Amosando publicacións coa etiqueta Divertimento - Tempada 2010/2011. Amosar todas as publicacións
Amosando publicacións coa etiqueta Divertimento - Tempada 2010/2011. Amosar todas as publicacións

13 de maio de 2016

Divertimento - Especial 5º aniversario 15M - Ferrol - 20/05/2011

 Maio 2011, Ferrol (Fonte: Luis Fernández)

Na edición do 20 de maio de 2011 de Divertimento para pequenos monstros (Rádio FilispiM), realizamos a primeira das numerosas coberturas verbo da incidencia na nosa comarca do, daquela, nacente Movimento 15M. Hoxe, cadrando do quinto aniversario do 15M, recuperamos ese programa e o completamos con outros rexistros sonoros tomados directamente na Praza do Concello de Ferrol, testemuña de asembleas, acampadas e actividades promovidas polos colectivos xurdidos daquela, coma "Toma la Calle Ferrol" ou, mesmo, "Acampada Ferrol."

Este programa especial está plantexado a modo de collage sonoro, co obxecto de que a ovinte se faga unha composición do acontecido naquel Maio de 2011, no Estado, País galego e, como non, Ferrol.

As reportaxes foron rexistradas polo Pequeno Monstro para o programa Divertimento, na Praza do Concello de Ferrol os días, 19, 20 e 28 de maio de 2011. Algúns destes rexistros son inéditos, non se difundiron até agora, polo que cobran especial relevancia. A actual coxuntura política, onde formacións nadas daquel 15M gobernan xa algunhas Institucións,  mesmo teñen opcións de gobernar o Estado, lle dan a este documento un plus de importancia, canto a analisar como, cando e por que comezou todo.

A cronoloxía dos rexistro sonoros (según aparecen no programa) é a seguinte:
  • Xoves 19/05/2011. Conexión telefónica coa Praza do Concello de Ferrol. Iago Montes fai de correspondente. Damos voz a un dos integrantes de "Ferrol Toma la Calle", colectivo convocante da concentración que está a ter lugar (min. 00:18).
  • xx/05/2011. Audio do programa "En días como hoy" (Radio1 - RNE). Chamada de Cristina, unha ouvinte indignada co que está a ouvir na tertulia radiofónica do ente público (min. 00:33).
  • Domingo 15/05/2011. Audio rexistrado por Divertimento na manifestación do 15M de Sevilla (min. 00:40).
  • Venres 20/05/2011. Audio rexistrado por Divertimento na Asemblea aberta daquela tarde, organizada por "Ferrol Toma la Calle" (min. 00:49).
  • Sábado 28/05/2011. Entrevistas realizadas por Divertimento a persoas da "Acampada Ferrol", na Praza do Concello: grupos de traballo, coordenadoras, persoas colaboradoras, moz@s que chegaban a acampar (min. 01:06).
  • Sábado 28/05/2011, na noite. Rexistro de Divertimento do concerto do grupo folk Muxarega de As Pontes, dentro das actividades organizadas por "Acampada Ferrol" (min. 01:41).
Selección musical:
- Bigott. Gravación realizada por Divertimento no Womad de Cáceres de 2011.
- Selección de hip-hop instrumental do selo Tú Pierdes (Yo Gano-Superego). Temas de Hyppaly, etc.
- Steve Reich.
- Andrew Poppy (...)

Condución, montaxe e edición de audio: Pequeno Monstro (13/05/2016)


Video: Reportaxe 15M en Ferrol (fonte: chupicola)

15 de xullo de 2011

Divertimento - Novas sobre @s Indignad@s Ferrol + XI Festival da Terra e da Lingua [Fundaçom Artábria]

Edición de Divertimento para pequenos monstros [Rádio FilispiM, 93.9 FM], apresentada e conducida polo Pequeno Monstro.

