30 de marzo de 2012

Audios Cobertura Especial Rádio FilispiM da Folga Xeral 29M [2012]


Programa especial realilzado polos integrantes da radio libre e comunitaria da Terra de Trasancos que emite dende Ferrol, Rádio Filispim, 93.9 FM, que contra-informou do acontecido na Folga Xeral do xoves 29 de marzo, dende as 8:45 até as 14:30 h.

Audio CUNHA do programa especial Rádio Filispim, Folga Xeral, 29M [2012]



Ir a descargar

1ª Parte do AUDIO resumo ESPECIAL FOLGA XERAL 29M, donde ouvimos MILHEIROS de VOZES da comarca e pulsamos o que acontecía noutras vilas do país e do estado, ao través de dúplex radiofónicos con Rádio Klara de Valencia, Radio ELA de Madrid e Cuac FM de Corunha.




Ir a descargar

2º Parte do AUDIO resumo ESPECIAL FOLGA XERAL 29M,.




Ir a descargar

29 de marzo de 2012

ESTOU PARTICIPANDO ACTIVAMENTE NA FOLGA do 29M, dende Rádio FilispiM.


Dende as 8:30 da manhá e até as 14:30 aproximadamente.

Podes seguir-nos também no Twitter
@filispina939 ou também polo Facebook e vía STREAMING, para todo o mundo en: http://giss.tv:8000/radiofilispim.ogg

Participa coa túa propia voz dende as ondas libres.

Audio cunha do programa especial de Rádio Filispim, Folga Xeral, 29 de Marzo 2012:









27 de marzo de 2012

NIGHTNOISE - Concerto no Teatro Calderón de Valladolid [23/04/1991]

Non se trata exactamente dunha edición especial de DIÁLOGOS 3, mais si dun concerto do cuarteto de Oregón, NIGHTNOISE celebrado no Teatro Calderón de Valladolid o 23 de abril de 1991, retransmitido por Radio 3 [RNE] e apresentado e comentado por Ramón Trecet, unha noite dese mesmo ano.

É dicer, que sigo a recuperar alfaias do meu arquivo sonoro, antes de que o tempo acabe por destruir o contiúdo rexistrado neses "artiluxios sonoros" tan entrañábeis [as cintas de casete], que como sabedes xa non se fabrican e das que se veñen de cumprir 50 anos da súa invención.

Aquela noite do 23 de abril de 1991, no Teatro Calderón de Valladolid, o público asistiu a nun dos concertos da, daquela, segunda xira polo Estado español do cuarteto orixinal irlandés-estadounidense:
- Tríona Ní Dhomhnaill [piano e voz].
- Billy Oskay [violín e viola].
- Brian Dunning [frautas].
- Mícheál Ó’Domhnaill [guitarra].

Como curiosidade, algúns anos despois este mesmo concerto, volveu emitirse en Radio 3 coincidindo coa morte dun dos fundadores de Nightnoise, o guitarrista irlandés Mícheál Ó’Domhnaill [fallecido o 8 de xullo de 2006 aos 54 anos de idade]. Ista re-emisión aconteceu o 15 de xullo de 2006, no programa Músicas Posíbles [Radio 3] de Lara López. Esoutra gravación pode atoparse neste enlace.

O que ides atopar aquí non ten nada que ver con esa re-emisión. É a emisión orixinal do ano 1991, poco despois do concerto, presentada e comentada por Ramón Trecet e da que non teño atopado ningún outro enlace na rede, polo que pode que sexa unha rareza.

A gravación do concerto e tal cual a emisión e dura uns 60 m. Cara o minuto 28 da gravación hai unha interrupción dus segundos. Xa sabedes, cambio de lado da casete ;-)

Todos os programas en: http://offmental.blogspot.com (novo blog temático!)



