31 de decembro de 2010

Programa especial Fin de Ano en Rádio FilispiM [30/12/2010]



Ontes día 30 de decembro de 2010, xuntámonos moitas das personas que fan posíbel a continuidade da radio libre e comunitaria da Terra de Trasancos que emite dende Ferrol, nunha Festa radifónica fin de ano 2010.

Atopámonos no renovado estudio da Rádio FilispiM, e compartimos uns deliciosos petiscos da época [turrón, empanada de porro, gusanitos...] e uns copos de cava e de sidra. Con eles brindamos unhas chea de vezes!!!

Aproveitamos para fazer avaliación deste ano radiofónico tan emociontante para nós: novo local, novo estudio de radio, novas compañeiras, novos programas e muitas boas vibracións. Así que pédimoslle ao novo ano máis boa onda, moito traballo, paz, solidariedade...

No estudio atopámonos: Lucía e Javier Malespina, Cholo, Paula, Soledad, Pablo, Miguel, José Torregrosa, Luis, Pedro Ferrández, Fátima e máís André [Pequeno Monstro]. Sen esquecernos das demáis compañeiras que non puideron acudir a cita: Iago, Marta...

Aplaudimos, cantamos, rimos e até debatimos... En defintiva, pasámolo moi, moi, ben.

A gravación do Programa Especial Fin de Ano Filispiniano, poderase escoitar en diferido en Rádio FilispiM, 93.9 FM:
- Sábado 1 de xaneiro de 2011, a partir da 1:00 h. da madrugada.
- Domingo día 2, a partir das 18:00 h.
- Luns día 3, a partir das 15:00 h.

Ficades co audio. En breve colgaremos as fotos da programa Fin de Ano.

Descargar o audio

28 de decembro de 2010

80 Vinilos/h - programa 10

BSO programa TVE La Bola de Cristal, CD (Hispavox, 1985)
Décima edición de 80 Vinilos/h, programa das músicas estatais dos oitenta, apresentado polo Pequeno Monstro, Rádio FilispiM, 93.9 FM [Ferrol].

Neste programa:
- NACHA POP - Magia con precisión [Lp. Más Números, Otras Letras - DRO, 1983].
 ALASKA Y DINARAMA - La Bola de Cristal [CD. BSO La Bola de Cristal - Hispavox, 1985].
- LOS ELETRODUENDES - Soy un Electroduende [CD. BSO La Bola de Cristal - Hispavox, 1985].
- ALASKA Y DINARAMA - Vacaciones infernales [CD. BSO La Bola de Cristal - Hispavox, 1985].
- CARLOS BERLANGA - Vacaciones [CD. Impermeable - Elefant, 2001].
- CARLOS BERLANGA - Cul de Sac [CD. Impermeable - Elefant, 2001].
- ALASKA Y LOS PEGAMOIDES - Otra Dimensión [CD recompilatorio "Grabaciones Inéditas". Serie "Canciones desde la Tumba, Nº 7" - Subterfuge 1998.
- PARALISIS PERMANENTE - Autosuficiencia [Single compartido con Gabinete Caligari - Tic Tac Records, 1982].
- PARALISIS PERMANENTE - Tengo un Pasajero [Single compartido con Gabinete Caligari - Tic Tac Records, 1982].
- ALPHAVILLE - Nietzsche [der Geisteskrank] [Ep. Paisajes Nocturnos - DRO, 1982].
- ALPHAVILLE - El Innombrable [Lp. De Máscaras y Enigmas - DRO, 1983].
- ALPHAVILLE - De Máscaras y Enigmas [Ep. El Desprecio - DRO, 1984].


Descargar o audio

Todos os programas en: http://80vinilos.blogspot.com (novo blog temático!)

24 de decembro de 2010

80 Vinilos/h - programa 9

Tos (Dos Rombos, single 1982)
Novena edición de 80 Vinilos/h, adicado a música estatal dos oitenta, apresentado polo Pequeno Monstro, Rádio FilispiM, 93.9 FM [Ferrol].

Neste programa:
- MERMELADA CON LENTEJAS - Dame la botella [Single, cara A - Chapa Discos, 1978].
- MERMELADA CON LENTEJAS - Marta [Single, cara B - Chapa Discos, 1978].
- LOS ELEGANTES - Perder o ganar [Ep promo Perder o Ganar, 1989].
- LOS ELEGANTES - Cerca de ti [Lp. Ponte ya a Bailar - Zafiro, 1984].
- LOS ELEGANTES - Un día más [Lp. Ponte ya a Bailar - Zafiro, 1984].
- TOS - Máquinas [Mini Lp. Máquinas - Dos Rombos, 1982].
- TOS - Déjame [Versión demo - maqueta, 1982].
- TRASTOS - El poli te ve [Single, cara A - CBS, 1980].
- TRASTOS - Rockers del 83 [Single, cara B - CBS, 1980].
- NACHA POP - Chica de ayer [Lp. homónimo - Hispavox, 1980].
- NACHA POP - Juego sucio [Lp. Buena Disposición -  Hispavox, 1982].
- Extracto programa de TVE "POPGRAMA" - Edición febreiro 1980 - Especial concerto homenaxe a Canito [batera de TOS]. Apresentan: Carlos Tena e Diego A. Manrique.

Corrección de erros: no audio refírome a Diego Manrique como Diego "Antonio" Manrique. Isto é un erro, o seu segundo nome é Alfredo ;-)


Descargar o audio

Todos os programas en: http://80vinilos.blogspot.com (novo blog temático!)

21 de decembro de 2010

Divertimento - Unha tarde coas nenas do Colexio de Lago [Valdoviño] e o Apalpador.

Última hora!!!

O Apalpador apareceuse este mércores entre as 18:30 e 19:30 h. no programa Divertimento para pequenos monstros de Rádio FilispiM , donde seis nenas entre tres e cinco anos do Centro escolar Rural Agrupado "Esquío" [Lago-Valdoviño], Candela, Jazzmin, Antía, Sara, Sheila e Alba, tiveron ocasión de conversar con ele.

Ademáis, as nenas aproveitaron para nos cantar algunhas panxoliñas e máis o romance de Gaiferos de Mormaltán, moi ben aprendidas pola súa titora de infantil, Sabela.

O Apalpador [tamén coñecido como Pandigueiro na comarca Terra de Trives] é, nas zonas do leste de Galiza, a figura mítica dun carboeiro que segundo a tradición baixa a noite do 31 de decembro a tocar a barriguiña aos nenos para ver se comeron ben durante o ano, deixándolles unha chea de castañas e, se cadra [que sempre cadra], algún agasallo ademáis de desexarlles que teñan un ano novo cheo de felicidade e comida.

