1 de dezembro de 2010

Orde de desaloxo do CSO Casa das Atochas [Corunha] + Audio entrevista 30-12-2008

Chéganos este comunicado do CSO Casa das Atochas en A Corunha. Semella que o vindeiro xoves 9 de decembro de 2010 podería ter lugar un intento de desaloxo, aló menos iso dixo a xuiza de quenda.

Ao final do comunicado déixovos cun enlace a un audio extraido do Divertimento para pequenos mosntros [Rádio FilispiM, 30/12/2008], donde tivemos ocasión de falar con un dos integrantes da asemblea deste centro social okupado de A Corunha.

Nas vindeiras edicións de Divertimento, tentarei cubrir esta cuestión. Así que atentas ao dial e as próximas entradas deste blogue.

Comunicado:

ALARMA! orde de desaloxo.


Xa están aquí![espertando o pesadelo].

Hai case 3 anos que comezou todo, hai case 3 anos que o asemblearismo, a horizontalidade e a autoxestión establécense nas nosas vidas como unha realidade, case 3 anos que desafiamos a lóxica probable do evidente, alcanzando así o principio dun longo camiño incerto, cuxo final está aínda por escribir.

Case 3 anos que a reafirmación persoal e colectiva duns principios de participación afloraron polos poros da nosa pel e tímidamente ameazan con romper a coraza de medo na que se foi convertindo, lentamente, o noso corpo.

Tres anos nos que a utopía do descoñecido vencía por fin á rutina condicionada e aplastante do cotián. Onde, por e para todxs, é sentida a significación máis profunda do «faino ti mesmx» creando así un espazo de desarrollo creativo político e social.
Tan só 3 anos…, como pasa o tempo…

Aínda se recorda como era todo antes; a frustración, a decepción, o non atopar nin o tempo nin o lugar… o non entender porque aquí era imposible o que en calquera outra parte era real. Qué malos tempos!

Pois ben, por fin séntese que o tempo é agora. Por fin séntese que o lugar é aquí.
Hoxe compréndese que só nós somos capaces de conseguilo. Que non necesitamos nin intermediarixs nin promesas que nos iluminen.

Por fin démonos de conta de que nas nosas mans están as rendas das nosas vidas e nos nosos corazóns os idearios de liberdade, de igualdade, de xustiza e de apoio mutuo.

Hoxe é agora, e agora é o momento. Hoxe por todxs e mañá tamén.

Descargar o audio

Amosa o teu apoio ao C.S.O. Casa das Atochas entrando aqui:
Adhesión Colectivos: descarga
Adhesión Persoas humanas: descarga
Envía a túa adhesión a: contacto [arroba] casadasatochas.infoç

Sem comentários:

Enviar um comentário

Comentando das vida ao blog. Adiante!

Related Posts Plugin for WordPress, Blogger...