Imaxe: folleto e ticket de entrada do concerto [fonte: http://rogicas.blogspot.com.es/1991_04_01_archive.html]

26 de marzo de 2012

DIÁLOGOS 3 [Radio 3-RNE] - Especial NIGHTNOISE [07/08/1991]

Seguimos a rescatar míticas edicións do programa DIÁLOGOS 3 [Radio 3], apresentado e dirixido por Ramón Trecet.

Nesta ocasión un interesante especial fin de semana, adicado a biografía da banda de folk-cámara NIGHTNOISE, emitido un 07/08/1991 en Radio 3 [RNE].

O audio foi dixitalizado dunha gravación caseira en cinta de casete, procedente do aquivo sonoro de O Pequeno Monstro [Rádio FilispiM].

Nightnoise foron unha banda cuxo orixe está no ano 1984, cando o violinista estadounidense Billy Oskay e o guitarrista irlandés Mícheál Ó Domhnaill, publican un disco titulado precisamente así, Nightnoise, na compañia Windham Hill.

Tres anos despois, en 1987, Tríona Ní Dhomnaill [irmá de Míchaél] e o flautista irlandés-estadonidense Brian Dunning, se unen aquel dúo, resultando a primeira formación como NIGHTNOISE. O primiero album, como tal, do cuarteto foi Something of Time [Winddam Hill, 1987].

Para min, eses dous albumes, son os mellores publicados por estes artistas. Música folk, de cámara, antigua e, sobre todo, maxia, conflúen nestas dúas alfaias sonoras dos oitenta.

A estes dous traballos lles seguen At the End of the Evening [1988], The Parting Tide [1990] e o recompilatorio A Windham Hill Retrospective [1992]. Precisamente neste álbum, Oskay abandona a banda que é sustituido polo violinista escocés Johnny Cunningham. Con esta nova formación publican: Shadow of Time [1994], A Different Shore [1995] e The White Horse Sessions [1997]. Coincidindo con ese último lanzamento, Cunningham abandona a banda sendo substituido polo violinista irlandés John Fitzpatrick.

Nightnoise se disolven oficialmente a finais de 2003 cando, aos 46 años anos, o violinista
Cunningham falece dun ataque al corazón. Xa en xullo de 2006, un dos seus fundadores,o guitarrista irlandés Mícheál Ó Domhnaill, morre na súa casa de Dublín, por causas das que non existe demasiada información, mais se comenta que sofre un accidente doméstico.

Sintonizamos. Tres da tarde, Radio 3 [RNE], Dialogos 3, Ramón Trecet...

Todos os programas en: http://offmental.blogspot.com (novo blog temático!)





23 de marzo de 2012

OFF MENTAL [outras músicas ] - programa 21

Portada do album Shadowdance [Windham Hill]. Shadowfax, 1983
Programa Nº 21 en Rádio FilispiM da serieOFF MENTAL, apresentado polo Pequeno Monstro.


OFF MENTAL, é un programa da Produtora Imaxinaria Divertimento [PID], donde ouvimos outras músicas doutra forma, sen fronteiras estilísticas e de ningún outro tipo, cuxo denominador común é a creatividade.


Neste programa:
- RICHARD BURMER - Across the view [Western Spaces. Album colectivo xunto Steve Roach e Kevin Braheny, 1987].
- WILLIAM ACKERMAN & CHUCK GREENBERG - Visiting (Live) - [Show in Omaha, Nebraska, 1986].
- SHADOWFAX & CHUCK GREENBERG - A pausa in the rain [Live, 1987].
- NIGHTNOISE - Timewinds [Something of time, 1987].
- NIGHTNOISE - The erebus and the terror [Something of time, 1987].
- NIGHTNOISE - Hourglass [Something of time, 1987].
- KEITH JARRETT - January 24, 1975, Part 1 (extracto) - [THE KÖLN CONCERT].

Todos os programas en: http://offmental.blogspot.com (novo blog temático!)




offmentalizate!  Facebook.

DIVERTIMENTO - Variedades circenses - A esquerda pola dereita pola propia esquerda - Bertín - Évia - FOLGA XERAL!!!