O Apalpador éche unha figura popular nas montañas do leste de Galicia [o Courel, Terra de Trives, o Bierzo], mais últimamente anda a ser visto pola nosa comarca e por todo o noso País, para ledicia de pequen@s e máis grandes monstros.

Dende Divertimento vimos de pedirlle ao Apalpador que ademáis da presa de castañas de quenda, nos traiga a tod@s @s compas e ouvintes da Rádio FilispiM o mellor para o vindeiro 2011!!

Divertimento para pequenos monstros ben sendo un programa que emite Rádio FilispiM que tambén podes ouvir como podcast.

Descargar o audio


18 de decembro de 2010

Divertimento - Enrique Morente, até sempre [16/12/2010].

Nesta edición de Divertimento para pequenos monstros, non poidemos senón que despedirnos de Enrique Morente cunha pequena [pero monstrosa] homenaxe: sentindo a súa música.

Enrique Morente foi un artista universal comprometido co seu tempo. Tambén foi un artista innovador no xénero que dominaba, o flamenco. A súa traxectoria só pode ser comparada coa outro monstro do xénero, Camarón de la Isla.

No seu achegamento a xéneros máis populares coma o rock, pariu unha das obras de fusión máis impactantes da década dos noventa: OMEGA. A obra, gravada cunha chea de músicos e a formación de rock [tambén granaina] Lagartija Nick, é inmensa.

En OMEGA, os textos lorquianos do cantautor canadiano Leonard Cohen mais as adaptacións de poemas do propio Federico García Lorca, serven de base a unha explosión de innovación, enerxía e sentimento durante algo máis dunha hora.

Enrique Morente abandonou este mundo un 13 de decembro de 2010. O vindeiro 25 deste natal tivera cumprido 68 anos. Na súa despedida, a súa dona Laura García Lorca [sobrina de Federico García Lorca] e a súa filla Estrella, estiveron acompañadas por todas.

No programa escoitamos a obra completa OMEGA [El Europeo, 1996], que tiven ocasión de ver en directo nun dos pavillóns de A Malata [Ferrol], un nove de agosto de 2002. Ao final ouvimos o audio donde a súa filla, Estrella, lle canta en corpo presente, uns versos do Poema del Cante Jondo de F.G. Lorca, "Ay, empieza el llanto de la guitarra, llora como el viento sobre la nevada. Ay, es inútil callarla, es imposible callarla..."

Enrique Morente, mesmo volveu visitar Ferrol [Teatro Jofre] o recente 23 de xullo de 2010. Daquela, o noso compañeiro Pedro [Rádio FilispiM - "Aquilo que vibra"] o veu sair do Mercado da Madalena, cunha bolsa ben sortida de peixe .

Enrique Morente, até sempre.

17 de decembro de 2010

A nova imaxe do estudio de Rádio FilispiM [93.9 FM, Ferrol]

O Colectivo Opaíí!, sempre en azón, vén de realizar melloras no novo estudio de Rádio FilispiM en Caranza [Ferrol].

Como saberás, Rádio FilispiM é a radio libre e comunitaria da Terra de Trasancos que emite dende Ferrol dende hai cinco anos. Proba a sintonizala no 93.9 FM, porque te sorprenderás dun outro xeito de fazer e ouvir radio.

Estas son algunhas das imaxes que se tomaron das melloras.

Ademáis vén de instalarse unha liña telefónica fixa e unha conexión a internet, para termos a información fresquinha sempre presente cada quen no seu programa.

Agora só falta que ti mesma te pases a disfrutalas, así que xa sabes...

14 de decembro de 2010

80 Vinilos/h - programa 8

VA - Viva el Rollo, toda la bronca de los 70, CD (DRO, 2003)
Oitava edición de 80 Vinilos/h, o programa adicado a música estatal dos oitenta, apresentado polo Pequeno Monstro, Rádio FilispiM, 93.9 FM [Ferrol].

Neste programa:
- KAKA DE LUXE - La pluma eléctrica [Ep. homónimo - Chapa Discos, 1978].
- KAKA DE LUXE - Rosario + Toca el pito [Ep homónimo - Chapa Discos, 1978].
- MARISCAL ROMERO - Viva el rollo! [CD Recompilatorio Viva el Rollo, toda la bronca de los 70 - DRO, 2003].
- KAKA DE LULXE - Pero me aburro [CD Recompilatorio Viva el Rollo, toda la bronca de los 70 - DRO, 2003]. Orixinal de Lp Las Canciones Malditas. El Fantasma del Paraiso, 1983.
- TOPO - Mis amigos donde estarán [CD Recompilatorio Viva el Rollo, toda la bronca de los 70 - DRO, 2003]. Orixinal de Lp homónimo - Chapa Discos, 1979.
- CUCHARADA - Social peligrosidad [CD Recompilatorio Viva el Rollo, toda la bronca de los 70 - DRO, 2003]. Orixinal de Lp homónimo - Chapa Discos, 1978.
- ÑU - Algunos músicos fueron nosotros [CD Recompilatorio Viva el Rollo, toda la bronca de los 70, DRO, 2003]. Orixinal de Lp Cuentos de Ayer y de Hoy - Chapa Discos, 1978.
- BLOQUE - La libre creación [CD Recompilatorio Viva el Rollo, toda la bronca de los 70 - DRO 2003]. Orixinal de Lp homónimo - Chapa Discos, 1978.
- RED BOX-EL ROJO - Ira roja [CD Recompilatorio Viva el Rollo, toda la bronca de los 70 - DRO, 2003]. Orixinal de Single Ira Roja - Chapa Discos, 1978.
- MERMELADA - Coge el tren [CD Recompilatorio Viva el Rollo, toda la bronca de los 70 - DRO, 2003]. Orixinal de Lp Coge el Tren - Chapa Discos, 1979.
- MERMELADA - Coge el tren [versión directo, 1994].
- MERMELADA - Bebiendo y bailando [1er Single do Lp Coge el Tren - Chapa Discos, 1980].
- MERMELADA - Las seis de la mañana [Lp Coge el Tren - Chapa Discos, 1979].



Descargar o audio

Todos os programas en: http://80vinilos.blogspot.com (novo blog temático!)

Masiva asistencia a manifestación contra o desaloxo do CSO Casa das Atochas [A Corunha].

Tal e como anunciamos en anteriores edicións de Divertimento para pequenos monstros [Rádio FilispiM, 93.9 FM], o pasado sábado 11 de decembro de 2010 tivo lugar unha manifestación contra o desaloxo do CSO Casa das Atochas [A Corunha].