Neste programa:
  • Conversa con Martinha do colectivo Acampada/Indignad@s Ferrol, quen nos falou das actividades deste colectivo logo do "levantamento" da Acampada na Praza 15 de Maio de Ferrol; dentre delas as xornadas polo "Dereito a unha vivenda digna" [experiencias de okupación Berlín-Caranza], charla-debate cuxo audio vos ofereceremos neste mesmo blogue en vindeiras entradas.
  • Entrevista a Xaquim e Monse integrantes da asemblea da Fudaçom Artábria de Ferrol, que esta fin de semana celebra o XI Festival da Terra e da Língua, no Moinho de Pedroso [Narom]. Falamos da atualidade desta consolidada Asociación da nosa comarca así como do programa do Festival e ouvimos música dos grupos participantes nas xornada dovenres [sexta feira] 15 e sábado 16 de xullo.
Rádio FilispiM, participará [previo convite da Fundaçom] na charla-debate sobre os medios de información [e contrainfo] xunto a profesionais de Galizacontrainfo, Novas de Galiza e Diário Liberdade. Vai ser este sábado a partir das 19:00 h. no propio recinto do Festival. Máis información en: http://www.artabria.net/




Descargar o audio

8 de xullo de 2011

Divertimento - Especial "Desmontando o ensino público. Contrato por Ferrol".

Nova edición de Divertimento para pequenos monstros, que demos en chamar "Desmontando o ensino público. Contrato por Ferrol".

Contamos coa presenza no estudio de Rádio FilispiM, 93.9 FM, de Patricia e Ana, nais de nen@s e da comunidade educativa do Colexio Rural de Lago en Valdoviño, así como de José Manuel [profesor] e Juan [ANPA] da comunidade educativa do CEIP San Xoán de Filgueira de Ferrol.

Como xa é público sobre a Escola de Valdoviño existe unha ameaza seria de feche e sobre a escola de San Xoán de Filgueira unha reducción dos seus recursos humanos e de unidades pese ao incremento de alumnado. Este último centro contínua o seu feche de protesto contra estas medidas, dende o pasado xoves 30 de xuño.

Ademáis, outros centros educativos públicos da comarca de Ferrol son afectados por estoutra "reconversión", dunha o doutra maneira: Rodolfo Ucha, IES Ferrolterra, CIFP de Fene, Colexios Os Casais de Maniños e O Ramo de Barallobre, IES Fernando Esquío de Neda, Colexio San Ramón de Moeche... A nível de Galicia, estes recortes afectan a outros moitos centros públicos.

Durante o programa analisouse a delicada situación dos Ensino Público na comarca de Ferrol [patrocinada paradoxalmente por quen "administra" o público -> Xunta de Galicia e os seus monaguillos], ademáis se estabeleceu un interesante diálogo cos ouvintes que chamaron a radio en directo.

Descargar o audio

Foto: Susete Ferrol

1 de xullo de 2011

Divertimento - Ataque da Xunta ao ensino publico [CEIP San Xoan de Filgueira] + Do Wah Diddy! Pop Festival [Ferrol]

Nova edición de Divertimento para pequenos monstros [Rádio FilispiM, 93.9 FM] - 30/06/2011

Contidos:
- Inminencias e incidéncias sónicas ferrolterráqueas. Ouvimos pezas do novo álbum de ROGER DE FLOR [El mundo está loco, loco, loco], un adianto do vindeiro disco de OSCAR QUANT e dúas pezas radiantes-maketas dos ferrolás iluminados CARRERO BIANCO.

- Ataque da Xunta de GZ ao ensino público [CEIP San Xoan de Filgueira]. Contacto telefónico por mór do feche que está comunidade educativa iniciou este xoves. Un recoñecido e premiado centro público da comarca posto contra as cordas pola Administración galega -> http://www.edu.xunta.es/centros/ceipxoanfilgueira/node/272

- Entrevista a CARLOS ESPEJO, un dos organizadores de DO WAH DIDDY! POP FESTIVAL, que se celebrará o venres 1 de xullo no pub Carteles de Ferrol. Escoitamos músicas das bandas que conforman o cartaz da festa presentación deste festival: The Right Nows [Cedeira], The Seasongs [Madrid] e Bang 74 [Ferrol].

Descargar o audio

Monstro, agréganos no Facebook.

17 de xuño de 2011

Divertimento - Entrevistas a: Martinha [Acampada Ferrol], Roger de Flor, Misquious [Manel e Melo] e Polyester [Carlos Mosquera]

Nova edición de Divertimento para pequenos monstros, en Rádio FilispiM, 93.9 FM, cos seguintes contidos:

- Conversa con Martinha, da ASEMBLEA ACAMPADA FERROL, con quen falamos distendidamente sobre os últimos capítulos desta rama do movimento 15M na nosa cidade e da concentración-carerolada prevista para o domingo 19 de xuño na Praza 15 de Maio de Ferrol [antigua praza de Armas].