Edición do xoves 22/03/2012 de DIVERTIMENTO para pequenos monstros en Rádio FilispiM, 93.9 FM.
Contiúdos:
- Circo da Semana Santa: 70.000 euros.
- Circo da Praza de España: 700.000 euros.
- Cultura: 7 euros
- O Concelleiro de Urbanismo, Evia, sabe moito.
- 29M sen medo. Denuncia represalias ante a folga!!!
- Reganosa, os mariscores e a Xustiza.
- Día de acción por unha banca ética.
- 5 recortes que salvarían a España sen tocar aos de sempre.
- A esquerda aniquilada, pola dereita, pola chamada "esquerda" [Rafa Bouza].
- Axenda de concertos.




Apresentan: Ana Lucecú e o Pequeno Monstro.

Para todo o mundo vía Streaming en http://giss.tv:8000/radiofilispim.ogg


Divertimento e @s monstros estamos no Facebook.

18 de marzo de 2012

DIÁLOGOS 3 [Radio 3-RNE] - Especial DEAD CAN DANCE - [primavera 1994]


Dous novos especiais de Diálogos 3 [Radio 3, RNE], rescatados do arquivo sonoro de o Pequeno Monstro. Nesta ocasión adicados a banda DEAD CAN DANCE, cuxos pilares fundamentais son Lisa Gerrad [Australia, 1961] e Brendan Perry [Londres, 1959].


En 1984 fichan pola discográfica de Londres, 4AD, no que graban un primeiro album homónimo e no que colaboran outras banda do mítico selo underground, coma This Mortal Coil.

En 1985, publicarían o seu segundo album, Speen and Ideal, que os catapulta coma banda de "culto" e sitúa nos primeiros postos das listas do Reino Unido. En 1986 chegaría o seu terceiro traballo, Within the Realm of a Dying Sun.

Xa en 1988 o seu cuarto, The Serpent´s Egg. Ademáis, ese mesmo ano escriben temas para o filme El Niño de la Luna [Agustín Villaronga], donde a propia Lisa Gerrad debuta coma atriz. En 1990 publican Aion, o quinto traballo, que os leva de xira a América. O ano 1992 publican o famoso recompilatorio A Passage in Time.

Xa no ano 1993 participan na banda sonora do impactante filme documental Baraka [Ron Fricke] e editan Into the Labyrinth, traballo co que conquerirían o maior éxito. Unha macroxira americana e europea fica rexistrada no album e filme Toward the Within.

O último traballo como DEAD CAN DANCE foi publicado en 1996 baixo o título de Spiritchaser. Tanto Lisa coma Brendan publicaron sendos traballos en solitario, The Mirror Pool [1995] e The Eye of the Hunter [2000], respeitivamente.

No primeiro dos programas especiais que Ramón Trecet adicou a este ecléctico dúo, analisa os seus primeiros traballos. No segundo, realiza unha transcripción radiofónica dunha entrevista realizada ao dúo en outubro do ano 1993. Cada gravación ten uns duración aproximada de 23 m, o que quer dicer que os programas non están completos, mais non deixan de ser documentos de grande interés, polo que todos sabedes.

Sintonizamos, tres da tarde, Radio 3 [RNE], Dialogos 3, Ramón Trecet...

Todos os programas en: http://offmental.blogspot.com (novo blog temático!)

Programa 1:  os seus primeiros traballos.


Programa 2:  a transcripción dunha entrevista ao dúo.




Imaxe: Lisa Gerrad e Brendan Perry [Dead Can Dance].

14 de marzo de 2012

OFF MENTAL [outras músicas ] - programa 20

 Portada do album de John Surman Withhoding Pattern [ECM, 1985]
Programa Nº 20 en Rádio FilispiM da serie OFF MENTAL, apresentado polo Pequeno Monstro.


OFF MENTAL, é un programa da Produtora Imaxinaria Divertimento [PID], donde ouvimos outras músicas doutra forma, sen fronteiras estilísticas e de ningún outro tipo, cuxo denominador común é a creatividade.