Déixovos cunha breve resenha e un fenomenal video elaborado pola xente de Galiza Contrainfo, cuxo portal vos recomendo.

"Centos de pessoas acudirom à manifestaçom convocada contra o desalojo do espaço okupado da Casa das Atochas. A marcha saiu do Campo de Marte para percorrer as ruas do centro da cidade, e rematou com ambiente de festa nos arredores da rua Atocha Alta onde está a okupa."

12 de decembro de 2010

Divertimento - Entrevista a Oscar QUANT [09/12/2010]

Nesta edición do programa Divertimento para pequenos monstros de Rádio FilispiM [09/12/2010], estivemos acompañados do ferrolán Oscar QUANT, quen nos falou de cuestións que teñen acontecido dende a súa última visita a Divertimento.

Así, falounos da súa colaboración coa banda punk de Ferrol Lee Van Cleef [Lee Van Quant] , a nova proposta pop de Amparo Árias [Limodre-Fene], da produtora audiovisual Woo! [Ferrol], dos seus videos, do seu estudio de gravación Sausalito, do seu inminente novo disco grande, de sospeitosas mensaxes escritas en servilletas de papel... e un cento de monstrosidades máis.

Como non podía ser menos, todo ilo o ilustramos coas músicas de:
- AMPARO ARIAS [Yes, no].
- LEE VAN QUANT [Lee Van Cleef + QUANT].
- QUANT [un tema tributo aos Raspberries, a sintonía do programa Turkía [Localia TV]
+ Ninguén parece escoitar [anti-Reganosa] + en exclusiva mundial para Divertimento e Rádio FilispiM, un adianto do inminente novo disco de QUANT [que escoitamos dúas veces!].

Divertimento non é un rollo. É unha madalena.

Para calquer aclaración ao respeito contacten co Pequeno monstro.

8 de decembro de 2010

80 Vinilos/h - programa 7

Basura, single (Belter, 1978)
Sétima edición de 80 Vinilos/h, o programa adicado a música estatal dos oitenta.

Selección musica, comentarios e control de son: Pequeno Monstro [Rádio FilispiM, 93.9 FM - Ferrol].

Neste edición:
- BASURA - No seas lesbiana mi amor [Single homónimo. Belter, 1978].
- BASURA - Bertha estúpida nineta [CD Los Malditos de los 80.  Divucsa, 2003].
- ULTRATUITA - No ríe el sol [Single homónimo.  Ddomèstic, 1983].
- ULTRATUITA - Frío [Single cara B, vinilo anterior.  Ddomèstic, 1983].
- LA BANDA TRAPERA DEL RÍO - Ciutat podrida [Lp homónimo. Belter, 1979].
- MORTIMER - General Idi Amin Dada [CD Los Malditos de los 80. Divucsa, 2003].
- MORTIMER - Como un día más [CD Los Malditos de los 80. Divucsa, 2003].
- ASFALTO - Ya está bien [Lp homónimo. Belter, 1978].
- ASFALTO - Capitán Trueno [Lp homónimo. Belter, 1978].
- BARÓN ROJO - Los roqueros van al infierno [Lp Volumen Brutal. Chapa, 1982].
- KAKA DE LUXE - Viva el metro [Lp póstumo Las Canciones Malditas. El Fantasma del Paraiso, 1983].


Descargar o audio

Todos os programas en: http://80vinilos.blogspot.com (novo blog temático!)

1 de decembro de 2010

Orde de desaloxo do CSO Casa das Atochas [Coruña] + Audio entrevista 30-12-2008


Chéganos este comunicado ursente do CSO Casa das Atochas en A Corunha. O vindeiro xoves 9 de decembro de 2010 podería ter lugar un intento de desaloxo.

Ao final do comunicado déixovos cun audio de Divertimento [30/12/2008], donde tivemos ocasión de falar con un dos integrantes da asemblea deste centro social de A Coruña.

Nas vindeiras edicións de Divertimento ampliaremos información.

Comunicado:

ALARMA! orde de desaloxo.

Xa están aquí![espertando o pesadelo].

Hai case 3 anos que comezou todo, hai case 3 anos que o asemblearismo, a horizontalidade e a autoxestión establécense nas nosas vidas como unha realidade, case 3 anos que desafiamos a lóxica probable do evidente, alcanzando así o principio dun longo camiño incerto, cuxo final está aínda por escribir.

Case 3 anos que a reafirmación persoal e colectiva duns principios de participación afloraron polos poros da nosa pel e tímidamente ameazan con romper a coraza de medo na que se foi convertindo, lentamente, o noso corpo.

Tres anos nos que a utopía do descoñecido vencía por fin á rutina condicionada e aplastante do cotián. Onde, por e para todxs, é sentida a significación máis profunda do «faino ti mesmx» creando así un espazo de desarrollo creativo político e social.

Tan só 3 anos…, como pasa o tempo…

Aínda se recorda como era todo antes; a frustración, a decepción, o non atopar nin o tempo nin o lugar… o non entender porque aquí era imposible o que en calquera outra parte era real. Qué malos tempos!

Pois ben, por fin séntese que o tempo é agora. Por fin séntese que o lugar é aquí.

Hoxe compréndese que só nós somos capaces de conseguilo. Que non necesitamos nin intermediarixs nin promesas que nos iluminen.

Por fin démonos de conta de que nas nosas mans están as rendas das nosas vidas e nos nosos corazóns os idearios de liberdade, de igualdade, de xustiza e de apoio mutuo.

Hoxe é agora, e agora é o momento. Hoxe por todxs e mañá tamén.

AUDIOS DESPARECIDOS DO SERVIDOR. RESUBIRÉMOLOS EN BREVE.

Amosa o teu apoio ao C.S.O. Casa das Atochas entrando aqui:

Adhesión Colectivos: descarga
Adhesión Persoas humanas: descarga
Envía a túa adhesión a: contacto@asadasatochas.info
+ info en: http://www.casadasatochas.info

28 de novembro de 2010

Divertimento - Grupos musicais e locais ensaio no Concello de Ferrol [25/11/2010].

No Divertimento para pequenos monstros do pasado xoves 25 de novembro de 2010, fixemos un programa especial adicado a algúns dos grupos de música de Ferrol, que están a utilizar os locais de ensaio que o Concello de Ferrol habilitou no Mercado da Madalena.

Pasamos a tarde con Carlos e Mundo [Habitación 92], Eloy [Vinyl Death], Brais [Wings of Liberty], Emilio e Rubén [proxecto musical en elaboración] e Noe, coordenadora dos locais de ensaio [Escola da Vaca].

Ademáis escoitamos música da primeira maqueta dun destes grupos: Habitación 92.