- Entrevista con ROGER DE FLOR. O cantaoutor fenés apresentanos o seu novo disco “El mundo está loco, loco, loco” e convidanos a asistir á presentación do mesmo o vindeiro mércores 22 de xuño no centro cultural Torrente Ballester de Ferrol.

- Entrevistas a Manel e Melo de MISQUIOUS, banda ferrolá que anda a perpretar o que será o seu vindeiro disco grande e ao transformista POLYESTER [Carlos Mosquera]. Ambas formacións actuarán o vindero sábado 18 de xuño na festa fin do ciclo “Novas Noites”, no C.C. Torrente Ballester de Ferrol, acompañad@s doutr@s bandas e artistas da nosa comarca. A entrada é de balde, previo convite a retirar no Teatro Jofre.

Descargar o audio

3 de xuño de 2011

Divertimento - Especial DEBATE ACAMPADA FERROL [02/06/2011]

Nova edición do programa de Rádio FilispiM, 93.9 FM, Divertimento para pequenos monstros.

Nesta ocasión, programa especial debate cos integrantes da Asemblea da ACAMPADA FERROL [movimento 15M]: Martinha, Anxo e Mauro. Ademáis contamos coa presenza de Eliseo [movimento libertario de Ferrol] e a intervención telefonica de Miguel [integrante de AAVV de Esteiro-Ferrol].

Descargar o audio

Monstro, agréganos no Facebook.

Foto: Susete Ferrol -> http://tomaarua.blogspot.com/p/fotos.html

27 de maio de 2011

Divertimento - Concerto Philip Glass e Tim Faim [piano/violin] Teatro Jofre [Ferrol, 21/05/2011]

Nesta edición de Divertimento para pequenos monstros [Rádio Filispim, 93.9 FM], escoitamos íntegro o concerto que deu Philip Glass e Tim Faim [piano/violin] no Teatro Jofre de Ferrol o pasado sábado 21/05/2011.

Este concentro finalizou o estupendo ciclo de música minimalista que por vez primeira chegou ao teatro da nosa cidade baixo o título de "Repeat".

Durante os dous días precedentes, profesor@s e alumn@s do Conservatorio de Música Xan Viaño de Ferrol, interpretaron obras de: John Cage, Steve Reich, John Adams, Arvo Pärt, Muchael Nyman, Terry Riley ou mesmo Douwe Eisenga e Eduardo Polonio, que estiveron no propio Teatro Jofre.

Destacar a intepretación da obra "In C" de Terry Riley realizada por unha orquesta formada por moi novos músicos e alumnos do Conservatorio Xan Viaño de Ferrol, dirixidos por Jose Núñez Ares. Este último actualmente profesor no conservatorio de Rotterdam, realizó unhas estupendas interpretacións ao piano da obra do holandés Douwe Eisenga.

Que a música contemporánea en calquera das súas modalidades se incorpore aos conservatorios e mesmo as sás de concertos de Ferrol merece especial recoñecemento e atención. A totalidade do ciclo ten sido, sen dúbida, todo un Divertimento para pequenos monstros.

Este é o audio do concerto:

Descargar o audio

Foto do día do concerto no Teatro Jofre de Ferrol, tirada de: http://www.elmundo.es/elmundo/2011/05/22/galicia/1306065797.html

20 de maio de 2011

Divertimento - Ferrol toma a Rúa!!! + Concerto Bigott [Womad Cáceres, 2011] + Ciclo músicas minimalistas [Teatro Jofre-Ferrol].

Nova edición do programa de Rádio FilispiM, 93.9 FM, Divertimento para pequeno monstros.

Contidos:
- Reportaxe sobre a iniciativa Democracia Real Xa!!!, manifestacións do 15/05/2011

- Ferrol toma a Rúa!!!!. Conexión telefónica coa concentración do xoves 19 de maio de 2011, na praza de Armas de Ferrol.

- Concerto do grupo extraterrestre Bigott no WOMAD de Cáceres, 2011.

