19 de maio de 2016

Audio rolda prensa Toma la Calle Ferrol (Ferrol, 16/05/2011).

Imaxe da rolda de prensa (Pequeno Monstro)

Audio da rolda de prensa do colectivo "Toma la Calle Ferrol" celebrada o 16/05/2011, condeando o acontecido o día anterior (15M 2011) na Plaça de Catalunya en Barcelona, falando da concentración cacerolada prevista para o día seguinte e xustificando o movimento que viña de xudir, 15M, en todo o Estado. Na rolda de prensa estaban presentes: Luis, Oscar, Martinha, Jota e xxx. Ao fondo da imaxe pode verse a Acampada Ferrol.

Toma de son: Pequeno Monstro (Rádio FilispiM).

Arquivo do Pequeno Monstro.

In Memoriam Diego Barcia (Discontinuidade, marzo 2008. Rádio FilispiM).

Javi Malespina e Diego Barcia (Ateneo, maio 2009)

Corte de apenas minuto e medio de duración tirado do programa de Rádio FilispiM "Discontinuidade", realizado por Javi Malespina e Diego Barcia, onde Diego fala dos "chorizos" que está pensando preparar para contribuir ao V Conspirando por unha radio libre, celebrado en marzo de 2008 na Praza do Inferniño de Ferrol. En homenaxe ao noso compañeiro Diego Barcia.

En homenaxe ao noso compañeiro Diego Barcia. Documento tirado do arquivo sonoro do Pequeno Monstro (Rádio FilispiM).


13 de maio de 2016

Divertimento - Especial 5º aniversario 15M - Ferrol.

 Maio 2011, Ferrol (Fonte: Luis Fernández)

Na edición do 20 de maio de 2011 de Divertimento para pequenos monstros (Rádio FilispiM), realizamos a primeira das numerosas coberturas verbo da incidencia na nosa comarca do, daquela, nacente Movimento 15M. Hoxe, cadrando do quinto aniversario do 15M, recuperamos ese programa e o completamos con outros rexistros sonoros tomados directamente na Praza do Concello de Ferrol, testemuña de asembleas, acampadas e actividades promovidas polos colectivos xurdidos daquela, coma "Toma la Calle Ferrol" ou, mesmo, "Acampada Ferrol."

Este programa especial está plantexado a modo de collage sonoro, co obxecto de que a ovinte se faga unha composición do acontecido naquel Maio de 2011, no Estado, País galego e, como non, Ferrol.

As reportaxes foron rexistradas polo Pequeno Monstro para o programa Divertimento, na Praza do Concello de Ferrol os días, 19, 20 e 28 de maio de 2011. Algúns destes rexistros son inéditos, non se difundiron até agora, polo que cobran especial relevancia. A actual coxuntura política, onde formacións nadas daquel 15M gobernan xa algunhas Institucións,  mesmo teñen opcións de gobernar o Estado, lle dan a este documento un plus de importancia, canto a analisar como, cando e por que comezou todo.

A cronoloxía dos rexistro sonoros (según aparecen no programa) é a seguinte:
  • Xoves 19/05/2011. Conexión telefónica coa Praza do Concello de Ferrol. Iago Montes fai de correspondente. Damos voz a un dos integrantes de "Ferrol Toma la Calle", colectivo convocante da concentración que está a ter lugar (min. 00:18).
  • xx/05/2011. Audio do programa "En días como hoy" (Radio1 - RNE). Chamada de Cristina, unha ouvinte indignada co que está a ouvir na tertulia radiofónica do ente público (min. 00:33).
  • Domingo 15/05/2011. Audio rexistrado por Divertimento na manifestación do 15M de Sevilla (min. 00:40).
  • Venres 20/05/2011. Audio rexistrado por Divertimento na Asemblea aberta daquela tarde, organizada por "Ferrol Toma la Calle" (min. 00:49).
  • Sábado 28/05/2011. Entrevistas realizadas por Divertimento a persoas da "Acampada Ferrol", na Praza do Concello: grupos de traballo, coordenadoras, persoas colaboradoras, moz@s que chegaban a acampar (min. 01:06).
  • Sábado 28/05/2011, na noite. Rexistro de Divertimento do concerto do grupo folk Muxarega de As Pontes, dentro das actividades organizadas por "Acampada Ferrol" (min. 01:41).
Selección musical:
- Bigott. Gravación realizada por Divertimento no Womad de Cáceres de 2011.
- Selección de hip-hop instrumental do selo Tú Pierdes (Yo Gano-Superego). Temas de Hyppaly, etc.
- Steve Reich.
- Andrew Poppy (...)

Condución, montaxe e edición de audio: Pequeno Monstro (13/05/2016)


Video: Reportaxe 15M en Ferrol (fonte: chupicola)

12 de abril de 2016

Pilar Blanco, bibliotecaria do Ateneo Ferrolán - Divertimento (24/04/2008, Rádio FilispiM)

Pilar Blanco, bibliotecaria

(24/04/2009 - resubida) Co gallo do 40 aniversario da refundación do Ateneo Ferrolán, recuperamos esta conversa en Divertimento para pequenos monstros con Pilar Blanco, daquela responsábel da biblioteca-hemeroteca do Ateneo Ferrolan, que realizamos con motivo da celebración dunha sesión vermú en apoio a entidade, naquel mes de abril de 2008.

Aquela conversa foi realizada dende o estudio "metro cadrado", o mítico primeiro estudio de Rádio FilispiM no Ateneo.

Volvendo a actualidade, Pilar Blanco, dentro das numerosas actividades que o Ateneo programa no seu 40 aniversario, participará na charla "Presente, pasado e futuro da Biblioteca-hemeroteca do Ateneo"; unha biblioteca que, xunto ao seu patrimonio artístico, continúa baixo chave nuns contedores dunha empresa de mudanza dende o ano 2010, como consecuencia das obras de rehabitación do Ateneo por parte do Concello. Segue o programa actos do 40 aniversario do Ateneo neste enlace.

Pluralidade, tolerancia e diversidade, seguen a ser os principios do Ateneo.

Conduce: Pequeno Monstro (24/04/2009)

10 de abril de 2016

Novo blog temático adicado ás gravacións perdidas de Diálogos 3 (Radio 3)


Teño o prazer de vos apresentar un novo blog temático adicado ao mítico programa de Radio 3 (RNE) Diálogos 3. Nel compilarei todas as edicións de Diálogos que até agora publiquei no blog de Off Mental,e outras novas, que irei subindo paseniñamente.

As gravacións ás que teredes acceso son recuperadas e dixitalizadas do meu arquivo sonoro, rexistradas orixinamente en cita casete, que acompaño cunha pequena entrada introdutoria. A maioría delas foron emitidas nos primeiros anos noventa en Radio 3 (RNE) apresentadas polo director do espazo, Ramón Trecet, e algunhas outras por Lara López. A caracteristica fundamental destas gravacións é que se trata de especiais de fin de semana (sí, durante un tempo Dialogos 3 se emitiu tamén en fin de semana) donde Ramón e Lara a aproveitaban para programar discos enteiros, biografías de artistas, monográficos de selos discográficos, estilos, etc.

Esté é o novo sitio: http://dialogos3radio3.blogspot.com

Agardo que gostedes.

Pequeno Monstro (1/04/2016)


23 de março de 2016

A historia do Conspirando por unha radio libre, da I á VI edición - Divertimento (26/03/2009, Rádio FilispiM)

Imaxe do VI Conspirando, 9/4/2009. Praza Inferniño, Ferrol
(26/03/09 - resubida) A piques de celebrar a VIII edición do Conspirando (xoves 24/03/2016), recuperamos esta gravación de Divertimento para pequenos monstros dende o estudo "metro cadrado" do Ateneo Ferrolán, na que faciamos un repaso das edicións do festival Conspirando por unha radio libre que se realizaran dende o ano 2004 até o 2009, ou o que é o mesmo: dende a primeira até a sexta edición.