Divertimento é un programa de radio da Productora Imaxinaria [PID], presentado polo Pequeno monstro. Podes ouvilo en Rádio FilispiM. Directo: xoves de 6:30 á 8:00 da tarde. Diferido: luns de 9:00 á 11:00 da noite, sábados de 2:00 á 4:00 da madrugada e de 2:00 a 4:00 da tarde.

Na rede: ao través deste blogue e máis en: www.opaii.blogspot.com e www.podgalego.org

25 de novembro de 2010

80 Vinilos/h - programa 6

PVP. Miedo, Ep (Belter, 1982)
Sexta edición de 80 Vinilos/h, o programa adicado a música estatal dos oitenta en Rádio FilispiM.  Apresenta: Pequeno Monstro.

Neste edición:

- LOS VENGADORES - El coche de la plas [CD colectivo El Regreso de los Superheroes, homenaxe ao batera Jorge Árboles, Toti, autofinanciado en edición digipack en tiraxe limitada. Rock Audition, 1994].
- PVP - Experiencias con metal [Maxi Entre las Ruinas - 21 Records, 1984].
- PVP - Un, dos... muévanse! [2º Single extraido do Lp Donde se pierde la Luz - DRO-Tres Cipreses, 1985].
- PVP - Miedo [Lp. Miedo - Belter, 1982].
- PVP - Ha, ha, ha! [Lp. Miedo - Belter, 1982].
- PVP - No puedes, no quieres [Lp. Miedo - Belter, 1982].
- PVP - Mentir [Lp. Miedo - Belter, 1982].
- PVP - Solo toco para ti [Lp. Miedo - Belter, 1982].
- PVP - Sector 36 K12 [Lp. Miedo, Belter, 1982].
- PVP - Descontrol [Lp. Miedo - Belter, 1982].
- PVP - El coche de la plas [2º Single extraido do Lp Miedo - Belter, 1982].
- BASURA - Esperando en la puerta del w.c. [Single - Belter, 1978].


Descargar o audio

Todos os programas en: http://80vinilos.blogspot.com (novo blog temático!)

23 de novembro de 2010

80 Vinilos/h - programa 5

Los Vengadores. El Regreso de tus Superheroes, CD (Rock Audition, 1994)
Quinta edición de 80 Vinilos/h, o programa adicado a música estatal dos oitenta en Rádio FilispiM.
Apresenta: Pequeno Monstro.

Neste programa:

- GABINETE CALIGARI - Grado 33 [Lp. Que Dios reparta suerte. Tres Cipreses, 1983].
- GABINETE CALIGARI - Heroes de la URSS [Lp Que Dios reparta suerte. Tres Cipreses, 1983].
- GABINETE CALIGARI - Maquis [Lp. Que Dios reparta suerte. Tres Cipreses, 1983].
- EL ÚLTIMO ESLABÓN - Recuerdas [Maxi La Condena. Justine Records, 1987].
- EL ÚLTIMO ESLABÓN - Santos inocentes [Maxi La Condena. Justine Records, 1987].
- LOS VENGADORES - Amor frenopático [CD colectivo El Regreso de los Superheroes, homenaxe ao batera Jorge Árboles, Toti, autofinanciado en edición digipack en tiraxem limitada. Rock Audition, 1994].
- PARALISIS PERMANENTE - Unidos [Single Quiero ser santa. Tres Cipreses, 1982].
- LOS VENGADORES - Unidos - Versión 1 [CD colectivo El Regreso de tus Superheroes. Rock Audition, 1994].
- LOS VENGADORES - Unidos - Versión 2 [CD colectivo El Regreso de tus Superheroes. Rock Audition, 1994].
- LOS VENGADORES - Llegado hasta el final [CD colectivo El Regreso de tus Superheroes. Rock Audition, 1994].
- ENTREVISTA A ANA CURRA - 3ª parte [Programa "Tren de Sueños", Onda Regional Murcia, 2006].


Descargar o audio

Todos os programas en: http://80vinilos.blogspot.com (novo blog temático!)

22 de novembro de 2010

Divertimento - Conversa con Pedro Ferrández [Aquilo que Vibra -RFM].

O pasado xoves día 18 de novembro de 2010, levamos [enganado] ao estudio de Rádio FilispiM a Pedro Ferrández, responsábel do programa de radio Aquilo que Vibra [Rádio FilispiM, luns de 19:00 á 20:oo h.].

Pedro [inocente] aceitou o engano encantado e prestouse a unha sorte de xogos, un Divertimento para pequenos monstros.

O programa comeza con Pedro Ferrández bailando desenfrenado sobre a mesa do estudio e remata con un Pequeno monstro en bata e o Pedro con tan só unha toalla. Ademáis falamos de todo un pouco e incluso ficamos en silencio durante máis de quince segundos en protesta pola extinción dos pequenos monstros no mundo.

O mundo mundial está de sorte, pois xa poden escoitar o pod-cast do asunto en diferido, para máis morbo.

En definitiva: un divertimento.

Até o vindeiro programa, monstros.

Descargar o audio

Escoita Divertimento para pequenos monstros, un programa do Pequeno monstro en Rádio FilispiM [93.9FM], en directo os xoves de 18:30 á 20:00 h + diferido os sábados de 14:00 á 15:30, luns de 21:00 a 22:30 e sábados de 2:00 a 3:30 h. da madrugada.

19 de novembro de 2010

Ràdio Pica e Ràdio Bronca [Barcelona] interferidas pola radio comercial pirata "MolaFM".

O 29 de xullo pasado a Generalitat aprobou o Decreto de medios audiovisuais sen ànimo de lucro, un decreto que pretende controlar tanto o funcionamento como os contidos das radios libres a través do CAC [Consello do Audiovisual de Catalunya].

Á parte do decreto que pretende limitar as radios libres de Catalunya, desde principios de Setembro, a frecuencia do 96.6 FM de Ràdio Pica [compartida entre Ràdio Pica i Ràdio Bronka] está a ser interferida polas emisións da radio de MolaFM.

MolaFM é unha radio privada, comercial que recibe subvencións escandalosas por parte da administración. Esta emisora non ten ningún tipo de licenza nin concesión para emitir en Barcelona, e a pesar diso fano desde a mesma torre de Collserola cos parabéns de Abertis Telecom, Telefónica e a propia Generalitat de Catalunya.

Apoia aos medios libres, apoia a Ràdio Pica e Ràdio Bronka de Barcelona. Se queres podes asinar aquí. Máis info en: http://barcelona.indymedia.org

13 de novembro de 2010

80 Vinilos/h - programa 4

Paralisis Permanente. El Acto, Lp  (Tres Cipreses, 1982)
Cuarta edición de 80 Vinilos/h, o programa adicado a música estatal dos oitenta en Rádio FilispiM.  Apresenta: Pequeno Monstro.

