Este éo completo programa da VII edición do Fervesteiro,por unha cultura libre, que nos achegan os compas do bairro de Esteiro de Ferrol para este mes de setembro de 2009. Clika na imaxe pra ter máis info! XOVES 17: As 18:00h emision de un programa monografico sobre o festival na radio libre e comunitaria da comarca de Trasancos Radio filispim, no 93.9 FM.Repetición do especial este domingo ás cinco do serán. Podes escoitar ou descarregar este audio ao pé desta entrada.
VENRES 18: As 18:00 no local do colectivo murais reivindicativos pola recuperación e conservacin do barrio de Esteiro
As 19:00h churrascada popular e jam session no local do colectivo na Rua Adan e eva SÁBADO 19: As 18:00h no local do colectivo murais reivindicativos pola recuperación e conservación do barrio de Esteiro
MARTES 22: As 20:00h no local do colectivo:Video-charla co documental “Good copy, bad copy”
Direccion: Andreas Johnsen, Ralf Christensen y Henrik Moltke. 2008 Dinamarca
Trata sobre as implicacións legais do novo espazo musical na era do remix, a remestura, o sample e a facilidade de difusión da contorna dixital fomentan a creatividade en determinados contextos, esta creatividade vese ameazada por lexislacións privativas. No documental móstranse interesantísimos exemplos de devandita creatividade musical...
MÉRCORES 23: As 20:00h Proxeccion; “Ceremonia de entrega dos premios “Oxcar 2008”
É unha gala de concertos, de animación 3D e de hacking, de teatro, coa presenza de membros da WuMing Foundation, The Pirate Bay e Leo Bassi. Tamén se presenta un libro colectivo, titulado Os piratas son os pais, que recolle máis de 40 colaboracións, entre elas as de nomes tan recoñecidos no ámbito da análise das leis da propiedade intelectual como Richard Stallman.
XOVES 24: As 20:00h Inaguracion da Exposicion fotografica baixo lizenza Creative Commons, do fotografo ferrolan Manolo Rei no local do colectivo
VENRES 25: As19:00h apertura da Feira de colectivos, coa participacion de distintos grupos politicos e sociais da comarca. No espazo do Festival na Avda Mac Mahon, ao caron da porta da Bazan.
As 22:30 Concertos:
Ataque escampe. Rock de Serie B desde Compostela www.myspace.com/ataquescampe
+ Grupo sorpresa SÁBADO 26: As19:00h apertura da Feira de colectivos, coa participacion de distintos grupos politicos e sociais da comarca. No espazo do Festival na Avda Mac Mahon, ao caron da porta da Bazan.
As 19:00h roteiro polo Esteiro historico coa participacion do historiador do movemento obreiro galego Eliseo Fernadez. Saida desde o espazo do festival.
Unha gran Caravana pola Comunicación percorreu varias cidades de Ecuador. A caravana foi organizada pola Coordinadora de Radios Populares e Educativas de Ecuador, CORAPE, co apoio de ALER e AMARCe concluíu en Quito. Esta iniciativa recolle as reflexións de cidadáns e cidadás sobre unha Lei de Comunicación.
Expertos, representantes de medios alternativos e populares e catedráticos reuníronse para elaborar propostas para a Lei de Comunicación. Preguntáronse dúas cousas: que medios temos e que medios queremos?
Á primeira inquietude, as respostas foron similares: "Os medios están en mans privadas, discriminase aos sectores populares, a repartición de frecuencias non é equitativa, e teñen unha débeda coa educación". Ao contestar a segunda interrogante, sinalan que aínda que se garanta o acceso equitativo aos medios (entre o popular, o público e o privado), débese pensar na sustentabilidade dos proxectos.
Tras un acto festivo que pechou a Caravana, a Coordinadora de Radios Populares e Educativas do Ecuador, entregou ás autoridades, a súa propostas para a nova Lei de Comunicación. Ecuador xa comezou o debate para a construción dunha nova lei, que faga da comunicación un verdadeiro dereito para todos e todas.
Rádio FilispiM, abre o prazo de presentación de propostas de programas para o curso 2009/2010.
O quinto curso radiofónico, 2009/2010, da radio libre e comunitaria de Trasancos está a piques de comezar. A nova programación comezará a emitirse oficialmente o xoves 1 de outubro de 2009.
Rádio FilispiM, 93.9 FM, é unha radio sen ánimo de lucro integrada no terceiro sector da comunicación: o da cidadanía.
PRESENTACIÓN DE PROPOSTAS.
Para poder realizar o teu programas debes enviar a túa proposta antes do sábado 19 de setembro a filispina@gmail.com.
Se xa es membro do colectivo Opaíí!-Rádio Filispim, lembra que debes ter as cotas ao día, requirimento indispensabel para darlle continuidade a túa proposta radiofónica.