- Ciclo de músicas minimalistas no Teatro Jofre de Ferrol.

Audio programa completo:

Descargar o audio

Audio concentración "Ferrol Toma a Rúa!" - xoves 19/05/2011:


Monstro, agréganos no Facebook!

29 de abril de 2011

Divertimento - Conversa co espírito da CSO Casa das Atochas [logo do desaloxo] + Mariano de CUAC FM [concurso licenzas FM na GZ só para privadas]

Nova edición de Divertimento para pequenos monstros [28/04/2011], donde Virxilio nos fala dende o espirito "santo" do Centro Social Okupado Casa das Atochas, logo do seu desaloxo legal, o pasado 12 de abril de 2011.

No final do programa tivemos unha conexión telefónica con Mariano de CUAC FM, dende A Zapateira. Ele cóntanos a recente publicación dun concurso para concesión de frecuencias en FM só para radios privadas, o que vai deixar as emisoras libres e comunitárias en franca indefensións, ao preverse unha ocupazón "legal" do dial e un perigoso movimento das radios privadas piratas.

No transcurso do Divertimento, escoitamos as músicas de: Sin Dios [Casa Okupada casa enkantada, La hoguera de la revolución, Alerta Antifa, Inmigrante ilegal], El Corazón del Sapo [La noche de los cristales rotos, versión dub], Habeas Corpus [Expresión directa] e Johann Sebastian Bach.

Ademáis recomendamos algúns eventos na comarca, dentre deles: IX Sesión Vermú para a autoxestión da radio libre que emite dende Ferrol, Rádio FilispiM, 93.9 FM, prevista para o o sábado 7 de maio de 2011 a partir das 12:00 do mediodía na traseira do mercado de Caranza. Rádio FilispiM emitirá un programa especial en directo coa intervención de todas.

AUDIO DESPARECIDO DO SERVIDOR. RESUBIRÉMOLO EN BREVE.

8 de abril de 2011

Divertimento - Conversa con Carlos Alberto Alonso + Entrevista a Lee Van Cleef [punk-Ferrol]

Edición do 07/04/2011 de Divertimento para pequenos monstros [Rádio FilispiM, 93.9 FM - Ferrol].

Contidos:

- Conversa con Carlos Alberto Alonso, nominado aos premios Mestre Mateo 2010 [Academia Galega do Audiovisual], pola longametraxe documental: “Roger de Flor, Naturalidade Silvestre”.

- Entrevista a Miguel e Bárbara do grupo punk de Ferrol, Lee Van Cleef.

Durante o programa puxemos músicas de Roger de Flor, Lee Van Cleef e das súas máis raibosas influencias oitenteras [Desechables, Espasmódicos...].

Descargar o audio

Monstro, agréganos no Facebook.

31 de marzo de 2011

Divertimento - Entrevista a Mariano [Cuac FM - 15 Aniversario] + Audio mesa "Alterando a Radio" - Cuac FM]

Edición de Divertimento para pequenos monstros, do 31 de marzo de 2011.

Contidos:
- Homenaxe ao pobo nipón.

- Entrevista a Mariano Fernández Cabarcos integrante de Cuac FM por mór do 15 aniversario da emisora comunitaria de A Coruña, Cuac FM [103.4]

- Audio íntegro da mesa "Alterando a radio", dentro das xornadas "Alterando o Normal", argalladas por Cuac FM, na que participaron Tomy [Cuac FM] e o Pequeno Monstro [Rádio FilispiM], así como as voces dalgúns dos asistentes á mesma, aquel 28 de marzo de 2011.

As músicas que escoitamos:
- Sintonía
- Isao Tomita -> Arabesco Nº 1 [Claude Debussy, versión electrónica]
- Peter Scmalfuss -> Arabesco Nº 1 [Claude Debussy, versión piano acústico]
- La Huerta Atómica [Miguel Ríos] -> Instrucciones a la población civil
- Tanita Tikaram -> For all these years
- Paraiso -> Para ti [que solo tienes 15 años cumplidos]. Especial adicación a Cuac FM.
- Carrero Bianco -> Deux ex Machina
- Roger de Flor -> En una noche como esta

Descargar o audio

Foto: asistentes á mesa "Alterando a Radio", dentro das Xornadas "Alterando o Normal", de Cuac FM [28/03/2011]

Monstro, agréganos no Facebook.

