratorio social" cumprirá un ano, de incesante actividade, no mes de marzo de 2009. A súa experiencia de artellamento dun espazo donde desenvolver actividades de xeito autoxestionado e libre se une as éivas dunha okupación estudada canto ao valor especulativo do recinto elixido para acoller todo ilo. Dentre os colectivos que se teñen xestado na propia casa esta a xente de Rádio Krime, que andan a pór os alicerces precisos para okupar e dignificar as ondas coruñesas, como proxecto de comunicación libre, pese aos administradores do espectro radioeléctrico e os monaguillos de turno. 

Aquí tedes o programa en dous audios:
1 - Corte da conversa con Radio Krime de Coruña.
2 - Audio completo do programa.
Conduce e presenta: André Pequeno Monstro. Estudio: Rádio Filispim, Ateneo Ferrolán.

Imaxes tiradas por integrantes da asemblea do CS As Atochas, durante o taller de radio impartido por Rádio Kalimera (Compostela).

Divertimento - Noelia, fai balanzo do VII Encontro Internacional da MMM en Vigo - 6/11/2008

(6/11/2008 - resubida)

Noelía, da Marcha Mundial das Mulleres en Ferrol, visitou o Divertimento para pequenos monstros, para facer balanzo do VII Encontro Internacional da MMM, primeiro dos encontros que se celebraba en Europa, e que, nada máis e nada menos, tería a cidade de Vigo (Galiza) como anfitriona. Un ano de traballo ilusionante, que finalmente se materializou na cidade olívica entre o 14 e 21 de outubro de 2008. Noelia, falóunos daquel tremendo traballo organizativo, da soberanía alimentaria e de moitas cousas máis...

Conduce e presenta: André, Pequeno Monstro.

Estudio: Rádio Filispim, Ateneo Ferrolán.

Data emisión: 6/11/2008

+ info do VII Encontro: enlace

Divertimento - O ciclón Klaus apagou Galiza + CNT Vs SGAE - 29/01/2009

O ciclón Klaus entrando en Galiza

(29/01/2009 - resubida)

Cicloxénese explosiva, así chamou o persoal técnico en meteoroloxía ao acontecido na tarde noite do 23 ao 24 de xaneiro de 2009 en Ferrolterra, e noutros pontos do Estado. Podes saber maís dela neste enlace: explosivo.

As condicións metereolóxicas as veces son ingobernábeis, mais o problema ben cando seis días despois do paso do ciclón, perto de 7.000 familias galegas continuaron a escuras no norde das provincias de A Coruña e Lugo, na Galiza. Seis días sen luz... A veciñanza cando escoita falar de Unión Fenosa, acéndense... valga o paradoxo.

A eléctrica que abastece estes lugares comeza a gañarse o apelativo de Unión Penosa. "Chamas e minten", asegura moi enfadada unha veciña de Valdoviño, "...o luns dixeron que en poucas horas teriamos luz. O martes o mesmo... pasaron tres días e nada". Ademáis non hai traída de auga nalgúns lugares de Valdoviño, ficando sen subministro, xa que dependen de pozos que funcionan con bombas eléctricas.

Unha conexión cunha veciña de Valdoviño (A Coruña) e unha entrevista a Eliseo Fernandez da CNT - Ferrol, verbo do litixio do sindicato anarquista coa SGAE, completan o programa. Durante a comunicación con Valdoviño, contamos coa visita no estudio de Miguel Castro e Iago Montes, do programa "O Recuncho".

Conduce a apresenta: André, Pequeno Monstro. Estudio: Rádio Filispim, Ateneo Ferrolán.
Audios (3): 1. Programa completo + 2. Cicloxénese en Valdoviño  + 3. Eliseo Fernández CNT-Ferrol.

Divertimento - I Foro Social Galego + II Xornadas Sensibilización social VIH, LAZOS - 27/11/2008

Carlos Varela, LAZOS

(27/11/2008 - resubida)

 Divertimento para pequenos monstros, edición do 27 de novembro de 2008.

Neste programa tivemos un convidado especial, Javier Malespina, que acababa de aterrar en Rádio FilispiM.

Contidos:

•  Falamos con Lupe Ces sobre o I Foro Social Galego, que se celebraría no Ateneo Ferrolán
•  Mantivemos conversa telefónica con Carlos Varela, integrante do Colectivo LAZOS, que xunto á Escola de Enfermería de Ferrol, naquela altura organizaban as II Xornadas de Sensibilización do VIH-SIDA.