SESIÓN VERMÚ.
Por outra banda o sábado 31 de outubro haberá unha sesión vermú presentación da nova grella, no Ateneo Ferrolán. En breve darémoste máis información desta festa.
VINDEIRA ASEMBLEA.
Por outra banda, a vindeira asemblea preparatoria da tempada de Rádio FilispiM, será o sábado 19 de setembro no Ateneo Ferrolán, coincidindo co fin de prazo de presentación de propostas radiofónicas e aboo de cotas pendentes.
EN REDE.
Este novo curso radiofónico, o colectivo re-editará a colaboración con outras radios de Galiza, Estado e resto do mundo, ao través da difusión de propostas coma Nosotras en el mundo, Mapamundi, o informativo Más Voces ou Marca Branca, entre outros moitos espazos de radios irmás de todo o mundo.
Destacar o intercambio de programas que FilispiM de Ferrol e Rádio Piratona de Vigo comezaron a pasada grella, abrindo un camiño recollido no ideario da REGARLIC, Rede Galega de Radios Libres e Comunitarias, da que Rádio FilispiM e membra xunto a Radio Kalimera de Compostela, Radio Clavi de Lugo, Cuac FM de A Coruña, Radio Piratona de Vigo e Radio Roncudo de Corme.
Dando unha volta polos interneses do senhor, atopei esta interesante reflexión sobre as radios libres e comunitarias. Forma parte dun dos comentarios dun lector anónimo que suscitou un artículo publicado polo portal galego Vieiros hai algo máis dun ano, ao respeito do conceito de radio libre e comunitaria.
Achei interesante reproducilo (inda que poida que alguén non lle cadre), pois suscita debate e reflexión, cousa que sempre e bon neste mundo dos proxectos de comunicación alternativa unicamente sometidos ao conceito que cada quen teña por "libre e comunitario".
Atoparedes a información completa e orixinal neste enlace: Enlace!!!
Pequen@s monstros, ficades con esta reflexión anónima. De desexardes podedes seguir a comentar deixando a vosa propia opinión no apartado "comentarios" ao pé desta entrada.
Iso de “RADIOS LIBRES” Como todo “depende” se é verdadeira esa condición. Nalgúns CASOS son certamente libres duns intereses por que simplemente responden a outros NON COMUNITARIOS. De tal xeito que o mellor sería definilas como “LIBRES DESTES INTERESES”. Pero firmemente comprometidas a impor a grupos con intereses tan innobles como os que pretenden competir.
Non basta con dicir que somos libres, senón demostralo.Existen medios comunitarios e non é nada difícil identificalos. Os seus creadores son coñecidos pola poboación e non aparecen da noite para a mañá. Adoitan expresarse en termos de neutralidade Independentemente que teñan a súa ideoloxía, as súas portas están abertas a todas as formas de pensamento, pero destacando que non é o tema político o predominante. Non se desgarran as vestiduras defendendo a tal ou cal líder nacional ou estranxeiro, ou defendendo as políticas de tal ou cal goberno. A súa razón de ser é a COMUNIDADE. De feito, o máis común é que teñan un financiamiento tan escuálido que practicamente os fai vivir no bordo do precipicio e dificilmente saben se poderán saír mañá.
Pódese empezar a dubidar desa condición liberdade, cando os contidos comunitarios pasan a un segundo plano e nótase que unha tendencia política de calquera cor é promocionada de forma dominante ou total. Iso si, todo dise en nome da comunidade, pero a realidade non é esa. Tamén se pode dubidar desa condición cando estas emisoras proliferan como fungos. Inician as súas actividades da noite para a mañá durante períodos de eleccións e as súas instalacións sitúanse en edificacións públicas, ou seus membros son activistas políticos ou relacionados con estes directa ou indirectamente. Isto último é o mais común. E non é difícil descubrilo.De feito, hai que ser suspicaz xa que é común bautizar a moitos medios e organizacións con nomes rimbombantes, honorables e que para nada locen como comprometidos.
Pero resulta que se o escoita, lector ou televidente furga no asunto atopa claras conexións cos centros de poder ou os que pretenden acceder a el. Nestes tempos da información proliferaron medios radiais, televisivos e escritos que pregoan aos catro ventos que responden a un sincero sentimento comunitario. Adoitan enarborar bandeiras de xustiza social. Falan do medio ambiente, das agresións ás mulleres, nenos. Din defender aos traballadores e os excluídos. A súa frase preferida é "xustiza social" E por suposto de forma máis ou menos discreta. Sinalan que certos líderes ou pensamento político seguen esta liña de pensamento. É dicir o xogo do bo e o malo. Pero son incapaces de sinalar estes mesmos desmáns cando eses líderes ou forma de política exercen o poder.