A historia do Conspirando por unha Radio Libre.VICONSPIRANDO_09-04-2009055

Na última edición de Divertimento, co gallo da inminencia da particular penitencia ferrolá, fazemos un resumo a vista de paxaro de todas e cada unha das edicións do Conspirando por unha radio libre, lembrando os grupos que participaron, o lugar onde se celebraron e as datas.

O vindeiro xoves (insano) 9 de abril de 2009 volvemos conspirar, nun festival que cada ano medra en interés e alternativa na semana onde puidera parecer que tod@s os ferrolás comungan con rodas de múiño. Mais non. Este ano, ademáis da II edición da Feira de Colectivos, haberá chourizada e remataremos de conspirar coas actuacións de tres grupazos: Sacha na Horta (Compostela), Roger de Flor (Fene) e Retobato (Ferrol).

A idea do Conspirando nace da necesidade de darlle publicidade á creación dunha radio libre e comunitaria en Ferrol (Trasancos) e conquerir cartos para a merca dos equipamentos técnicos, sen axudas externas que condicionaran a nosa independencia coma medio (nen cartos das institucións, nen cartos de empresas). Coa entrada ao Conspirando de 3€ púñase a venda diverso material editado polo colectivo: camisolas, chapas, autocolantes, cedés compilatorios de grupos locais... Xa no 2008 o festival crece en organización e infraestrutura é pasa a ser de balde e ao ar libre, baixo unha inmensa carpa na Praza do Inferniño de Ferrol  (o Inferno).

Unha anédota do festival é que entre as propostas para darlle nome estivo "Contaminando por unha radio libre", mais a asemblea decidiuse pola variante "Conspirando", xa que cadraba mellor canto as nosas intencións, "conspirar". Outra das anédotas, a segunda edición estivo a piques de celebrarse fóra de xoves "insano". Así, prevista para o 25 de xuño de 2004 (logo do éxito da primeira edición) dias antes do festival cando xa estaba todo preparado, @s integrantes do Colectivo Opaii! se atopan cunha chea de cartazes de cor fosforita pegados por todo Ferrol que anuncian unha "festa universitaria" o mesmo día, hora e no mesmo sitio que tiñan previsto para o II Conspirando, a West Saloon. Logo dun mosqueo monumental cos (i)rresponsábeis da sá da Estación de Ferrocarril de Ferrol, tiveron que pospoñer o evento. Aquela noite ficou alcumada para a historia filispiniana como "A noite dos cartazes fosforitos". Finalmente, a segunda edición se celebraría na Fundaçom Artábria.

Esta é a cronoloxía do Conspirando, dende a súa creación no 2004, cando a Rádio FilispiM tan só emitía nos nosos maxíns, até o ano no que se realiza este especial Divertimento, 2009:


Cronoloxía do Conspirando por unha radio libre do Colectivo Opaíí! - Rádio FilispiM

8 de abril de 2004: I Conspirando por unha radio libre – Estación Ferrocarril (Ferrol). Músicos: Miguel Alonso, Window Pane, Funky Brewster, Loom, Oscar Fernandez Sanjurjo, IV Guerra Mundial.

26 de marzo de 2005: II Conspirando por unha radio libre – Fundaçom Artábria (Esteiro-Ferrol). Músicos: Vladi, Misquious, Kobe.

13 de abril de 2006: III Conspirando por unha radio libre – Local Social de San Carlos (Esteiro-Ferrol), Músicos: Strutter, IV Guerra Mundial, Sociedade Protectora del Hombre Mono (Cristobal Veiga + Rogelio Arias) coa colaboración de Boy Elliot, Os tres Trebóns e o Vendaval do Roxal (A Corunha).

5 de abril de 2007: IV Conspirando por unha radio libre – DZINE (San Sadurniño). Músicos: La Sentina, Os Chiquilicuatres (Ribeira), ex Lamatumbás (hoxe O Sonoro Maxín, Ourense).

20 de marzo de 2008: V Conspirando por unha radio libre (Praza do Inferniño-Ferrol, baixo carpa). Müsicos: Dakidarría (Nigrán), The Sweat, Ta´Crack, 1º Feira de Colectivos.

9 de abril de 2009: VI Conspirando por unha radio libre (Praza do Inferniño-Ferrol, baixo carpa). Músicos: Retobato (Trasancos), Roge de Flor (Trasancos), Sacha na Horta (Compostela), 2º Feira de Colectivos.

---
Nun futuro Divertimento faremos un repaso polas seguintes edicións do Conspirando retomadas, (tras un parón de cinco anos) no ano 2015, cadrando co 10 aniversario de Rádio FilispiM, pasando a celebrarse nunha coñecida sá de concertos de Ferrol sen perder o seu obxectivo orixinal: acadar autofinanciamento de Rádio FilispiM e ser unha alternativa máis de ocio á SS ferrolana.

Documentación e condución: Pequeno Monstro.
Sintonizamos (emisión: 26/03/2009).

20 de março de 2016

VIII Conspirando por unha radio libre (xoves, 24/03/2016)


O VIII Conspirando por umha Rádio Livre, será o joves 24 de Março de 2016 às 22h:00hs. na Sala Super8 de Ferrol.

Com as atuaçons das bandas ferrolás:
ALBERTO KNOX
BLAH!
ESPEJOS Y DIAMANTES

Petiscos, Photocall e sorteio de camisolas filispinianas, e para rematar a festa, pinchada de ANDRÉS (Alarido Mongólico).

A entrada será de 5€ e destinarase integramente para a autogestom da Rádio Livre e comunitária da Terra de Trasancos, Rádio FilispiM.

18 de março de 2016

IV Encontros ReMC, conversa con Íñigo Muñoz de Tas-Tas Irratia + Asasinato Carlos Palomino_Divertimento (15/11/2007, Rádio FilispiM)


(15/11/2007 - resubida) Divertimento para pequenos monstros, dende o "metro cadrado" do Ateneo Ferrolán.

        Neste programa:
  • Comentamos as convocatorias do momento: VI Xornadas Libertarias no Espazo Libertario de Ferrol e as 1ª Xornadas de Sensiblización do VIH do Comité antisida Lazos de Ferrol, co lema "Non quedes nas nubes".
  • Manifestacións no Estado en repulsa do asasinato de Carlos Palomino, un xoven madrileño antifascista apuñalado no corazón o 11 de novembro de 2007 por un individuo fascista, militar de profesión, que ía participar nunha manifestación racista convocada polo partido nacionalista español "Democracia Nacional". Máis info aquí.
  • IV Encontro da Rede de Medios Comunitarios (ReMC) en Bilbo, celebradas o 23, 24 e 25 de novembro de 2007. Máis info aquí. En Divertimento, conversamos vía telefónica con Íñigo Muñoz, un dos integrantes da radio organizadora daquel encontro, a xa desaparecida Tas-Tas Irrati librea.
Durante o programa escoitamos música de: Fermín Muguruza, Mr. Symarip, La Polla Records e Devo.

Apresenta: Pequeno Monstro (15/11/2007)

17 de março de 2016

Cobertura contra dos CIES de `Rompamos el Silencio´, 12/04/2008 + Chiquilicuatres de Riveira - Divertimento (17/04/2008, Rádio FilispiM)

Mobilización contra dos CIES (12/04/2008)

(17/04/2008 - resubida) Divertimento para pequenos monstros, dende o estudio "metro cadrado" de Rádio FilispiM, no Ateneo Ferrolán.

Na primeira metade do programa falamos dos mal chamados C.I.E.S, cárceres para @s inmigrantes parias, non para os ricos. A través da convocatoria `No a los Centros de Internamiento de Extranjeros. Cerremos nuestros Guantánamos´ e da estupenda cobertura do centro de medios Rompamos el Silencio que agrupa a webs, xornais, radios e colectivos audiovisuais contrainformativos da Comunidade de Madrid. Unha acción informativa coordinada por Radio Vallekas á que se uniron Radio Contrabanda (BCN) e Radio Geneto (Tenerife), todas elas con CIES próximos.