Conduce: André, Pequeno Monstro.

Transmite: Rádio FilispiM, dende o estudio "metro cadrado" do Ateneo Ferrolán.

Divertimento - Especial Antiglobalización. Coordinadora Antiglobalización de Ferrolterra - Agosto, 2002

Foro Social Porto Alegre (Brasil), 2001

(Agosto 2002 - resubida)

En agosto do ano 2002 conducín en Divertimento para pequenos monstros, en Radio Fene, un especial Movimento Antiglobalización con dous invitados da Coordenadora Anticapitalista de Ferrolterra, Antón de Bernardo e Antón Vigo. Contextualizamos aquel programa, naquel  interesante momento social dos primeiros anos 2000:

Atopamos as orixes máis significativas do boicot contra as organizacións internacionais que fomentan diferencias entre países ricos e pobres, durante unha reunión do FMI (Fondo Monetario Internacional) na cidade estadounidense de Seattle (USA), entre novembro e decembro de 1999. Naquela lugar tivo lugar a coñecida coma "Batalla de Seattle", o 30 de novembre daquel ano. Según o departamento de policía daquela cidade, a manifestación contou con 40.000 participantes, sorprendendo aos organizadores. Foi o comezo dunha serie de mobilizacions a coordinadas a nível mundial que se activarían cada vez que os grupos de poder, e as súas organizacións, se reunían para facer balanzo “das súas cousas”...

Cidades como Davos (Suiza), que acollía o Forum Económico Mundial, Quebec (Canadá), Barcelona e, mesmo, Compostela serían o cenario de moitas daquelas mobilizacións.  En xuño de 2001, en Barcelona 20.000 persoas se manifestaron convocadas polas coordenadoras antiglobalización contra o Banco Mundial. Ao remate da manifestación, que nun principio transcorreu en incidentes, houbo 32 detidos e 19 feridos. Aquelas protestas marcaron o punto de partida do rearme ideolóxico da esquerda anticapitalista en todo o mundo.

Por outra banda, para dar forma a toda aquel movimento, nacía en xaneiro de 2001, en Porto Alegre (Brasil), o Foro Social Mundial(FSM). Sería o primeiro e maior punto de encontró da sociedade civil mundial para atopar solucións aos problemas do noso tempo, tentando construir alternativas reais, baixo o lema “Outro mundo é posíbel”. Á aquela primeira edición do FSM, acudirían 12.000 activistas de todo o mundo, e sería sería o punto de partida doutros con periodicidade anual, ao longo do planeta. O Foro Social Mundial inclúe a posibilidad de celebrar foros máis específicos, rexionais ou locais, como así aconteceu co Foro Social de Ferrolterra, celebrado o 23, 24, 25 setembro 2011 e cuxas charlas foron restransmitidas ao vivo, e gravadas, por Rádio Filispim, a radio libre de Ferrol activada en 2005, como iniciativa local autónoma enmarcada na contrainformación.

A partir dun primeiro nodo xurdido durante as mencionadas mobilizacións na cidade estadounidense de Seattle, se crea unha  red global de contrainformación denominada Indymedia, cuxos principios hackers e anarquistas, son o coñecemento libre e interación informativa de novas e opinión, antecediendo en certo modo a Wikipedia. No aspecto económico, unha parte importante do movimento apostou por vías alternativas ao corporativismo e  autónomas ás vías estatalistas. É o caso da economía solidaria, que inclúe o comercio xusto, a banca ética, o microcrédito e empresas asociativas, entre otras actividades propositivas.

As batallas contra o Tratado de libre comercio con Canadá (CETA) e USA (TTIP) reavivarono espíritu No-Global, nos últimos anos, mais sen chegar aos níveis de activismo dos anos 2000.

Trasladámonos a agosto de 2002, Radio Fene, Divertimento...
Conduce: André, Pequeno Monstro.

Divertimento - Carlos Cela Seoane - 23/02/2008

(23/02/2008 - resubida)

Divertimento para pequenos monstros.

Falamos de Carlos Cela, veciño de A Coruña que na aquela altura, febreiro de 2008, fora detido e encarcelado por cuestións políticas no Estado español.

Emisión: Rádio FilispiM, Ferrol.
Conduce: Pequeno Monstro.

Divertimento - Cometa, asociación animalista de Ferrol + Pilar, bibliotecaria Ateneo Ferrolán - 24/04/2008

(24/04/2008 - resubida)

Divertimento para pequenos monstros.