É posible que nas súas orixes a neutralidade informativa fose o seu obxectivo pero os avatares do tempo e os intereses particulares fixeron que cambiasen a ruta. Iso si. Pretenden seguirse chamando comunitarios (...)
Aló fica a Nau Quinhentista que serviu de cenario a unha parte do acontecido na segunda edición do Ollin Kan na Vila do Conde. Fermosa vila no norde do país veciño é cidade irmanada co noso Ferrol (Galiza) dende o ano 1971.
Durante tres días (17, 18 e 19 de xullo) adiantando a súa cita respeito a primeira edición do pasado ano e coa banda sonora dun tempo algo revoltoso, músicos de diversos estilos e nacionalidades (e planetas) subironse a Nau pra embarcanos a tod@s na aventura das músicas do mundo até a madrugada.
De todo uvimos e ollamos, como ben poderedes corroborar nas fotos coas que vos deixamos. A imaxinar!
En vindeiras entradas máis madeira (isto é a guerra!)
Autor fotos: Pequeno monstro. Lugares: Vila do Conde (Portugal, 2009). Libre uso, mais indique autor e blog. Obrigado.
O FMM de Sines 2009 forma parte xa da nosa lembranza.
A finais do pasado mes de xullo aló estivemos os Pequenos monstros, dispost@s a nos deixar engaiolar polas augas atlánticas do sul da península ibérica.
Aquelas augas teñen a forza e a maxia das nosas, mais bañan unha terra que sempre xogamos a imaxinar coma unha elongación dunha Galiza normalizada.
Non poido máis que dizer que volverei. Ou mellor dito, volveremos.
Entre tanto, deixovos cunhas fotos tiradas na edición 2009 do Festival de Musicas do Mundo de Sines (FMM Sines) para que vexades que todo é ben certo. En vindeiras entradas falaremos da nosa parada na segunda edición do Ollin Kan (Vila do Conde) e mesmo doutras paragems.
Autor fotos: Pequeno monstro. Lugares: Porto Covo, Sines e Lagoa de Sto. André (Portugal, 2009). Libre uso, mais indique autor e blog. Obrigado.
Estes días os medios de comunicación local veñen de se fazer eco da concesión dunha licenza de radio difusión en FM ao Concello de Narón (A Coruña). Así, o Diario de Ferrol, publica o que segue (e traducimos):
O Concello dispón de licenza para abrir unha emisora de radio municipal.
REDACCIÓN > FERROL
O Concello de Narón acaba de recibir a licenza de apertura dunha emisora de radio municipal, que lle foi concedida por parte da Secretaría Xeral de Medios da Consellería de Presidencia da Xunta de Galicia.
Este acordo foi adoptado no último Consello da Xunta, celebrado o pasado 30 de xullo, e xa foi ratificado polo titular do referido departamento autonómico, Afonso Roda.
O Concello naronés fíxose coa adxudicación provisional dun servizo de radifusión sonora en ondas métricas con modulación de frecuencia de carácter municipal. Así, do mesmo xeito que ocorre con outros municipios da comarca como o de Fene, poderá dispor da súa propia emisora municipal.
Por outra banda, a concesión definitiva desta intervención está supeditada á aprobación previa do proxecto técnico da emisora de radio, ademais das obras de instalación correspondentes e a posterior inspección e autorización da súa posta en marcha, segundo informan desde o consistorio.
Proxecto > O goberno local naronés deberá agora presentar o proxecto técnico para a posta en marcha da cadea de radio no prazo de dous meses. En canto ás obras para a localización da emisora municipal, estas acometeranse, segundo as previsións que manexa o consistorio naronés, na Casa da Cultura, enfronte do edificio municipal no Alto do Castiñeiro.
No sempre recorrente portal de información Más Voces, atopamos esta interesante nova ao respeito do recoñecemento legal das radios comunitarias na Comunidade de Madrid (e que traducimos):
[06-08-2009] O Tribunal Supremo anulou o Decreto polo cal a Comunidade de Madrid anulou a categoría de "emisoras culturais e outras sen ánimo de lucro" recoñecéndose só as emisoras comerciais como modalidade de radio privada.
Na súa sentenza di que a Comunidade de Madrid (Esperanza Aguirre) non realizou trámite de audiencia á URCM na tramitación do Decreto, sendo unha entidade representativa e directamente afectada. O recurso presentado pola URCM remóntase ao ano 2003, cando a Comunidade de Madrid decidiu eliminar da súa normativa a existenza de emisoras sen ánimo de lucro.