A acción consistíu na coordinación entre as radios participantes e inmigrantes dentro e fóra dos CIES e contou cun veículo adaptado que amplificaba a transmisión das radios, coma "megafonía". Ademáis, nos días previos se repartiran receptores de radio e tarxetas de tfnos. móbiles entre os familiares intern@s do CIE de Aluche. Cos receptores estes podian sintonizar co que estaba a acontecer en Madrid, Barcelona e Tenerife, mentres que cos teléfonos participaban na transmisión dende o interior dos CIES cos seus valiosos testemuños. Máis información e audios daquela cobertura, aquí.

Na segunda metade do programa conversamos con Suso Bello, quen xunto a Alberto Millán e Fernando Pérez formaban os Chiquilicuatres de Riveira e viñan de editar o traballo "Delitos de Autor", en formato "USB". Un ano antes tiñan participado na IV edición do Conspirando por unha radio libre, o festival para a autoxestión de Rádio FilispiM.

Durante o programa ouvimos música de Dissidenten. Sintonizamos...
Conduce: Pequeno Monstro (17/04/2008).

8 de março de 2016

Paco `Pestes´García & Suso `Suciedad´, poetastros - Divertimento (08/06/2001, Radio Fene)

Paco `Pestes´ (dereita). Imaxe arquivo RFM

(08/06/2001 - resubida) Divertimento para pequenos monstros, producido orixinalmente dende Radio Fene, 107.7 FM (EMUGA), con dous convidados especiais: Paco `Pestes´ García e Suso `Suciedad´, deconstrutores de poesía.

Un insólito cuestionario aos convidados abre este programa, preguntas que finalizan cunha hostia en directo ao Pequeno Monstro por parte de Ana Lucecú, feito insólito no panoráma radiofónico mundial. De fondo a música de La Orquesta de las Nubes.

Centrados no programa, Suso `Suciedad´(Manchita) lé ao vivo unha selección de textos/bomba da súa autoría: Amor de luna, Inmolación, Sexo o sé que no, Carta al secreto de la noche... Pola súa banda, Paco `Pestes´, lé textos do `Poemario de poética impura´ e do `Pequeño poemario bastardo´. As lecturas son ambientadas por unha selección musical acorde: La Orquesta de las Nubes, Diamanda Galas, Tom Waits ou Ciudad Jardín. Ademaís, ouvimos un tema Alberto `Truco´ Taboada, cuxa letra é autoría de Paco `Pestes´.

No último tramo do programa abrimos a axenda cultural de Ana Lucecú  e para findar conectamos coa praza de Armas de Ferrol, donde Lupe Ces nos informou da concentración da Marcha Mundial das Mulleres contra da ocupación dos territorios do pobo palestiniano. A coordenadora da MMM de Ferrolterra súmabase así a unha convocatoria feminista mundial para visibilizar os, daquela, 34 anos de opresión do goberno sionista de Israel ao pobo palestiniano. Transcorridos 15 anos da emisión deste programa a ocupación dos seus territorios e a violencia contra deste pobo sen Estado, continúa.

Conducen e apresentan: Ana Lucecú & Pequeno Monstro (08/06/2001).
Control de son: Antonio (Rádio Fene).

6 de março de 2016

Masa Crítica ou bicicletadas, con Ernesto López `Nes´ - Divertimento (18/02/2008, Rádio FilispiM)

Nés (O Souto - Rádio FilispiM)

(18/02 /2008 - arquivo) Divertimento para pequenos monstros, edición especial adicada ao colectivo Masa Crítica, coa presenza no estudo "metro cadrado" do Ateneo Ferrolán, dun dos seus integrantes en Ferrol, Ernesto Lópes "Nes"

A Masa Crítica é un fenómeno ciclista que ten lugar todos os meses en moitos lugares do mundo. A súa finalidade é dar coñecer as grandes ventaxas que aportan á mobilidade, á sociedade e ao individuo, unha maior presenza de bicicletas nas cidades, para reducir as molestias que ocasiona o tráfico motorizado: ruido, contaminación, atascos, inseguirade...

O conceito Masa Crítica foi popularizado polo deseñador de vehículos de tracción humama George Bliss, para referirse a un fenómeno que observou na China: nos cruces sen semáforos, @s ciclistas se van acumulado até chegar un número total que lles permite cruzas sen risco, é a "masa crítica"...

En Ferrol as tamén chamadas "bicicletadas" tiñan lugar os últimos xoves de cada mes, cara as 20:15 h. na Praza do Inferniño. O seu lema era "pedalea todos os días, celébrao unha vez ao mes". Ao tempo, a nível de Galiza, unha vez ao ano se organiza a Masa Crítica Galega, da que é protagonista unha vila galega.

Para falar de todo esto contamos en Divertimento coa presenza de Nés, na altura compañeiro do Colectivo Opaii!-Rádio FilispiM, conductor do programa "O Souto", integrante de ADEGA (Asociación para a Defensa Ecoloxia de Galiza) e doutros colectivos, coma a Fundaçom Artábria.

No transcorrer do programa escoitamos música cubana e aproveitamos para promocionar a que sería a quinta edición do festival de Rádio FilispiM, o "Conspirando por unha radio libre" (xoves 20 de marzo de 2008), que por vez primeira se celebraría ao ár libre, baixo dunha carpa na praza do Inferniño de Ferrol, incorporando ao programa, unha feira de mostras de colectivos sociais da comarca.

Conduce: Pequeno Monstro (18/02/2008)

3 de março de 2016

Oscar Quant e Rubén Coca en plan Dobarrista - Divertimento (08/05/2007, Rádio FilispiM)

Quant, no video-clip `Pois eu´

(08/05/2007 - resubida) Divertimento para pequenos monstros, dende o estudio "metro cadrado" da FilispiM no Ateneo Ferrolán, adicado á formación ferrolá Quant, que viñan de gravar un video-clip realizado por Rubén Coca en homenaxe a Andrés do Barro, emulando a famosa escena do filme "En la red de mi canción" (Mariano Ozores, 1971), donde Dobarro canta a mítica "Pois eu" acompañado por Los Sprinters, subidos nunha furgoneta que circula pola zona vella de Compostela.

Todo esto acontecía antes da publicación do primeiro disco grande de Quant "New Adventures in Full Colour" (2009), tempo no que Oscar Sabín, Rubén Coca, Fer Marta e Alberto Amigo (primeira formación de Quant) gravan algunhas maquetas, mesmo a que apresentaron neste Divertimento. Ademáís, no transcorrer do programa falamos de experiencias ferrolterráqueas daquel momento, coma as festas e vinilos de "La Fonográfica General" ou a inminente actuación de Quant, 22 e 23 de maio daquel 2007, no mítico The Cavern de Liverpool. En definitiva, a primeira e moi nutritiva entrevista que realizamos ao "universo quántico" na FilispiM, xa que no transcorrer dos anos habería moitas máis...

Volvendo a Andrés Do Barro, un mes despois da emisión deste espazo lévouse a cabo a gala "Saudade de ti" homenaxe ao intérprete ferrolán, producida pola TVG no Teatro Jofre de Ferrol, e na que foi apresentado o video-clip no que Quant rememoran a escea daquel filme dos 70.

A figura de Andrés do Barro vén sendo reivindicada nos últimos anos. No 2004, tras unha mesa redonda na Galería Sargadelos, se constitúe o Movimento Dobarrista do que xurdirían unha serie de iniciativas coma foi a gravación dun doble cedé (Falcatruada, 2007) coa participación de 30 grupos galegos.