Neste programa:
- PARALISIS PERMANENTE - Autosuficiencia [Single compartido con Gabinete Caligari. Tic Tac / Tres Cipreses, 1981].
- PARALISIS PERMANENTE - Adictos a la lujuria [Lp El Acto. Tres Cipreses, 1982].
- PARALISIS PERMANENTE - Vamos a jugar [Lp El Acto. Tres Cipreses, 1982].
- PARALISIS PERMANENTE - El Acto [Lp El Acto. Tres Cipreses, 1982].
- LOS SERES VACIOS - Los celos se apoderan de mi [Maxi homónimo. Tres Cipreses, 1982].
- GABINETE CALIGARI - Golpes [Single compatido con Parálisis Permanente. Tic Tac/Tres Cipreses, 1981].
- GABINETE CALIGARI - Como perdimos Berlín [Cara B single Olor a carne quemada. Tres Cipreses, 1982].
- GABINETE CALIGARI - El arte de amar [Lp Que Dios reparta suerte. Tres Cipreses,1983].
- ENTREVISTA A ANA CURRA - 2ª parte [Programa "Tren de Sueños". Onda Regional Murcia, 2006].



Descargar o audio

Todos os programas en: http://80vinilos.blogspot.com (novo blog temático!)

12 de novembro de 2010

Divertimento - Colectivos festivaleiros de Ferrol -Trasancos.


Nova edición de Divertimento para pequenos monstros [Rádio FilispiM, 93.9 FM] correspondente ao xoves 11 de novembro de 2010.

Nesta ocasión xuntamos no novo estudio de FilsipiM en Caranza a tres persoas humanas integrantes de tres Colectivos extraterrestres da comarca. Xunto aos pequen@s monstros, estiveron:
Todos eles, faláronnos de como xurden estes Colectivos e Asociacións Socio Culturais, de como se organizan, dos atrancos á hora de fazer realidade as súas actividades, festas, festivais, mais tambén das súas satisfaccións. Da súa relación con outros colectivos, cos seus bairros e coas súas vilas. Contáronnos anédotas e trouxeron música para pór no Divertimento...

En definitiva, pasámolo ben traendo a festa e a luita a rádio libre de Ferrol e Trasancos:



Descargar o audio

Foto: Tres Trebóns no Grelo Folk / Outono 2009 / Autor: Pequeno Monstro.

10 de novembro de 2010

X Asemblea da Asociación Mundial de Radios Comunitarias [AMARC].



A X Asemblea da Asociación Mundial de Radios Comunitarias [AMARC] comezou este luns 8 de novembro na cidade da Prata, Arxentina. Espérase aproximadamente a 500 radialistas de todo o planeta.

Son moitas as expectativas para a Asemblea que se realiza no Centro Cultural Pasage Dardo Roca. Así o manifestou o presidente de AMARC, Steve Buckley, quen afirmou que "existen moitas expectativas por esta conferencia e polos centos de participantes".

Así mesmo, o máximo representante de AMARC Mundial expresou que hai que "pensar no futuro analizando o contexto, as novas tecnoloxías e aos grupos excluídos dos medios de comunicación".

Os 5 puntos principais que atravesarán a Asemblea son o empoderamiento das mulleres, a reconstrución de memorias e construción de futuro, a comunicación como Dereito Humano, as comunicacións para un mundo mellor e o aumento da incidencia das radios comunitarias.

A décima Asemblea terá lugar por primeira vez en América do Sur, entre o 8 e 13 de novembro. Alí definirase o plan estratéxico 2011-2014 e elixirase o Consello Internacional e a presidencia mundial. María Pía Matta, vicepresidenta da Asociación Mundial de Radios Comunitarias-América Latina e Caribe [AMARC ALC], valorou a realización de AMARC 10 en Latinoamérica. Dixo que a rexión "chega nunha moi boa posición ao ser das máis organizadas". E avaliou que "a experiencia de América Latina servirá moitísimo a outros continentes".

Pola súa banda, a directora do Programa de Lexislacións e Dereito á Comunicación de AMARC ALC, Aleida Callejas, destacou que aínda que houbo avances substanciais aínda existen desiguais condicións en América Latina. Por exemplo en Honduras, Brasil e México, a radiodifusión comunitaria non autorizada é penalizada, mentres Arxentina, Ecuador e Bolivia mostraron adiantos importantes.

En total serán 6 días de traballo na Asemblea Mundial, con relatorios, seminarios, talleres, visionados, radios abertas e actividades culturais e artísticas.

Informa Raúl Rodríguez, da Axencia Púlsar, da Asociación Mundial de Radios Comunitarias.






Audio publicado en Más Voces : www.masvoces.org

7 de novembro de 2010

Divertimento - VI encontros da ReMC [Alacante, outono 2010] - Nómadas [Irola Irratia]

O programa Nómadas da emisora de radio libre Irola Irratia, 107.5 [Bilbo] realizou unhas interesantes entrevistas a integrantes da Rede [estatal] de Medios Comunitarios, a ReMC. Irola Irratia é unha radio libre que esta a piques de cumprir 25 anos de emisión.

Nesta edición de Divertimento para pequenos monstros [Rádio FilispiM, 93.9 FM], escoitamos íntegro este estupendo programa que nos desvela todas aquelas dúbidas que poidamos ter sobre a organización en rede das radios libres e comunitarias no Estado español.

O responsábel de Nómadas [Irola Irratia, Bilbo, 107.5 FM] intruce o programa deste xeito:

"A comunicación é vital para o ser humano. Pero a comezos do s. XXI, vivimos nun bombardeo constante de información no que os medios de comunicación públicos e privados utilizan as súas ferramentas [radio, TV, prensa, internet, publicidade...] con fins económicos, para manter o poder, a autoridade e crear un mundo alleo ao que observamos e escoitamos nas nosas rúas cada día."

"Con todo, desde fai máis de 30 anos os medios de comunicación libres e comunitarios tratan de empoderarse das paredes, a palabra, a cámara, as páxinas, as webs para contar o que ninguén máis conta. Para crear unha comunicación de ida e volta, para coñecernos mellor, para construír unha sociedade libre e cohesionada respectando a súa heteroxeneidade."

"Por iso falaremos de comunicación, de medios comunitarios aproveitando o VI Encontro da Rede de Medios Comunitarios [Remc] celebrado entre os días 22 e 24 de outubro de 2010 en Alacante."