18 de marzo de 2011

Divertimento - Premios Mestre Mateo 2010, Pablo Portero [Audiovisual Galega] + Solidariedade co pobo xapones + 3º Aniversario Casa das Atochas

Edición do 17 de marzo de 2011 de Divertimento para pequenos monstros [Rádio FilispiM, 93.9 FM].

CONTIDOS:
- Audiovisual Galega [Premios Mestre Mateo 2010].

- Audio da versión reducida da longametraxe documental: "Roger de Flor, Naturalidade Silvestre" [Carlos Alberto Alonso, 2010].

- Entrevista a Pablo Portero [guionista/escritor e director de cine]. Un ferrolá en Compostela.

- Conexión coa concentración en Ferrol en apoio ao pobo xaponés e polo feche das centrais nucleares.

- Conversa con Lucía, asemblea da Casa das Atochas en A Coruña [Xornadas de okupación e 3º aniversario].

Ademáis ouvimos música de: Portishead, Roger de Flor, Carrero Bianco, Erik Satie, Laurie Anderson, Aviador Dro, Miguel Ríos...

AUDIOS DESPARECIDOS DO SERVIDOR. RESUBIRÉMOLO EN BREVE.

4 de marzo de 2011

Divertimento - Entrevista a POLYESTER [Carlos Mosquera] - 03/03/2011

Nova e glamourosa edición de DIVERTIMENTO para pequenos monstros.

Nesta ocasión nunha entrevista especial a POLYESTER, nome artistico detrás do que se atopa Carlos Mosquera.

Na súa nova andaina en solitario, POLYESTER, nos conta parte da súa intensa biografía e, como non, do seu sintético e transgresor alter-ego.

Ademáis, aproveitamos para escoitar música que el mesmo seleccionou, grandes artistas que o acompañan na súa vida e na súa obra: Amanda Lear, Divine, Bonye M, Los Panchos e mesmo Almodóvar e Mc. Namara.

Lembrade que este sábado 5 de marzo de 2011 POLYESTER aterrará a súa nave espacial no Manchita Cosa [Rúa Madalena, Ferrol] apresentando o seu novo Show: "La Resurreción", pois nada a resucitar todas.

Descargar o audio

Monstro, agréganos no Facebook.

11 de febreiro de 2011

Divertimento - Entrevista a CARRERO BIANCO [11/02/2011]

Nesta edición de Divertimento para pequenos monstros, conversamos con Quincho, Blas e Rocío, tres dos catro fantásticos do grupo ferrolá-extraterrestre CARRERO BIANCO.

Escoitamos parte do seu primeiro cedé "Oferta de Lanzamiento", así como das súas influencias musicais: Kraftwerk, Debo, Derribos Arias...

Interesante conversa con este grupo de electro, pop e outras escuras herbas , cuns antecedentes un tanto sospeitosos [Quincho -> Los Bonitos del Norte, Blas -> Triángulo de Amor Bizarro].

Postos os CARRERO BIANCO na órbita do planeta Divertimento, decidimos planificar un novo secuestro para futuros e monstrosos programas.... así que atentas!!!

Monstro, agréganos no Facebook.

21 de xaneiro de 2011

Divertimento - Conversas con: Mariano e Diego [CUAC FM/ReMC], Antón [CSO As Atochas Corunha] e Xabier [CNT Ferrol] - 20/11/2011

Edición de Divertimento para pequenos monstros emitido en Rádio Filispim, 93.9 FM [Ferrol] o pasado 20/01/2011.

Contidos:

[1] Conversa con Mariano Fernández Cabarcos e Diego Fernandez de CUAC FM Corunha e ReMC [Rede Medios Comunitarios].

[2] Conversa con Xabi da asemblea da CNT - Ferrol diante da Folga Xeral do 27 de xaneiro de 2011.

[3] Entrevista a Antón, integrante da asemblea do Centro Social Okupado [CSO] Casa das Atochas de A Corunha. Todas as novidades logo da orde de desaloxo e manifestación na defensa deste espazo autoxestionado.