"O tren que me leva" foi outras das iniciativas en forma de documentario dirixido por Anxo Fernández. Un filme cuxa produción comezou naquel 2004 pero que finalmente se apresenta o 27 de setembro de 2013, un ano antes do 25 cabodano de Do Barro.

Canto a obras escritas, "Saúdade" escrita por Fernando Fernández Rego (La Fonoteca, 2015), foi apresentada no Manchita Cosa (Ferrol) o 10 de xullo de 2015; daquela, tivemos en `Divertimento´ ao autor, podes ouvir aquela conversa neste enlace. A publicación, todo un éxito, conta xa con varias edicións, mais, hoxendía (2016) segue a botarse en falla a versión en lingua galega.

O principal logro do músico ferrolán foi ser quen de levar a lingua propia Galicia ao cume das listas de éxitos musicais dos 70. Todo un acerto naqueles anos é un moi loábel empeño do intérprete. Iniciativas cidadás coma demandar a Medalla de Galicia para Do Barro, a título póstumo, están máis que xustificadas.

Conduce: Pequeno Monstro (08/05/2007).



1 de março de 2016

Mobilizacións CIG contra da reforma laboral + Mobilización contra o feche centro saúde da Graña + Acampada Ferrol - Divertimento (15/03/2012, Rádio FilispiM)

15M  Ferrol  (Fonte: Chupicola)

(15/03/2012 - resubida) Divertimento para pequenos monstros, dende o estudio de Caranza. Un programa que cadrou nunha xornada chea de mobilizacións na nosa comarca, das que, como non podír ser menos, falamos e tomamos o pulso no máis rigoroso dos directos...
  • Delegados da CIG péchanse no Concello de Ferrol contra da "reforma laboral", co fn de visibilizar a xornada de folga xeral do 29 de marzo daquel 2012. Conexión telefónica co salón de actos do Concello, falamos cun dos fechados.
  • Delegados da CIG Ferrol realizan unha camiñada Ferrol-Compostela reclamando carga de traballo para os Esteleiros da comarca. Conexión con Alfredo Maceiras, delegado sindical que participa na marcha.
  • No estudio André, Paki e Pablo do colectivo Acampada Ferrol, xurdido do 15M, en Ferrol, máis específicamente do 17M.
  • Conexión coa concentración en apoio ao Centro de Saúde de A Graña. A nosa compañeira María Teresa Vilariño coméntanos in situ como a concentración ten derivado finalmente nunha manifestación polo centro de Ferrol.
  • Un ouvinte de Rádio FilispiM, chama a radio...
Conduce: Pequeno Monstro.

29 de fevereiro de 2016

Xornadas Libertarias, Ferrol + Marcha Mundial das Mulleres, 25 de novembro + Charla sobre Carvalho Calero - Divertimento (22/11/2007, Rádio FilispiM)

Ricardo Carvalho Calero

(22/11/2007 - arquivo) Edición de Divertimento para pequenos monstros dende o estudio "metro cadrado" do Ateneo Ferrolán. Neste programa:

  • Axenda local. Xornadas Libertarias. Comentamos as mesas debate organizadas polo Espazo Libertario de Ferrol canto as posicións dos diversos colectivos integrados no Comité de Emerxencia  respeito da pranta de gas de Reganosa, e da mesa sobre o colectivo "Masa Crítica" en Ferrol.
  • Conversa con Noelia da Marcha Mundial das Mulleres na Galiza, verbo do 25 de novembro, Día Internacional contra da violencia de xénero, cuxos actos comarcais se levaron ao cabo, naquel 2007, na praza do Concello de Narón.
  • No estudo José-Martinho Montero Santalha e Alexandre Banhos participantes na mesa debate que aquel día se levou a cabo no Ateneo Ferrolán verbo da figura e obra de Ricardo Carvalho Calero, na reinvindación do Día das Letras (2009) adicada á figura do primeiro Catedrática de literatura e lingua galega. No presente, ano 2016, continúan as reivindicacións, de colectivos e institucións, para que esa dia Día das Letras adicado ao literato ferrolán, sexa posíbel.
Durante o programa ouvimos música do recompilatorio de Sunset-Sunrise, da serie Blue Note Trip (2001).

Conduce: Pequeno Monstro (22/11/2007)

25 de fevereiro de 2016

Entrevista a Miguel Alonso apresentando Luz de Guía - Divertimento (03/01/2008, Rádio FilispiM)

Miguel Alonso

(03/01/2008 - resubida) Divertimento para pequenos monstros dende o estudio "metro cadrado" do Ateneo Ferrolán, donde contamos coa presenza de Miguel Alonso, cantautor nado en Ferrol que actualmente vive en Compostela y que, naquel tempo, andaba a presentar Luz de Guía, o seu primeiro álbum, gravado en Pequeno Desastre Records,

Miguel Alonso comeza a súa carreira musical no ano 2000 coa maqueta "Aprendiz de poeta"; ao ano seguinte chega outra, "Está escrito en la calle". En 2004 publica o poemario "Mentiras y lunas" e unha outra maqueta, "Cartas al espejo". Xa en 2007 gaña o certame A Mocidade coa Lingua, na modalidad pop. Naqueles anos participa en festivais coma o mítico Fervesteiro, mesmo uns anos antes, o 8 de abril de 2004, na mitiquísima primeira edición do Conspirando por unha radio libre, festival do Colectivo Opaii! - Rádio FilispiM, sendo o primeiro músico que tocou no festival.

Neste programa conversamos case unha hora con el, escoitamos música do álbum que andaba a presentar naquel momento, "Luz de Guía" (2007) e, como non, nos interpretou pezas ao vivo coa súa guitarra, ademáis falamos da Sesión Vermú do Colectivo Opaii! que ía protagonizar xunto a Oscar Fojo.

A produción artística (poemarios e discos) de Miguel Alonso continúa no ano 2008 co álbum "MusicARTE Cantautores", para a Asociación do mesmo nome. No 2009 publica "Once máis 15", un libro de poesía que acadou boas vendas a nível galego. En 2010 chega "A noite dos cans", disco íntegramente en galego. En 2014 grava "Como Dioses de alquiler". A súa última produción, até a data, é o EP "Manual de saudades" (2015).

Conduce: Pequeno Monstro (03/01/2008)

19 de fevereiro de 2016

In memoriam Diego Barcia - Divertimento (16/10/2008, Rádio FilispiM)

Diego Barcia en Rádio FilispiM (arquivo)

(16/10/2008 - resubida) Rescatamos do arquivo esta moi especial edición de Divertimento para pequenos monstros, dende o estudio "metro cadrado" do Ateneo Ferrolán. Durante case unha hora tivemos coma convidado a Diego Barcia. Como aconteceu con moitas das persoas que integraron, ou seguen a ser parte do Colectivo Opaii!-Rádio FilispiM, oferecimos o noso espazo a Diego para que se familiarizara co medio que pronto acolleria a súa proposta, "Discontinuidade", un programa que se emitiría naquela grella, 2008/2009, na Rádio FilispiM, libre e comunitaria de Ferrol.

O programa transcorreu na liña habitual de Divertimento, desenfadado e con moito humor; conversamos con Diego da súa vida, das súas aficcións e, como non, poñéndoo a tripular a nave filispiniana, para que se fixera cos mandos técnicos. "Discontinuidade" sería o nome do seu espazo na FilispiM, aínda que, coma Diego decía "o título do programa irá cambiando de nome cada pouco tempo"...  Diego era un tipo xenial, imaxinativo, sensible, que escribía moi ben, como pode apreciarse no blog da súa autoria, "Hablar Alto", unha especie de cuaderno de bitácora que recolleu as súas reflexións entre febreiro de 2012 e xaneiro de 2013. Nas últimas entradas dese blog escribe dende Berlín; a partir de aí, silencio...