Neste programa:
Especial JOHN SURMAN [Withholding Pattern, ECM 1985].

Misturadas con comentarios da biografía do artista e cunha introducción ao selo discográfico de Múnich ECM [Edition of Contemporary Music], ouvimos:

- Doxology.
- Changues of Season.
- All cat´s whiskers and Bee´s Knees.
- Holding Pattern I.
- Skating on thin Ice.
- The Snooper.
- Wildcat Blues.
- Holding Pattern II

John Surman:
- Baritone and soprano saxophones.
- Bass clarinete.
- Recorder.
- Piano.
- Synthesizer

Todos os programas en: http://offmental.blogspot.com (novo blog temático!)




offmentalizate! Facebook.

11 de marzo de 2012

DIÁLOGOS 3 [Radio 3-RNE] - Especial catálogo ECM - program.2 [marzo 1992]

Seguimos a desempolvar vellas cintas de casete do arquivo sonoro do Pequeno Monstro [Rádio Filispim].

Como dixemos no seu momento, é un "agora ou nunca", e penso que, no caso destas edicións especiais de Diálogos 3, si pague a pena, pola grande cantidade de datos que subministra Trecet sobre os artistas, nun momento no que, lembremos, conquerir información sobre estos tipos de músicas e artistas era unha tarefa certamente complicada, sendo a rede de internet algo que viamos nas películas americanas e pouco máis.

Estamos no mes de marzo do ano 1992. Segunda e última das entregas do especial de Diálogos 3, adicado ao selo de Múnich ECM [Edition of Contemporary Music]. Nesta ocasión Rámón Trecet nos oferece pinceladas da biografía e traballos en ECM, dos seguintes artistas:

- JOHN SURMAN [Withholding Pattern, 1985]
- OREGON (Ralph Towner, Collin Walcott, Glen Moore) [Oregon, 1983]
- CHICK COREA & GARY BURTON [Duet, 1979]
- L. SHANKAR [M.R.C.S, 1991]
- EGBERTO GISMONTI & NANA VASCONCELOS [Duas Vozes, 1984]
- COLLIN WALCOTT con John Abercrombie, Dave Holland & Jack DeJohnette [Cloud Dance, 1976]
- PAT METHENY [Offramp, 1982]

Unha fin de semana do mes de marzo do ano 1992, sintonía de Rádio 3 [RNE], tres da tarde, Diálogos 3, Ramón Trecet...

Todos os programas en: http://offmental.blogspot.com (novo blog temático!)


DIÁLOGOS 3 [Radio 3-RNE] - Especial catálogo ECM - program.1 [marzo 1992]

Primeiro dos programas especiais adicados ao selo alemán ECM [Edition of Contemporary Music], da serie Diálogos 3 [Rádio 3-RNE] que inauguramos a semana pasada neste blog.

O programa que rescatamos hoxe responde ao primeiro dunha serie de dous que Ramón Trecet adicou ao selo alemán de nova música, ECM. Lembro que durante algunha grella radiofónica, Trecet, realizaba programas os sábados e domingos, donde aproveitaba para deterse na biografía dos músicos que soaban de luns a venres ou, mesmo, en selos discográficos coma ECM. Calquera outra lembranza ou emenda é benvida como comentario a esta entrada.

Neste primeiro programa, RamónTrecet conta como un proxecto de distribución de músicas por correio postal chamado Jazz by Post, se transforma a finais da década dos sesenta nunha discográfica capitaneada por Manfred Eicher, ECM, na que gravarían as súas produzóns artistas que non se acomodaban a ningunha etiqueta convencional.

Jazz, world music, contemporánea, clásica, son xéneros que atopamos pinceladas en cada un dos artistas do catálogo de Múnich ECM, resultando unha "nova música" de corte Europeo que unida ao deseño artístico das portadas conforman a personalidade única deste intersante selo alemá. De feito, as audaciais musicais, ou mesmo visuais [artísticos deseños das carpetas] do catálogo ECM, foron máis tarde emuladas por outros selos con maior ou peor fortuna, coma CODA Records, Narada, Innovative Communications ou, o caso máis evidente, Windham Hill.