"Escoitaremos as voces compañer@s da ReMC; como Javi [Radio Almenara], que nos explicará que, como e por que se creo a ReMC; con Miriam [Radio Ritmo e actual coordenadora da ReMC], que nos debullará o sucedido nestas xornadas [Obradoiros de radio, mesas redondas, charlas..); con Mikel [Tas-Tas Irratia], co que profundaremos no duro e esvaradío traballo de lograr a lexitimidade legal dos medios comunitarios no estado español..."

www.sindominio.net/irola
irola@sindominio.net
irolaberriak@gmail.com

Rádio FilispiM é integrante da ReMC dende o 8 de novembro de 2009 [Asemblea de Barcelona].




Descargar o audio

6 de novembro de 2010

80 Vinilos/h - programa 3

Ana Curra. Una Noche sin Ti, maxi (Hispavox, 1985)
Terceira edición de 80 Vinilos/h, o programa adicado a música estatal dos 80 en Rádio FilispiM. Apresenta: Pequeno Monstro.

Neste programa:

- SINTONÍA DO PROGRAMA - ANA CURRA - Lágrimas, versión instrumental [Maxi Una Noche sin ti - 1986, Hispavox].
- KIKI DAKI - Mi colección [versión maqueta] 198? Inédita.
- KIKI DAKI - La televisión [Mi Colección - CD. Siesta, 2003].
- RADIO FUTURA - Interferencias [cara B, single Divina - Hispavox, 1980].
- RADIO FUTURA - Divina [cara A, single Divina - Hispavox, 1980].
- RADIO FUTURA - Anabel Lee [La canción de Juan Perro - Lp. Ariola, 1987].
- ANA CURRA - Una noche sin ti [Una noche sin ti - Maxi, Hispavox, 1985].
- ANA CURRA - Lágrimas, versión cantada [Una noche sin ti - Maxi, Hispavox, 1985].
- ANA CURRA - Volveré [Una noche sin ti - Maxi, Hispavox, 1985].
- ENTREVISTA A ANA CURRA - 1ª parte [Programa "Tren de Sueños", Onda Regional Murcia, 2006].


Descargar o audio

Todos os programas en: http://80vinilos.blogspot.com (novo blog temático!)

31 de outubro de 2010

Divertimento para pequenos monstros - Especial ocio e cultura en Ferrol.

Primeiro programa de Divertimento para pequenos monstros, na nova grella 2010/2011, da Rádio FilispiM, xa dende o novo local de Caranza-Ferrol.

Nesta ocasión xuntamos no estudio seis persoas:

Dúas persoas relacionadas ca xestión do ocio dende as súas sala de concertos [Rubén Coca , "Super 8" e Suso Eiroá, "Manchita Cosa"]. Unha persoa relacionada coa xestión da oferta do ocio e cultura do Concello de Ferrol [Roberto Taboada, Asesor Cultural]. Outra persoa divulgadora da oferta do ocio na nosa comarca e no noso País [Pepe Cunha, portal abretedeorellas.com]. Unha persoa humana de Ferrol [Aida] e ademáis a unha persoa extraterrestre de Italia [Paolo].

Con todos eles, cos seis, charlamos e chegamos a diversas conclusións, que só poderedes coñecer ouvindo o auido que segue:



Descargar o audio


Escoita Divertimento para pequenos monstros en Rádio FilispiM:

- Luns de 9 a 10:30 da noite.

- Xoves de 6:30 a 8 da noite [directo!]

- Sábados de 2 a 3:30 da tarde.

- Sábados de 1:30 a 3:00 da madrugada.


Máis info neste blogue, no de Rádio Filispim e no noso e-mail: radiomonstro[arroba]gmail.com
Foto: vista aerea de Ferrol.

30 de outubro de 2010

80 vinilos/h - programa 2

Kikí D´aki. Accidente, single (Rara Avis, 1983)
Segunda edición do programa 80 Vinilos/h, apresentado e conducido para Rádio FilispiM [Ferrol-GZ] polo Pequeno Monstro.

Selección musical, comentarios e control técnico de son: Pequeno Monstro.

Neste programa:
- METRO - No es extraña? [Mini Lp. Acuario, 1986]
- LOS DRAMATICOS - La decisión [Single, Melodías de ayer y de hoy, 1987]
- NACHA POP - Antes de que salga el sol [Lp. Nacha Pop, Hispavox, 1980]
- PARAISO - Para ti [Single, Zafiro, 1979]
- LA MODE - El único juego en la ciudad [Lp. El Eterno Femenino, Nuevos Medios, 1982]
- LA MODE - Aquella chica [Lp. El Eterno Femenino, Nuevos Medios, 1982]
- LA MODE [Con Daniel Ballester á voz] - Las fans [Inédita en vivo, 1985]
- KIKI DAKI - Accidente [Single, Rara Avis, 1983]
- KIKI DAKI - El futuro [Maxi, Nuevos Medios, 1984]
- KIKI DAKI - Unidad de futuro [Maxi, Nuevos Medios, 1984]
- KIKI DAKI - Hoy te vi [Lp. Villa Flir, Siesta, 2006]



Descargar o audio

Todos os programas en: http://80vinilos.blogspot.com (novo blog temático!)

27 de outubro de 2010

Crónica do VI Encontro da Red de Medios Comunitarios [ReMC] en Alacante.

Foto oficial [ou oficiosa] da Asemblea coa que a pasada fin de semana se clausurou en Alacante o VI Encontro de Medios Comunitarios [ReMC].

As compas de Cuac FM, achégannos a seguinte crónica:

Rematou o VI Encontro de Medios Comunitarios. É de agradecer a ilusión e o traballo que levaron a cabo os compañeiros de Artegalia [coorganizadora do Encontro, xunto coa Rede de Medios Comunitarios], moi atentos cos asistentes [...]

O mellor do encontro, como debe ser, foi o trato humano cos demais asistentes. Este relator tivo a oportunidade de charlar con coñecer participantes de proxectos rurais [Raio Valdivielso, Radio Pikaza], históricos [Radio Carcoma], de barrio [Radio Almenara]...

La delegación de Cuac FM tivo a oportunidade de aprender sobre diversidade sexual nunha maxistral charla impartida polo ourensano Ángel Amaro, onde charlamos con el sobre a presenza e o tratamento nos medios do movemento LGTBI [Lesbianas, Homosexuais, Bisexuais, Transexuais e Intersexuais]; Mar Igrexas falounos do uso que o diario comercial on line Vilaweb fai das novas tecnoloxías; e Javier García realizou unha interesante charla sobre dereitos de autor, para logo axudar ao noso compañeiro Mariano Fernández a desenvolver a súa mesa de traballo sobre a Lei Xeral da Comunicación Audiovisual. Unha das charlas máis esperadas foi a de Manuel Tapial, activista que documentou o asalto do Exército de Israel á Flotilla da Liberdade [Palestina].