Diego Barcia naceu en Uruguay. En 1984, aos sete anos, trasladóuse a Fene coa súa familia; finalmente asentouse no ferrolán bairro do Inferniño. Pai dunha nena, participaba da vida social, de colectivos coma Masa Crítica ou mesmo Opaii!-Rádio FilispiM. Como calquer mozo da súa idade buscábase a vida traballando en mil oficios, mais a lamentábel situación laboral da comarca obrigóuno a partir. Un día, no final do vrao de 2012, comentou a súa familia que marchaba á vendima en Franza. En novembro de 2012 as crónicas, que el mesmo relata no seu blog, o sitúan en Berlín. O que aconteceu na súa vida nos seguintes seis meses, entre decembro de 2012 e xuño de 2013, é dunha maldita incerteza. Estoutro blog, na súa memoria, conta o que pudo acontecelle en xuño de 2013...

Diego Barcia, unha boa persoa, imaxinativa, inesquecíbel, que deixou fonda pegada entre quen o coñeceu, un anónimo más na súa grandeza, ao que seguimos a agardar aparecerse coa súa bicicleta para nos contar as súas cousas a súa maneira.

O pequeno monstro, 19/02/2016

Conduce: Pequeno Monstro (16/10/2008 - arquivo)

18 de fevereiro de 2016

Informe a `manta radio´ en España + Serralhe-aí con Pablo Ces - Divertimento (13/12/2007, Rádio FilispiM)

Imaxe arquivo (2015), Rádio FilispiM

(13/12/2007 - resubida) Divertimento para pequenos montros. Falamos do "Fenómeno da manta radio en España", traballo do profesor da Universitat Autónoma de Barcelona Fernando Sabes Turmo, incluido no Estudio da Comunicacion (nº 3/4) dentro da Guía de Comunicación Audiovisual de Galicia, 2005 (Consello da Cultura Galega). Naquel documento (páx. 174), se identificaban seis radios libres en Galiza: Radio Clavi (Lugo), Bemposta (Ourense), Kalimera (Compostela), Onda Nada (Vigo), Piratona (Vigo) e Rádio FilispiM (Ferrol), que coma Colectivo nace en 2003 e cuxas emisións datan de 2005. Canto as radios galegas educativas (xurdidas en colexios, institutos e universidades) identificaba, entre outras: Radio Eca, Radio Kaos (Ferrol), Onda Xove Radio Meixoeiro (IES Ricardo Mella, Pontevedra), Radio Fala Melide, Escuela Junir´s Radio (Compotela), RKO (Radio Campus de Ourense), Radio Carcamán (CEIP da Torre-Illa) e Cuac FM (Campus Elviña, Coruña), radio esta última que cara o ano 2004 iniciaría unha transformación de emisora esencialmente universitaria á comunitaria, conservando a súa ubicación orixinal, o Campus de Elviña. Musicalmente acompañáronnos os monstrosos The Cramps.

Na segunda parte do programa contactamos con Pablo Ces, integrantes de Serralhe-aí, formación que o 29 de natal de 2007 gravaron ao vivo na Praza do Concello de Burela o álbum "Ár de foles", xunto ao Comando Catania, un proxecto de "aopio aos serradores do país", que ía reclutando gaiteir@s polos furanchos do país, na chamanda "operación charrasco"...

Conduce: Pequeno Monstro.

17 de fevereiro de 2016

A dixitalización da radio según AMARC - Rede Galiza non se vende, Alexandre Carrodeguas - Divertimento (14/02/2008, Rádio FilispiM)

Mobilización da rede Galiza non se vende

(14/02/2008 - resubida) Divertimento para pequeno monstros no que afondamos nestes dous temas:

Falamos da dixitalización das radios e descubrimos que esta tecnoloxía  NON traerá máis avances democráticos canto o dereito fundamental á comunicación... Repasamos o traballo de investigación de Gustavo Gómez, director de programas de lexislación e dereito á comunicación de AMARC (Asociación Mundial de Radios Comunitarias).

Galiza non se vende é unha rede que, na nosa comarca, está formada por colectivos coma: Plataforma Ártabra 21, ADEGA, Fusquenlla (Pontedeume), Comité Cidada de Emerxencia Ría de Ferrol, SGHN, Verdegaia... Comezaba a xestarse naquel tempo e o 17 de febreiro de 2008 celebraron unha multitudinaria manifestación en Compostela, xuntando a colectivos de todo o país, con diversas reinvindiacións. O lema desta manifestación foi "Contra da destrucción do territorio". Para nos falar da rede Galiza non se vende e do caso Reganosa en particular, tivemos no estudio a Alexandre Carrodeguas (Verdegaia);  ademáis, lembramos ao activista ferrolá Carmelo Teixeiro, un dos impulsores do movimento contra da ubicación da pranta de gas Reganosa.

Durante todo o espazo ouvimos musica de The Cabrians , unha banda de ska e calypso dende Mataró.

Conduce: Pequeno Monstro (14/02/2008)

16 de fevereiro de 2016

Pedro Ferrández e Marcos Lorenzo aterran en Divertimento (03/12/2008, Rádio FilispiM)

Pedro Ferrandez dando un discurso en Rádio FilispiM

(03/12/2008 - resubida) Edición de Divertimento para pequenos monstros dende o estudio "metro cadrado" no Ateneo Ferrolán, na que un tal Pedro Ferrández acada o seu sono de contactar coa radio libre de Ferrol, Rádio FilispiM e apresentar unha proposta de programa incitado polo seu amigo Marcos Lorenzo, Asesor Cultural na etapa do bipartito en Ferrol. Aquela proposta materializariase semanas despois en "Aquilo que vibra", co visto e prace da Asemblea filispiniana, porque Pedro o valía.

Para tomar contacto co medio, familiarizarse e lanzarse ao baleiro das ondas hertzianas, Pedro Ferrández acudiu a aquila edición de Divertimento, até capitaneou os mandos técnicos e superviviu ao intento... e nós, tamén. Falaron de todo un pouco, das cousas de cada quen. Pedro veu con música dun grupo de rock progresivo, Soft Machine, e Marcos fixo balanzo da súa etapa coma Asesor Cultural en Ferrol...

Bo humor durante o programa e batismo filispiniano para Pedro, un outro Apóstolo filispiniano. 

Conduce: Pequeno Monstro.


PD. Pedro deixa xa o Diario de Ferrol e volve para FilispiM, querémoste máis e non imos censurarte nada.

15 de fevereiro de 2016

Carvalho Calero - Obradoiro Música Improvisada - Roteiro socios financieiros Reganosa - Divertimento (02/04/2009, Rádio FilispiM)


(08/05/2008 - resubida) Nesta edición de Divertimento para pequenos monstros, dende o estudio "metro cadrado" do Ateneo Ferrolán:

  • Conversa con Bruno, integrante da Fundaçom Artábria, verbo da figura e obra do escritor e profesor ferrolán Ricardo Carvalho Calero, o primeiro catedrático de lingua e literatura galega. Na altura, ano 2008, reclamábase adicarlle unha das edicións do Día das Letras Galegas ao literato ferrolá, cuestión que a Fundaçom leva solicitando dende a súa creación. No ano 2010 houbo unha ocasión ao cumplirse 10 anos da súa morte. Hoxe, en 2016, oito anos despois da emisión deste programa, continúan as peticións de que este día poda ser posíbel...
  • Conversa con Luis Rapela, promotor do Obradoiro Permanente de Creación, Tradición e Improvisación, que viñan de apresentar un pequeno ciclo de concertos de música "improvisada" executada por moz@s de Ferrol e Coruña no espazo Sargadelos en Ferrol. Falamos de música contemporánea, free jazz, dodecafonismo, música atonal, música aleatoria e ouvimos un extracto de "La noche transfigurada" de Arnold Schönberg. 
  • Lupe Ces, do Comité Cidadá de Emerxencia para a Ría de Ferrol, ponse en contacto con nós para darnos unha última hora. O Delegado do Goberno vén de prohibir un roteiro que ía ter lugar sinalando os socios financieiros da pranta de gas Reganosa...
Sintonizamos.
Conduce: Pequeno Monstro.