Escoita aquí o audio íntegro de Divertimento para pequenos monstros:

Descargar o audio
Escoita aquí a conversa con Xabi [CNT-Ferrol] convocándonos a participar na Folga Xeral do vindeiro xoves 27 de Xaneiro de 2011:

Descargar o audio
Escoita aquí a conversa con Antón [CSO As Atochas - Corunha]. Ultimas novas logo da orde de desaloxo e a manifa en na defensa deste espazo autoxestionado:

Descargar o audio
AUDIOS DESPARECIDOS DO SERVIDOR. RESUBIRÉMOLO EN BREVE.

21 de decembro de 2010

Divertimento - Unha tarde coas nenas do Colexio de Lago [Valdoviño] e o Apalpador.

Última hora!!!

O Apalpador apareceuse este mércores entre as 18:30 e 19:30 h. no programa Divertimento para pequenos monstros de Rádio FilispiM , donde seis nenas entre tres e cinco anos do Centro escolar Rural Agrupado "Esquío" [Lago-Valdoviño], Candela, Jazzmin, Antía, Sara, Sheila e Alba, tiveron ocasión de conversar con ele.

Ademáis, as nenas aproveitaron para nos cantar algunhas panxoliñas e máis o romance de Gaiferos de Mormaltán, moi ben aprendidas pola súa titora de infantil, Sabela.

O Apalpador [tamén coñecido como Pandigueiro na comarca Terra de Trives] é, nas zonas do leste de Galiza, a figura mítica dun carboeiro que segundo a tradición baixa a noite do 31 de decembro a tocar a barriguiña aos nenos para ver se comeron ben durante o ano, deixándolles unha chea de castañas e, se cadra [que sempre cadra], algún agasallo ademáis de desexarlles que teñan un ano novo cheo de felicidade e comida.

O Apalpador éche unha figura popular nas montañas do leste de Galicia [o Courel, Terra de Trives, o Bierzo], mais últimamente anda a ser visto pola nosa comarca e por todo o noso País, para ledicia de pequen@s e máis grandes monstros.

Dende Divertimento vimos de pedirlle ao Apalpador que ademáis da presa de castañas de quenda, nos traiga a tod@s @s compas e ouvintes da Rádio FilispiM o mellor para o vindeiro 2011!!

Divertimento para pequenos monstros ben sendo un programa que emite Rádio FilispiM que tambén podes ouvir como podcast.

Descargar o audio


18 de decembro de 2010

Divertimento - Enrique Morente, até sempre [16/12/2010].

Nesta edición de Divertimento para pequenos monstros, non poidemos senón que despedirnos de Enrique Morente cunha pequena [pero monstrosa] homenaxe: sentindo a súa música.

Enrique Morente foi un artista universal comprometido co seu tempo. Tambén foi un artista innovador no xénero que dominaba, o flamenco. A súa traxectoria só pode ser comparada coa outro monstro do xénero, Camarón de la Isla.

No seu achegamento a xéneros máis populares coma o rock, pariu unha das obras de fusión máis impactantes da década dos noventa: OMEGA. A obra, gravada cunha chea de músicos e a formación de rock [tambén granaina] Lagartija Nick, é inmensa.

En OMEGA, os textos lorquianos do cantautor canadiano Leonard Cohen mais as adaptacións de poemas do propio Federico García Lorca, serven de base a unha explosión de innovación, enerxía e sentimento durante algo máis dunha hora.

Enrique Morente abandonou este mundo un 13 de decembro de 2010. O vindeiro 25 deste natal tivera cumprido 68 anos. Na súa despedida, a súa dona Laura García Lorca [sobrina de Federico García Lorca] e a súa filla Estrella, estiveron acompañadas por todas.

No programa escoitamos a obra completa OMEGA [El Europeo, 1996], que tiven ocasión de ver en directo nun dos pavillóns de A Malata [Ferrol], un nove de agosto de 2002. Ao final ouvimos o audio donde a súa filla, Estrella, lle canta en corpo presente, uns versos do Poema del Cante Jondo de F.G. Lorca, "Ay, empieza el llanto de la guitarra, llora como el viento sobre la nevada. Ay, es inútil callarla, es imposible callarla..."