Neste primeiro Diálogos 3 adicado a ECM, escoitamos:
- PAT METHENY [New Chautauqua, 1979]
- CHICK COREA & RETURN TO FOREVER [Return to Forever, 1972]
- RALPH TOWNER con Jan Garbarak, Eberhard Weber & Jon Crhistensen [Solstice, 1977]
- MEDERITH MONK [Dolmen Music for 6 voices, 1979]

Fechamos os ollos e sintonizamos. Fin de semana do mes de marzo de 1992, tres da tarde, Radio 3 [RNE], Ramón Trecet, Diálogos 3...

Todos os programas en: http://offmental.blogspot.com (novo blog temático!)




Imaxe: Mandref Eicher.

6 de marzo de 2012

OFF MENTAL [outras músicas ] - programa 19

 Jony Mitchell en estado de gracia.
Programa Nº 19 en Rádio FilispiM da serie OFF MENTAL,  apresentado polo Pequeno Monstro.


OFF MENTAL, é un programa da Produtora Imaxinaria Divertimento [PID], donde ouvimos outras músicas doutra forma, sen fronteiras estilísticas e de ningún outro tipo, cuxo denominador común é a creatividade.


Neste programa:
- GEORG FRIEDRICH HÄNDEL - Bourrée [Suite Nº 1 in F - Water Music].
- GEORG FRIEDRICH HÄNDEL - Hornpipe [Suite Nº 1 in F - Water Music].
- GEORG FRIEDRICH HÄNDEL - Rigaudon [Suite Nº 3 in G - Water Music].
- GEORG FRIEDRICH HÄNDEL - Menuet [Suite Nº 3 in G - Water Music].
- GEORG FRIEDRICH HÄNDEL - Ombre Pallide [Ópera Alcina. Soprano: Arleen Auger. City of London Baroque Sinfonia. Dir. Richard Hickox].
- JONY MITCHELL - Woodstock [Ladies of the Canyon, 1970].
- JONY MITCHELL - Ladies of the Canyon [Ladies of the Canyon, 1970].
- JONY MITCHELL - For Free [Ladies of the Canyon, 1970].
- JUDY COLLINS [voz] / RICHARD STOLZMAN [clarinete] - For Free (orixinal de Jony Mitchell) - [Innervoices, 1989].
- JOHANN SEBASTIAN BACH - Cantata Ich habe genug. Aria Ich habe genug [Soprano: Natalie Desay. Le Concert D´astree. Dir. Emmanuelle Häim].
- JOHANN SEBASTIAN BACH - Cantata Ich habe genug. Recitativo Ich habe genug [Soprano: Natalie Desay. Le Concert D´astree. Dir. Emmanuelle Häim].

Todos os programas en: http://offmental.blogspot.com (novo blog temático!)




offmentalizate!  Facebook.

4 de marzo de 2012

DIÁLOGOS 3 [Radio 3-RNE] - Suzanne Ciani, History of my Heart [decembro 1989]


Segunda das entregas da serie Diálogos 3 [Radio 3-RNE]. Nesta ocasión Ramón analisa tema a tema o, daquela, novo album de Suzanne Ciani, History of my Heart. Traballo no que colabora nalgunha das pezas o violinista Steve Kindler.

Ciani realiza unha música simples pero carregada de beleza, pese ao que puidera parecer, "la Ciani" [como a chamaba Trecet] non era unha recén chegada nen unha ilusa: "trala súa graduazón no Wellsley College, Ciani se trasladou á Universidade de Berkeley na que seguíu a estudar composición. Durante este periodo, finais dos anos 60, coñeceu a tres dos fundadores da música electrónica: John Chowning, Max Matthews e Don Buchla. Daquela comezou a traballar para Buchla soldando sintetizadores. Adicou os seguintes dez anos da súa vida a explorar as posibilidades deste instrumento, que ela mesma construíu con diversas pezas que foi adquirindo..." (Wikipedia).