A clausura do encontro foi unha Asemblea da ReMC, boa parte da cal consistiu nunha chuvia de ideas procedente de todos os asistentes que, como o resto do encontro, podían pertencer a proxectos asociados ou non á ReMC. Tras esta, Radio Malva realizou unha serie de entrevistas a diversos asistentes [participantes de Radio Valdivielso, Radio Ritmo, Radio Lora, Onda Color, Radiópolis, Artegalia e Cuac FM] que podedes escoitar aquí:


ADEMÁIS, tamén colgaron algunhas das CHARLAS, como estas:

Diversidade sexual e medios de comunicación:


Comunicación comunitaria. Facendo radio:

Periodismo e activismo. A experiencia da flotilla da liberdade [Palestina]:

Descargar o audio

style="font-weight: bold; ">O balance, como se dixo, foi positivo. Falta procesar todo o que aprendemos neste encontro, que non é pouco. Como ben di o noso compañeiro Mariano, a unión fai a forza. Grazas [entre outras cousas] a encontros como este, os medios de comunicación comunitarios se fan máis fortes para permitir á cidadanía exercer o seu dereito a comunicar por calquera medio de difusión e expresión.

24 de outubro de 2010

Que son os Podcast?. Aula 01.

Abrimos con este video unha nova etiqueta, que chamaremos "Ferramentas audio-visuais". Nela agruparemos información e traballos como o de Ronaldo Ferreira, quen nos pasa unha serie de presentacións e nos fala do que son e como se producen os Podcast. Eses audios, videos... elaborados por afeccioados de todo o mundo, sobre as cuestións máis variadas [música, arte visual...] dos que as veces pouco máis sabemos que algúen os elaborou para difundilos vía web a demanda das persoas interesadas. Trátase da aula 01:

Aula 01 - Introdução ao Podcast from Ronaldo Ferreira on Vimeo.

17 de outubro de 2010

80 vinilos/h - programa 1

La Mode. La Evolución de las Costumbres, Lp. 1986
Hoxe inicio unha nova serie de programas para Rádio FilispiM,  libre e comunitaria da Terra de Trasancos que emite dende Ferrol [Galiza]. Esta serie chamarase: 80 Vinilos/h.

No ano 1983 tiven o meu primeiro contacto coa radio ao través de Radio Popular de Ferrol, que daquela emitía no 88.5 FM no seu pequeno e "santo" estudo no bairro de Canido, Ferrol.

En todo caso a experiencia "iniciática" en cuestión, tiña formato de sección dentro do programa "Meridiano FM", que apresentaba Jesús Maillo, daquela director da emisora. O espazo se chamaba "Adictos al Imperdible", se emitía na tarde dos venres e duraba 30 m. Por el rodaban vinilos que se ben soaban nas ondas da emisora de Ferrol, non o facían dende o estudio do bairro de Canido. O misterio pasaba porque, daquela, espazos enlatados baixo o nome de "La Radio Feliz" e producidos por Nonito Pereira ocupaban boa parte da grella dunha Radio Popular de Ferrol cuxa produzón propia máis exitosa era o lembrado "Música y Estrellas". A produzón musical alternativa de "La Radio Feliz" non tiña nada que envexar as emisións do momento de Radio 3 [RNE]. Nos espazos de "La Radio Feliz", soaban as maquetas das bandas galegas do momento, como en ningún outro sitio, cun son excepcional...

En "Adictos al Imperdíble", saoban, ante o asombro de Jesús Maillo, os Kaka de Luxe, OX Pow, Polansky y el Ardor, La Mode, Los Pistones, Los Modelos e outos tantos grupos. A historia de como rematamos tres adolescenes de 18 anos pinchando e comentando música naquela radio das "ondas populares" contareina outro día...

Non quero rematar esta introdución sen lembrarme de dous amigos que acompañaron a un (pequeno) Pequeno Monstro naquela fermosa experiencia da adolescencia: Ángel Ávalos e Pedro Martín, todos nós do nacente bairro ferrolá de Ultramar. Ambos marcharon deste mundo moi pronto, polo que quero adicar a memoria deles, todas e cada unha das edicións deste novo programa que hoxe comeza: a 80 vinilos/h. Seguro que alá donde estean van gostar...

En Radio Fene, nos anos 2000, tambén houbo ocasión para realizar unha serie de programas con estas músicas. Moitos deles están xa dixitalizados e subidos ao noso blog. Non foron emitidos baixo o nome de 80 Vinilos/h, mais quixen recuperalos para esta serie, polo que tamén os atoparás neste blog, todos baixo a etiqueta "80 Vinilos".

Neste programa:
- SINTONÍA DO PROGRAMA - ANA CURRA - Lágrimas, versión instrumental [Maxi Una Noche sin ti. Hispavox, 1986].
- LA MODE - El Observatorio [Lp. La Evolución de las Costumbres. Nuevos Medios, 1986].
- LA MODE - En Cualquier Fiesta [Inédita. Programa "La Tarde" - TVE. Directo, cantada por Daniel Ballester].
- LA MODE - La Evolución de las Costumbres [Inédita. Video TVE. Directo].
- LA MODE - La Evolución de las Costumbres [Lp. homónimo, 1986].
- LA MODE - Sueño Oriental [Inédita, 1986].
- LOS PISTONES - Las Siete Menos Cuarto [Maxi homónimo. MR, 1983].
- LOS PISTONES - No Estás de Suerte [Maxi Las Siente Menos Cuarto. MR, 1983].
- EPISODIO - Volverte a Conocer [Maxi Luces de Ciudad. MR, 1982].
- EPISODIO - Sobre el Mar [Maxi Luces de Ciudad. MR, 1982].
- METRO - El quiere ser tu zombi [Lp. Metro. Citola, 1982].


Descargar o audio

Todos os programas en: http://80vinilos.blogspot.com (novo blog temático!)

6 de outubro de 2010

VI encontro da ReMC [Rede Estatal Medios Comunitarios]

Artegalia asociación e a Rede de Medios Comunitarios [ReMC], organizan o VI Encontro anual de medios comunitarios, que este ano terá lugar en Alacante, durante os dias 22, 23 e 24 de outubro do 2010.

O Encontro está aberto á asistencia de membros de entidades que forman parte da ReMC, así como doutras entidades vinculadas e medios comunitarios do estado español, ou persoas independentes interesadas nestes temas de comunicación e medios do terceiro sector.

A previsión de prazas de asistencia é dun total de 120, e as inscricións formalizaranse por orde e data de solicitude, desde o 26 de setembro ao 12 de outubro.