Contido:

- Conversa co colectivo ferrolán Cometa, asociación para un comportamento ético cos animais, que reclama un refuxio municipal para animais abandonados.
- Conversa con Pilar, bibliotecaria do Ateneo Ferrolán.
- Axenda divertimento.

Conduce: André, Pequeno Monstro.

Emisión: Rádio Filispim, libre de Ferrol

Corte entrevista con Pilar, bibliotecaria do Ateneo Ferrolán: audio
Programa completo:

Divertimento - Entrevista a Carlos Outeiro (Mesa pola normalización lingüística) - 10/04/2008

(10/04/2008 - resubida)

Divertimento para pequenos monstros.

Conversamos con Carlos Outeiro, responsábel da Mesa pola normalización lingüística na nosa comarca, ao respeito da historia deste colectivo de defensa da lingua propia e da celebración do Día das Letras Galegas, naquel 2008, baixo o lema: "Polo dereito a vivirmos en galego".

Conduce: André, Pequeno Monstro.
Emisión: Rádio Filispim, libre de Ferrol.

Divertimento - Centro Social Laboratorio Social Okupado, Monte Alto (Coruña) - 03/04/2008

CSO Laboratorio (Monte Alto). Fonte: Diagonal

(03/04/2008 - resubida)

Divertimento para pequenos monstros.

Nesta edición mantemos unha conversa telefónica con Virxilio Rodríguez, un dos activistas do colectivo coruñés A Cultura Preocupa, que nos primeiros meses de 2008 viñan de activar un novo centro social autoxestionado no bairro coruñes de Monte Alto (r/ Atocha Alta, 14), perto do xa consolidado CSA Atreu!.

Conduce: André, Pequeno Monstro.
Emisión: Rádio FilispiM, libre de Ferrol.

+ info: https://www.diagonalperiodico.net/

Divertimento - Carlos Outeiro, "Polo dereito a vivirmos en galego" - 12/03/2008

(12/03/2008 - resubida)

Divertimento para pequenos monstros.

Contido:

- Polo dereito a vivirmos en galego. Conversa con Carlos Outeiro, Mesa para a Normalización Ligüística.

Conduce: André, Pequeno Monstro.
Emisión: Rádio Filispim 93.9 FM, dende o estudo metro cadrado no Ateneo Ferrolán.

Divertimento - Joam Lopez fala de Ricardo Carvalho Calero - 29/05/2008

Ricardo Carvalho Calero

(29/05/2008 - resubida)

Divertimento para pequenos monstros.

Contido:

- Joam Lopez, integrante da Fudaçom Artabria, fala da vida e obra do escritor ferrolán Ricardo Carvalho Calero.
- Chamada dunha ouvinte, Maria José.

Emisión: Rádio Filispim, libre de Ferrol, dende o estudo metro cadrado do Ateneo Ferrolán.
Conduce: André, Pequeno Monstro.

Corte 1: programa completo.

Corte 2: entrevista con Joam Lopez, editada.

Divertimento - Especial Día Acción Dereito á Comunicación (AMARC) - 10/1/2008

(10/01/2008 - resubida)

Continuamos a recuperar edicións de arquivo de Divertimento para pequenos monstros, nesta ocasión:

- Especial Día de Acción Dereito á Comunicación, AMARC (26/01/2008).

Conduce: André, Pequeno Monstro.
Emisión: Rádio Filispim, libre de Ferrol.

Divertimento - Especial incendio intencionado no Ateneo Ferrolán - 17/01/2008

Ateneo Ferrolán

(17/01/2008 - resubida) 

Continuamos a recuperar edicións de arquivo de Divertimento para pequenos monstros, nesta ocasión:

- Especial adicado ao incendio, naquela altura baixo investigación policial, na entrada ao Ateneo Ferrolán. Intervención de Cris, traballadora do Ateneo, e chamada telefónica de Lupe Ces, activista social.

Conduce: André, Pequeno Monstro.
Emisión: Rádio Filispim, libre de Ferrol.

Divertimento - Especial Día Internacional d@ Migrante (2ª parte) - 27/12/2007

(27/12/2007 - resubida)

Continuamos a recuperar edicións de arquivo de Divertimento para pequenos monstros, nesta ocasión:

- Segunda metade do especial adicado ao Día Internacional d@ Migrante, con información sobre a situación dos mal chamados Centros de Internamiento de Inmigrantes (CIEs) e un especial producido pola emisora irmá Radio Vallekas.

Conduce: André, Pequeno Monstro.

Emisora: Rádio Filispim, libre de Ferrol.