History of my Heart, Suzanne Ciani, un día do mes de decembro de 1989, as tres da tarde... en Radio 3 [RNE].

Todos os programas en: http://offmental.blogspot.com (novo blog temático!)

DIÁLOGOS 3 [Radio 3-RNE] - Entrevista a Lito Vitale [10/01/1990]

Con esta entrada, comezo unha serie donde irei subindo edicións do mítico programa Diálogos 3 [Radio 3-RNE], presentado e dirixido por Ramón Trecet. As gravacións orixinais proceden de cintas de casetes que eu mesmo rexistrei naqueles anos. Unha vez dixitalizadas, as subirei á miña canle no Ivoox.

Os motivos que me levan a fazer isto son tres:
1º Hai algunha semana me liei nun grupo no facebook donde se rememoran todas as músicas que durante tantos anos pasaron por Diálogos 3.

2º Según unha conversación recente, mantida polo propio Trecet con integrantes deste grupo, non hai certeza de estes programas estean no arquivo sonoro de RNE.

3º Sei que outros ouvintes de Diálogos 3, algún deles integrantes do mencionado grupo do facebook, teñen rescatado e subidos moitos deses audios o que me anima a fazelo, coa miña pequena contribución, pero sobre todo, a fazcelo xa, dado que coas cintas de casete xa se sabe...

Na entrada que abre esta serie, escoitaremos unha entrevista ao músico arxentino Lito Vitale, que daquela contaba con 23 anos, e viña de publicar o seu album La Senda Infinita coa participación creativa do cuarteto que o levou ao éxito. O programa está repleto de intervencións telefónicas dos ouvintes e foi realizado un 10 de xaneiro de 1990, como era habitual, as 3 da tarde...

Todos os programas en: http://offmental.blogspot.com (novo blog temático!)



2 de marzo de 2012

DIVERTIMENTO - Guerra de los Mundos 2012 - Crónica feches Xunta Ferrol - 8 de Marzo, Día Internacional da Muller - 1ª Xornadas Economía Social

Edición do xoves 01/03/2012 de DIVERTIMENTO para pequenos monstros en Rádio FilispiM, 93.9 FM.

Contiúdos:
- "La Guerra de los Mundos, 2012" [versión "ferrolterráquea"]. Estrea mundial, xoves 1 de marzo nos Cines Dúplex de Ferrol. Entrevista a Miguel Castro co-autor do guión e director da adaptación radiofónica.

-Mobilizacións contra os recortes nas condicións e cualidade do emprego a todos os níveis.

a) Crónica Asemblea Permanente e feche no edificio administrativo da Xunta en Ferrol.

b) CC.OO e UGT, igual se suman a convocatoria de Folga Xeral da CIG que xa secundan CUT, CGT e CNT.

- 1ª Xornada de Economía Social e Finanzas Éticas. Organizadas polo Encontro Social de Ferrolterra. Falamos de FIARE [banca ética] e COOP57 [cooperativa de proxectos economía social].

- 8 de marzal, dia Internacional das mulleres. Entrevista con Ánxela, do colectivo Marcha Mundial das Mulleres [MMM] Ferrolterra [GZ].

- Páxina de humor: José Manuel Rey.

- Axenda de Concertos.

Programa completo:



Entrevista a Ánxela da Marcha Mundial Mulleres Ferrolterra [GZ]. 8 de marzo, día Internacional das mulleres:

Ir a descargar

Apresentan: Ana Lucecú e Pequeno Monstro.

Sintoniza: Rádio FilispiM, 93.9 FM [área Ferrol] - Para todo o mundo en: http://giss.tv:8000/radiofilispim.ogg

Divertimento e @s monstros estamos no Facebook.
Related Posts Plugin for WordPress, Blogger...