14 de fevereiro de 2016

Especial pre-VI Conspirando por unha radio libre - Divertimento (02/04/2009, Rádio FilispiM)

VI Conspirando, praza do Inferniño (Ferrol)
(02/04/2009 - resubida) Divertimento para pequenos monstros, especial pre-VI Conspirando por unha radio libre. Una semana antes do festival da radio libre de Ferrol, realizamos un especial con entrevistas a algúns dos grupos musicais participantes e intervencións de integrantes do Colectivo Opaii! que andaban na organización, Iago Montes e Miguel Castro.

No estudio "metro cadrado" do Ateneo, estiveron Pablo da banda de punk-rock local Retobato e Rogelio Arias (Roger de Flor), que xunto ás Sacha na Horta completaría cartaz daquela edición do xoves "santo", 8 de abril de 2009.

Unha sexta edición do Conspirando moi especial xa que, por vez primeira, o Colectivo Opaii! realizaba o festival ao ár libre, na Praza do Inferniño baixo unha grande carpa. Por outra banda, organizou una Feira de Colectivos á que acudiron 15 organizacións da comarca cos seus respeitivos postos informativos.

Sintonizamos...
Conduce; Pequeno Monstro.

13 de fevereiro de 2016

Conversa con Jesús Ordovás, "25 años de pop con Radio3" - Divertimento (28/02/2008, Rádio FilispiM)

(28/02/2008 - resubida) Nesta edición de Divertimento para pequenos monstros, especial adicado a exposición "25 Años de Pop con Radio 3", que na súa parada en Ferrol tivo a súa sede no Ateneo Ferrolán dende aquel 28 de febreiro até o 23 de marzo. Unha mostra multimedia para achegar e rememorar os anos 80 e 90 e albores do s. XXI. A exposición recollía fotografías, cartaces, flyers, fanzines, discos, maquetas, libros, etc. que Jesús Ordovás, recompilou durante os seus máis de 25 anos ao fronte do mítico "Diario Pop" de Radio 3, ferramentas interactivas completaban aquela mostra itinerante.

Ao findar a presentación da exposición, secuestramos a Jesús Ordovás e o introducimos no "metro cadrado", mítico primeiro estudio de Rádio FilispiM, no Ateneo Ferrolán, camuflado a catro metros do evento. Xa en antena, falamos da súas orixes ferrolás (el naceu en Ferrol Vello, no Porto), da súa historia na radio, da exposición... mais, aproveitamos a súa presenza para lle mostrar algúnhas cousas que estaban a acontecer no sempre efervescente panorama local. Puxémos música do nacente grupo Quant, de Roger de Flor, Fer Pinone, falamos dos Blood Filloas, de Daniel Alonso, Alberto Alonso, dos primeiros Triangulo de Amor Bizarro, The HomensViuda Gómez e Hijos, Andrés Dobarro, La Casa Azul, L-Kan, Serge Gainsbourge... e rematamos con Parálisis Permanente. Jesús Ordovás, sempre activo, aínda que na altura viña de ser "xubilado" polo ente RNE. tomou nota de todo aquelo no seu bloc.

Na conversa acompañounos Suso Suciedad, propietario do Manchita Cosa, e Bárbara Primo, quen ademáis tomou imaxes do "encontro"... Ao findar o programa fixemos entrega a Ordovás dun cedé recompilatorio de Rádio FilispiM con grupos da comarca e, como non, dunha camisola da nosa radio libre. Un tipo estupendo.

Sintonizamos, 28 de febreiro de 2008, Ateneo Ferrolán...
Conduce: Pequeno Monstro.

11 de fevereiro de 2016

Rolda de prensa Comité de Emerxencia Ria de Ferrol, Concesión Adtva. a Reganosa - Divertimento (06/03/2008, Rádio FilispiM)

Instante da rolda de prensa, 05/03/2008 (imaxe: Artabra 21)

(06/03/2008 - resubida) Recuperamos esta edición de Divertimento para pequenos montros, coa emisión na súa integridade da rolda de prensa do Comité Cidadá de Emerxencia para a Ría de Ferrol, oferecida no Ateneo Ferrolán o 5 de marzo de 2008, denunciando o "pelotazo" que supuxo a Concesión Administrativa da pranta de gas de Reganosa.

Contextualizando aquela época, recuperamos un extracto dunha entrevista concedida a web rebelion.org, naquel tempo, donde Manuel Rdguez. Carballeira, Lalán, daquela coordinador do Comité de Emerxencia, declaraba o seguinte:

"La planta de gas de Reganosa, situada en el interior de la Ria en Punta -Promontoiro, Concello de Mugardos- entró en funcionamiento en 2007. La ubicación original estaba prevista en el Puerto Exterior (Caneliñas), litoral exterior de la Ría.

Reganosa almacena 150.000 toneladas de gas natural licuado (GNL) con un valor energético de 2.000 GW.h (1.800 kilotones), situada al lado de un complejo petroquímico que alberga a su vez 283.000 m3 de combustibles y sustancias químicas. Alrededor de la planta, en un radio de 2000 m, viven 7.000 personas. Las viviendas más próximas, que pertenecen al núcleo de Mehá, están a unos 100 m de la misma. En este núcleo viven 400 personas.

Los grandes buques gaseros que suministran a la planta tienen que transitar por un largo, estrecho y poco profundo canal, en determinadas circunstancias de viento, visibilidad y siempre en pleamar diurna. Esto implica una altísima probabilidad de que, en caso de emergencia, el gasero se quede encerrado en el interior de la ría como en una ratonera, amenazando con su carga a la población de Ferrolterra. Desde la puesta en funcionamiento de la planta, año 2007, el 25% de los gaseros tuvo que abortar la entrada en la fecha programada.

Este conjunto de circunstancias hace que la planta de Reganosa constituya realmente una bomba instalada en el corazón de la ría, que amenaza noche y día a la población que vivimos en su entorno..." (ler íntegra)

Cara a metade do programa, (min. 33) recuperamos unha reportaxe sobre a Pranta de Gas de Reganosa realizada pola radio asturiana Onda Peñes. Nela, Carlos Lareo, daquela integrante do Comité Cidadá e da Comisión de Catástrofes do 061, alerta que en caso de accidente a explosión ou escape de gas afectaría a máis de 100.000 persoas, ao estar instalada no interior dunha Ría tan estreita coma a de Ferrol, ao carón dun centro petroquímico e a 2 Km dun nucleo poboacional de máis de 100.000 persoas, cando a súa ubicación axeitada debera ser o Porto Exterior en Caneliñas... Mais, a ambición de empresarios coma Roberto Tojeiro (quen chegou a recibir unha Medalla de Ouro da Deputación coruñesa, polos seus "méritos") e a complicidade da Admón. Autonómica do momento (Manuel Fraga, PP), fixeron posíbel un dos mayores despropósitos medioambientais de Galicia.

Sintonizamos...
Conduce: Pequeno Monstro.



8 de fevereiro de 2016

Especial novidades grella 2008/2009 - Divertimento (02/10/2008, Rádio FilispiM)

Estudio `metro cadrado´da Rádio FilispiM no Ateneo.

(02/10/2008, resubida) Divertimento para pequenos monstros, primeira edición da grella 2008/2009. Unha fotografia sonora daquel curso radiofónico da FilispiM, dende o estudo `metro cadrado´ no Ateneo Ferrolán.

Información sobre programas e algunha conexión telefónica cos protagonistas da daquel pasado curso radiofónico: programas de produción allea coma o mítico `Crestas e Imperdíbles´conducido por Medi, de Radio Piratona, ou mesmo conversa con Miguel Castro, un dos impulsores de O Recuncho, programa da Asociación Cultural Fuco Buxán, que naquela tempo (outubro 2008) comezaba a andar e que, co tempo, acadaría a emisión de máis de douscentos espazos, consolidándose coma un dos programas de produción propia máis veteranos da FilispiM.