A participación no Encontro é gratuíta, e todas as prazas estan bolseiras, incluíndo aloxamento, manutención, os materiais, e as actividades organizadas do venres, sábado e domingo. Establécese unha cota de inscrición de 15 euros por participante [e aplicarase un desconto de 3 euros por cada persoa pertencente a unha entidade membro da ReMC].

O prazo máximo para formalizar as inscricións e pago das cotas é até o próximo 12 de outubro. Todas as inscricións posteriores deberán pagar 20 euros por persoa, independentemente do tipo de entidade ou vinculación coa ReMC.

Rádio FilispiM é un dos moitos medios integrados na ReMC [Rede Estatal Medios Comunitarios].

INSCRIPCION ON-LINE.

Máis información: encontros2010@artegalia.com

30 de setembro de 2010

Rádio FilispiM realizou un programa especial, seguimento da Folga Xeral do 29-S, en directo.


Rádio FilispiM realizou um programa especial de 2 horas e media cubrindo a Folga Xeral do 29 de Setembro de 2010, o programa foi realizado na manhá do 29, de 11:30 a 14:00hs.

Podes escoitar diferentes intervençons de pessoas que assistirom aos piquetes, às diferentes manifestaçons e actos convocados na comarca assim como chamadas telefónicas e parte dos discursos finais das manis.

Descargar o audio

28 de setembro de 2010

Programa Especial da Rádio Kalimera sobre a Folga Xeral do 29-S

Non estar de acordo cos sindicatos maioritarios, non debería ser igual a resignación. Igual a ficar coa brazos cruzados, deixándoos fazer, a uns e outros.

Esta visión do "tinglado" da Rádio Kalimera de Compostela, pode server de contraponto a todo o que nos contan dende os mass-media, de sempre.

Eu, o 29-S, irei de novo a folga. Outros irán de novo traballar. Outros seguirán a escarallarse de risa dende os despachos.

Así estamos, así seguimos....

27 de setembro de 2010

Rádio FilispiM, realizará un programa especial Folga Xeral, 29S.


Rádio FilispiM, 93.9 FM, realizará este xoves 29 de setembro un programa especial Folga Xeral, 29S, a partir das 11:30 da mañá. O programa incluirá intervencións dende a rúa ou centros de traballo, ao través do noso telefone de directo 675.431.341, ao que ti mesmo poderás chamar para contarnos que [te] está a pasar.
Participa!!!

Escoita e redifunde a cunha que elaboraron:

24 de setembro de 2010

Rádio FilispiM, abre o prazo presentación de propostas radiofónicas para o curso 2010/2011.

Nota de prensa COLECTIVO OPAíí!- Rádio FilispiM, 93.9 FM

Un ano máis, Rádio FilispiM oferece o seu estudio de radio aos diferentes colectivos e persoas da comarca, para realizaren un programa de radio.
Aqueles interesad@s deberán enviar as propostas radiofónicas [a máior brevidade e o máis detallada posíbel] ao enderezo: filispina@gmail.com

No apartado “Quen Somos?” do blogue do Colectivo Opaíí!–Rádio FilispiM, , atoparás toda a información relativa a nós, unha radio libre e comunitaria [terceiro sector da comunicación] que vén de cumprir un lustro de emisións e pola que teñen pasado dúcias de persoas e colectivos radioapaixoados da nosa comarca.

O pistoletazo de saída da nova configuración da grella 2010/2011 de Rádio FilispiM, que contará cunha chea de novidades e surpresas, será o vindeiro o luns 4 de outubro.

Por outra banda, informamos que Rádio FilispiM, 93.9 FM, realizará un programa especial seguimento da Folga Xeral en Ferrol e comarca o vindeiro mércores 29 de setembro.

Ferrol, 24 de setembro de 2010.
Colectivo Opaíí! – Rádio FilispiM, 93.9 FM.

22 de setembro de 2010

As probas de son de Rádio FilispiM á descoberta!!!

Chégannos máis detalles do acontecido durante as probas de Rádio FilispiM.

Ademáis dun intento de asasinato [como poder verse na foto que acompaña esta entrada;-], non se perdan o documento sonoro. Arrasa!

Documento sonoro histórico que ten que ver co acontecido durante as probas de emisión e son de Rádio FilispiM, logo do traslado ao novo local en Caranza [Ferrol].

O audio ten capítulos emocionantes, outros alucinantes, surreais e incluso delirantes. Sempre con bon humor e comezando por rirnos de nos mesm@s, como ten que ser.

Lembra que podes comentarnos neste blogue como se escoita a nosa sintonía dende o cambio que fixemos do noso "centro emisor" [Caranza]. Inda que todo indica que a nosa sintonía agora chega moito mellor aos diversos bairros trasanqueses, queremos completar ese mapa filispiniano.

Rádio FilispiM, 93.9 FM. Sen dúbida, non há cosa igual no dial.

Descargar o audio

19 de setembro de 2010

Rádio FilispiM reanuda as súas emisións no 93.9 FM.

Chéganos este comunicado do Colectivo Opaii! - Rádio FilispiM:

Como consecuencia das agardadas obras de rehabilitación do Ateneo Ferrolán, o Colectivo Opaíí!-Rádio FilispiM véuse obrigado a abandonar a súa sede social e a procurar un novo espazo. Ademáis interrompeu as súas emisións, que no pasado mes de agosto de 2010 fixeron cinco anos.

Logo da complicada tarefa da procura dun novo local donde volver a instalar as súas equipas técnicas e antena, na tarde de ontes [sexta, 17 de setembro] conseguiron volver dar luz a radio libre e comunitaria da Terra de Trasancos, que agora emite dende Caranza [Ferrol].

As emisións polo de agora son en probas, mais agardamos recibir novas d@s ouvintes ao respeito de como se escoita a nosa sintonía [93.9 FM] nos diferentes bairros. Fazede chegar as vosas impresións coas vosas mensaxes no blogue http://opaii.blogspot.com ou no e.mail filispina@gmail.com

Ao pé desta entrada ofeceremos as imaxes do traslado [a historia paso a paso]. O audio estámolo a editar.

En breve daremos información sobre como participar na vindeira grella da Rádio FilispiM [2010/2011], así que ide pensando nas vosas propostas radiofónicas!!!.

Finalizamos agradecendo a solidaridade daqueles que amosaron a súa disposición co Colectivo - Opaíí! - RFM, durante este breve periodo de "silencio" filispiniano. Obrigad@s!!!, xa estamos outra vez no ár, libres!!!



Foto superior: re-instalación do dipolo [antena] de Rádio FilispiM en Caranza.
Related Posts Plugin for WordPress, Blogger...