Enrique Morente, mesmo volveu visitar Ferrol [Teatro Jofre] o recente 23 de xullo de 2010. Daquela, o noso compañeiro Pedro [Rádio FilispiM - "Aquilo que vibra"] o veu sair do Mercado da Madalena, cunha bolsa ben sortida de peixe .

Enrique Morente, até sempre.

12 de decembro de 2010

Divertimento - Entrevista a Oscar QUANT [09/12/2010]

Nesta edición do programa Divertimento para pequenos monstros de Rádio FilispiM [09/12/2010], estivemos acompañados do ferrolán Oscar QUANT, quen nos falou de cuestións que teñen acontecido dende a súa última visita a Divertimento.

Así, falounos da súa colaboración coa banda punk de Ferrol Lee Van Cleef [Lee Van Quant] , a nova proposta pop de Amparo Árias [Limodre-Fene], da produtora audiovisual Woo! [Ferrol], dos seus videos, do seu estudio de gravación Sausalito, do seu inminente novo disco grande, de sospeitosas mensaxes escritas en servilletas de papel... e un cento de monstrosidades máis.

Como non podía ser menos, todo ilo o ilustramos coas músicas de:
- AMPARO ARIAS [Yes, no].
- LEE VAN QUANT [Lee Van Cleef + QUANT].
- QUANT [un tema tributo aos Raspberries, a sintonía do programa Turkía [Localia TV]
+ Ninguén parece escoitar [anti-Reganosa] + en exclusiva mundial para Divertimento e Rádio FilispiM, un adianto do inminente novo disco de QUANT [que escoitamos dúas veces!].

Divertimento non é un rollo. É unha madalena.

Para calquer aclaración ao respeito contacten co Pequeno monstro.

28 de novembro de 2010

Divertimento - Grupos musicais e locais ensaio no Concello de Ferrol [25/11/2010].

No Divertimento para pequenos monstros do pasado xoves 25 de novembro de 2010, fixemos un programa especial adicado a algúns dos grupos de música de Ferrol, que están a utilizar os locais de ensaio que o Concello de Ferrol habilitou no Mercado da Madalena.

Pasamos a tarde con Carlos e Mundo [Habitación 92], Eloy [Vinyl Death], Brais [Wings of Liberty], Emilio e Rubén [proxecto musical en elaboración] e Noe, coordenadora dos locais de ensaio [Escola da Vaca].

Ademáis escoitamos música da primeira maqueta dun destes grupos: Habitación 92.

Divertimento é un programa de radio da Productora Imaxinaria [PID], presentado polo Pequeno monstro. Podes ouvilo en Rádio FilispiM. Directo: xoves de 6:30 á 8:00 da tarde. Diferido: luns de 9:00 á 11:00 da noite, sábados de 2:00 á 4:00 da madrugada e de 2:00 a 4:00 da tarde.

Na rede: ao través deste blogue e máis en: www.opaii.blogspot.com e www.podgalego.org

22 de novembro de 2010

Divertimento - Conversa con Pedro Ferrández [Aquilo que Vibra -RFM].

O pasado xoves día 18 de novembro de 2010, levamos [enganado] ao estudio de Rádio FilispiM a Pedro Ferrández, responsábel do programa de radio Aquilo que Vibra [Rádio FilispiM, luns de 19:00 á 20:oo h.].

Pedro [inocente] aceitou o engano encantado e prestouse a unha sorte de xogos, un Divertimento para pequenos monstros.

O programa comeza con Pedro Ferrández bailando desenfrenado sobre a mesa do estudio e remata con un Pequeno monstro en bata e o Pedro con tan só unha toalla. Ademáis falamos de todo un pouco e incluso ficamos en silencio durante máis de quince segundos en protesta pola extinción dos pequenos monstros no mundo.

O mundo mundial está de sorte, pois xa poden escoitar o pod-cast do asunto en diferido, para máis morbo.

En definitiva: un divertimento.

Até o vindeiro programa, monstros.

Descargar o audio

Escoita Divertimento para pequenos monstros, un programa do Pequeno monstro en Rádio FilispiM [93.9FM], en directo os xoves de 18:30 á 20:00 h + diferido os sábados de 14:00 á 15:30, luns de 21:00 a 22:30 e sábados de 2:00 a 3:30 h. da madrugada.
Related Posts Plugin for WordPress, Blogger...