Outros espazos de produzón propia e allea completaban a programación, coma Spanglish (Fátima e Dimitri), Radio Insurgente (EZLN), Mundofonías (Araceli e Juan)... ou Divertimento.

Introducímonos na monstrosa máquina do tempo e sintonizamos...

Conduce: Pequeno Monstro.

6 de fevereiro de 2016

Especial reportaxe no IV Conspirando por unha radio libre - Divertimento (17/04/2007, Rádio FilispiM)

Os Chiquilicuatres de Ribeira en plena éxtase conspiranoica...

(17/04/2007) -resubido- Especial edición Divertimento para pequenos monstros emitida o 17 de abril de 2007 dende o estudio "metro cadrado" de Rádio FilispiM, no Ateneo Ferrolán.

Neste programa escoitamos a reportaxe sonora realizada polos pequenos monstros, o xoves "santo" 5 de abril de 2007, no transcorrer do IV Conspirando por unha radio libre, que nesta ocasión se celebrou en San Sadurniño, na sá DZine.

Naquela edición do Conspirando (festival do Colectivo Opaii!-Rádio FilispiM) tocaron os grupos: Chiquilicuatres (Ribeira) proposta festeira de integrantes de A Compañía do Ruido, La Sentina (Ferrol) co seu rock proletário e un dúo formado por Abraham e Cris, ex Lamatumbás, que sorprenderon gratamente cunha proposta novidosa que apresentaban aquela noite...

Quedades con este novo audio rescatado do arquivo sonoro Divertimento.

Conduce: Pequeno Monstro.

5 de fevereiro de 2016

Especial 4º Encontro da ReMC en Bilbo - Divertimento (29/11/2007, Rádio FilispiM)


(29/11/2007) -resubida- En outubro de 2005 aconteceron no populoso bairro de Usera (Madrid) as primeiras Xornadas Internacionais de redes comunitarias, berce do que logo sería a ReMC (Red de Medios Comunitarios). Intuíase, xa daquela, que se ía crear un novo marco legal audiovisual (Ley General Audiovisual). A idea daquel encontro foi crear unha plataforma de traballo cooperativo que tivera visibilidade fronte a Administración, co fin tentar incorporar por vez primeira aos medios do terceiro sector estatais no articulado desa futura Ley 7/2010, de 31 de marzo, General de la Comunicación Audiovisual., que finalmente tardaría en chegar e vería a luz no 2010.

A ReMC (Red Medios Comunitarios) é un espazo de aglutina, coordina e defende os fins dunha diversidade de medios, iniciativas e prácticas de comunicación cidadás, englobadas dentro do denominado Terceiro Sector da Comunicación, radios libres e comunitarias, televisións, proxectos audiovisuais e pubicacións.  

A ReMC nace ao tempo ca Rádio FilispiM, a primeira  radio libre e comunitaria de Ferrol, xestada baixo o ideario das radios libres dende a súa concepción coma idea, a finais do ano 2003, e cuxas primeiras emisións datan de agosto de 2005.

Nese tempo, finais de 2004, O Colectivo Opaii!-Rádio FilispiM organizou na súa sede, o Ateneo Ferrolán, unha xuntanza de Radios Libres e comunitarias a nível galego, xuntaza na que se artellaría e consensuarían os principios mínimos da ReGARLIC (Rede Galega de Radios Lilbres).

Postos en contexto, recuperamos esta emisión especial de Divertimento para pequenos monstros, producida en novembro de 2007 poucas horas despois do 4º Encontro da ReMC en Bilbo organizado por Tas-Tas Irratia Librea, emisora hoxe desaparecida. A aquel encontro acudiron 150 persoas pertencentes a 100 medios do terceiro sector estatal, e tivo lugar entre o 23 e 25 de novembro de 2007. 

No audio escoitaremos as valoración daquel encontro de Mariano Cabarcos e Tomi Legido da emisora comuntiaria de Coruña, Cuac FM. Na segunda parte do programa escoitamos unha reportaxe que Eco Leganés realizou in situ no Encontro. A disfrutar...

Conduce: Pequeno Monstro.

4 de fevereiro de 2016

Programa especial no descorrer do V Conspirando - Divertimento (20/03/2008, Rádio FilispiM)


(20/03/2008) -resubida- Edición especial  dos `Pequenos Monstros´ na Rádio FilispiM, animando as horas previas aos concertos do `V Conspirando por unha Rádio Libre´ dese xoves `santo´ 20 de marzo de 2008 na Praza do Inferniño de Ferrol. O programa realizouse en directo dende o estudo `metro cadrado´ do Ateneo Ferrolán,  no transcorrer da Feira de Colectivos que, como novidade, organizaba ese ano o Colectivo Opaii!-Rádio FilispiM, complementariamente aos concertos do festival.

Contamos o porqué do Conspirando, fixemos un pouco de historia e animamos as horas previas ao `estoupido´ da quinta edición do Conspirando que, coma sempre, cadrou en xoves `santo´ e que, por vez primeira, realizamos ao ár libre baixo unha inmensa carpa na praza do Inferniño de Ferrol, grazas a colaboración de moitas persoas e do Concello, que nos deixou unha carpa e unha praza...

Durante dúas horas e media escoitamos música das bandas participantes no festival, Ta´crack (Narón), The Sweet (Ferrol) e Dakidarría (Nigrán). Ademaís, coa axuda doutros integrantes do Colectivo Opaii!, Paula Meizoso, Iván DZine (e Tomi Cuac FM que pasaba por alí), entrevistamos a moitas persoas ao fronte das mesas na Feira de Colectivos: Lalán (Fuco Buxán), Lupe Ces (Marcha Mundial das Mulleres), Loli (Artefeito Caseiro), Eliseo Zaera (Ateneo Ferrolán), Eva (ONG Solidaridad Internacional), Carlos Varela (Comité Antisida Lazos), Xabi Porto (Espazo Libertario / Fervesteiro), Susana e Sonia (Cometa, defensa animais) e até un integrante de El Militante. Como non podía ser menos, falamos con algúns dos músicos participantes no V Conspirando: WC García (The Sweet) e un integrante de Ta´Crack.

Conduce e anima: Pequeno Monstro. A disfrutar.

2 de fevereiro de 2016

Roger de Flor, `Canciones de Amor y Retranca´ + Detención de Bastida en directo - Divertimento (29/05/2007, Rádio FilispiM)


(29/05/2007) -resubida- Recuperamos do arquivo unha outra edición de `Divertimento para pequenos monstros´, nesta ocasión emitida na Rádio FilispiM.

Neste programa, Roger de Flor visitou o estudio e apresenta a súa maqueta (demo) `Canciones de Amor y Retranca´, tarxeta de presentación do intérprete fenés cuxo nome e música son hoxe ben coñecidas e valoradas.

No trancurso do programa cubrimos unha nova que estaba a acontecer coa colaboración dos improvisados correspondentes, Lupe e André, que se puxeron en contacto vía teléfono con Divertimento (Rádio FilispiM), para nos contar que estaba a ocorrer no máis rigoroso dos directos:

Un dos primeiros gaseiros que ían abastecer a Pranta de Gas de Reganosa en Ferrol,`Mourad Didouche´, co obxecto de encher o segundo dos tanques, era paralizado en plena Ría de Ferrol por unhas 20 pequenas embarcacións tripuladas pol@s mariscador@s, nunha acción sopresa que foi nova nos medios de comunicación de todo o mundo... ao igual que acontecera na xornada do  9 de maio coa entrada dun outro gaseiro, o Galicia Spirit.

Numerosas persoas, integrantes do Comité de Emerxencia apoiaban acción dende o peirao ferrolán, mais ao regresar @s mariscador@s a porto a policia nacional procedeu a detención do, daquela, Patron Maior da Confraría de Ferrol, Bernardo Bastida. Entón, produciuse unha carga policial e unha compañeira da Rádio Filispim, Cris, foi ferida...

Radio libre e comunitaria en estado puro...

Conduce: Pequeno Monstro.

7 de janeiro de 2016

Especial `III Conspirando por unha radio libre´ - Divertimento (05/03/2008, Rádio FilispiM)


(05/03/2008) -resubida- Edición de Divertimento para pequenos monstros dende o xa mítico estudio `metro cadrado´ de Rádio FilispiM, no Ateneo Ferrolán.

Especial III Conspirando por unha radio libre celebrado o xoves 13 de abril de 2006 no local social de San Carlos, no bairro de Esteiro (Ferrol).

Escoitamos extractos dos concertos que deron os grupos participantes nese Conspirando, La Sociedad Protectora del Hombre Mono que para a ocasión contou coa colaboración do Neno Elliott, Os Tres Trebóns de Xurxo Souto  e o Vendaval do Rosal, o rap combativo de IV Guerra Mundial e os Strutter, unha xoven banda de rock local que rematarou de incendiar aquela noite de xoves `santo´ filispiniana.

O festival `Conspirando por unha radio libre´ foi activado polo Colectivo Opaii! no ano 2004, na súa primeira edición, para dar vida á Rádio FilispiM, primeria radio libre e comunitaria da Terra de Trasancos-Ferrol que actualmente emite no 93.9 da FM e vía streaming  para todo o planeta en http://opaii.blogspot.com

Narrando os `altercados´filispinianos estivo o Pequeno Monstro...

5 de janeiro de 2016

SGHN + Fundación Vía Galego - Divertimento (05/02/2009, Rádio FilispiM)



(05/02/2009) -resubida- A Sociedade Galega de Historia Natural (SGHN) vén realizando desde os primeiros anos da década dos setenta os Censos de Aves Acuáticas invernantes, Censos de Aves petroleadas así como o anillamento científico de aves. Ademáis, participou directamente na elaboración do "Atlas de Vertebrados de Galicia", que hoxe en día é unha obra de consulta obrigada para calquera estudioso da natureza.

A SGHN forma parte da Coordinadora para a ou Estudo de Mamíferos Mariños (CEMMA) e da Sociedade Española de Cetáceos (SEC), cun grupo de traballo creado especialmente para a atención daqueles animais vivos que poidan varar nas nosas costas, seguimento de avistamento de cetáceos na comarca e necropsias dous cadáveres atopados, retirando mostras para o seu posterior estudo no Centro de investigacións Mariñas de Vigo.

Por outra banda, a "Sociedade" colabora con CEPESMA (Coordinadora para o Estudo e Protección das Especies Mariñas) de Luarca (Asturias), coa que comparte materiais e coñecementos.

Desde o comezo das súas actividades recollen e cuidan animais salvaxes feridos, ao non existir entidade pública oficial con este fin. Agora, se colabora no mesmo fin co Centro de recuperación de Fauna Salvaxe da Xunta de Galicia en Oleiros, organizando o envío de animais feridos aparecidos na comarca e conservando os restos de animais non recuperados para futuros estudos, que pasan a formar parte dos fondos do museo.

A delegación de Ferrol da SGHN posúe no seu local un museo que comezou sendo unha pequena exposición sobre a riqueza natural de Galicia. Hoxe, grazas ao esforzo altruísta de moitos socios e socias, podemos consideralo un Museo único en todo o País galego. Os medios e as axudas cos que conta para realizar o seu labor son escasos e os recursos limitados, mais, a pesar destas dificultades, o traballo que se está a realizar non é pouco.

O Museo comezou a con unhas pequenas coleccións de insectos, crustáceos, cranios de aves, etc., coleccións que foron aumentando para deixar de ser pequenas, e xunto a elas comezaron a aparecer as primeiras montaxes de esqueletes de mamíferos mariños (golfiños, toniñas...) e os primeiros fósiles. Hoxendía o Museo da Natureza da SGHN de Ferrol conta cunha ampla diversidade de pezas. Grande parte do material exposto foi recollido na Comunidade galega, complementado cos restos e traballos doutras zonas da península.

No ano 1984, coa cesión dun local por parte do Concello de Ferrol (antigo Hospicio en Amboage), decidiuse darlle carácter público aos numerosos libros propiedade da "Sociedade", creándose a biblioteca pública da SGHN. Esta comezou a crecer con subvencións e doazóns de libros de contido especializado e hoxe en día acadou un bon número de exemplares. Así, desde o ano 1.999 a Sociedade Galega de Historia Natural de Ferrol ten subscrito un convenio co Concello para manter aberto o Museo e a biblioteca así como a difusión da nosa natureza e os seus valores ás xentes de Ferrol.

No ano da gravación deste programa, 2009, este museo demandaba un espazo acondicionado e digno no que poder expor todos os fondos, xa que estado do local cedido polo Concello era de ruina total... A solución semellaba pasar pola restauración ou traslado a "Casa del Coronel" (parcela do antigo cuartel Sanchez Aguilera en Canido), un espazo de uso militar desafectado.

Aproveitando a celebración o xoves 5 de febreiro de 2009 dunhas Xornadas do Medio Mariño organizadas pola SGHN no Ateneo FerrolánJuan Ignacio Díaz da Silva, histórico integrante da "Sociedade", estivo a falar en Divertimento para pequenos monstros de todo esto...

Este Divertimento para pequenos monstros (05/02/2009) remata cunha entrevista telefónica a Iria Taibo da Fundación Vía Galego, quen tenta que os medios de comunicación audiovisuais portugueses podan ser sintonizados en Galiza, como unha oferta máis normalizada...

Conduce a apresenta: Pequeno Monstro.

3 de janeiro de 2016

Resubindo o arquivo sonoro de Divertimento (Radio Fene, Radio Kaos & Radio FilispiM)


Durante esta pausa nas emisións de Divertimento para pequenos monstros recuperaremos gravacións históricas do programa que, subidas no seu momento, foron caendo na rede tralos cambios en blip.tv

Agora, dende archive.org, recuperaremos eses programas correspodentes ás etapas de emisión en Rádio Kaos (anos 1998/2000), Radio Fene (2000/2005) e da Rádio FilispiM (2005/2012), no caso filispiniano gravados no mítico estudio "metro cadrado", no Ateneo Ferrolán.

Acéitanse peticións de re-subida destes programas de arquivo. De terdes especial interés nalgún, ou fostes protagonistas deles coma convidad@s (persoas ou Colectivos), non deixedes de solicitar a súa resubida.

Podes seguir a actualización e recuperación do arquivo sonoro de Divertimento en:
http://pequenosmonstros.blogspot.com

Saùde e divertimento.
Pequeno Monstro, xaneiro 2016

1 de janeiro de 2016

Divertimento para pequenos monstros informa

O Pequeno Monstro.

Olá,

son o `Pequeno Monstro´, responsábel de Divertimento para pequenos monstros. Como sabedes hai meses decidín facer un parón canto a realización deste espazo, nesta xa iniciada grella 2015/2016.

Continuarei realizando os programas musicais Off Mental e 80 Vinilos/h, que renovarán contidos quincenalmente e se emitirán en Rádio FilispiM (Ferrol), Rádio Kalimera (Compostela), Radio Fene, Radio Eume (As Pontes), Radio Redondela e Radio Negreira. Ademáis, se distribuirán ao través dos correspondentes podcast en: http://offmental.blogspot.com e http://80vinilos.blogspot.com . Se formas parte dalgunha radio non comercial e desexas difundir estes contidos só tes que comunicalo ao Pequeno Monstro.

Moitas grazas a tod@s. Saúde.

O Pequeno Monstro.
Related Posts Plugin for WordPress, Blogger...