Nestes momentos a Comunidade de Madrid atópase en proceso de adxudicación de 21 emisoras en base a un Decreto agora desestimado polos tribunais, quedando o proceso de adxudicación cuestionado. Recordamos que hai poucos días o Tribunal Supremo tamén anulou a repartición de concesións de Televisión Dixital realizado pola Comunidade de Madrid.
Escoita a entrevista a Javier García, da Unión de Radios Libres e Comunitarias de Madrid (URCM).
Xa de volta das nosas ferias, atopei este artículo publicado polo xornal estatal El País no vrao de 1980, donde atopamos dúas visións ben diversas sobre como debe ser a linguaxe radiofónica: a visión dos locutores da Radio Juventud e da Radio 3 do momento e a dos "consagrados" dos mass-media.
Con ele vos deixo, non se antes comentarvos que en breves colgaremos as crónicas (e afotos) das nosas andanzas polas edicións de 2009 do Ollin Kan de Vila do Conde e no FMM de Sines, ademáis doutras paradas ben fermosas.
El lenguaje en la radio.
El País, 01/07/1980
"El pasado fin de semana, Radio Juventud dedicó dos horas y media en directo del espacio Alternativas que dirigen Elena Lobo y Agustín Galán, a un debate sobre la radio.Fernando Díaz Plaja manifestó, en la primera parte, dedicada al lenguaje radiofónico, que el nivel de los locutores españoles es aceptable. Tanto el señor Díaz Plaja como Javier Sádaba y la crítica Rosa María Olivares pusieron de manifiesto que la sencillez del lenguaje convoca. a una audiencia más amplia, pero que es rechazable llevar el lenguaje de la «calle» a la radio, debido a la influencia que este medio ejerce sobre los oyentes. Rosa María Olivares dijo que no es el lenguaje «de calle» la causa de que los jóvenes sintonicen con las emisoras de frecuencia modulada (FM), sino su programación musical.
Joaquín Prat, en la segunda par te del programa, dijo que las emisoras de FM podrían ser la escuela para los locutores de onda media que la radio atrae cada vez más a la audiencia «culta,», y opinó, coincidiendo con Carmen Pérez de Lama, que el nivel de los locutores españoles es bastante bajo. José Luis Pecker dijo que hoy es mucho más difícil ser popular, a causa del boom de la radio. Luis del Olmo manifestó que el éxito de Protagonistas se debe a que diariamente él y su equipo se esfuerzan en ofrecer un programa de calidad e interés y se opuso a la utilización del lenguaje «de calle».
Rafael Abitbol, por Onda Dos; Paco Pérez Brian, por Búho Musical; Federico Volpini, por Os fastuosos guateques, y Antonio Peiró, por Radio Tres expusieron que la audiencia joven se acercó a la radio gracias al lenguaje y música de las FM. Federico Volpini añadió que la participación de los oyentes a través del teléfono es neresaria porque «la radio es de todos». Los nuevos valores de las FM defendieron el lenguaje joven y «de calle», que supone un enriquecimiento del léxico real.
Ernesto Pérez de Lama, director de Radio Juventud; Fulgencio Sánchez, director de Radio España; Sebastián Valentín Pardo director de Radio Popular, y Basilio Gassén, jefe de programas de la SER, opinaron que la libertad de expresión en la radio es similar a la de la prensa y superior a la que existe en Televisión. Los responsables de estas emisoras, unánimemente, manifestaron que la publicidad, única fuente de financiación de sus programas, no condiciona la objetividad de la inforrnación. Indicaron que era necesario reforzar la escasez de plantillas en las emisoras e incorporar a nuevos profesionales de la facultad de Ciencias de la Información. Fulgencio Sánchez hizo hincapié en que la FM debe programar, además de música, diarios orales, reportajes, tribunas libres y otros programas informativos y de opinión."
Xa está aquí, xa chegou a onceava edición do FMM de Sines.
Argallado pola Cámara Municipal da fermosa vila Alentejana e cunha parte do seu programa a desenvolver na vila de Porto Cobo, ambas a uns 160 km ao sul da Lisboa, o FMM de Sines volve conter todos os ingredintes pra suxestionarnos curiosidade e animarnos a marchar aló: cualidade e diversidade nos artistas que conforman o cartaz (para cada un dos nove días que dura esta aventura), gratuidade en moitas das propostas, un entorno dunha beleza incomparábel, moi bon ambiente e Lisboa moi pertiño.
Para @s curios@s neste mesmo blog (no apartado temas fai clic en "festivais") atoparedes algunhas entradas que fixemos coas crónicas das nosas viaxes a este festival, supervivinte das "Ortigueiras" de turno.
Por certo, na 25 edición do Festival do Mundo Celta de Ortigueira, ademáis do macro botellón de turno (e do palco exclusivo VIPpara os nen@s lindos de Ortigueira que molaba mogollón tod@s sentadit@ de guai) explosionaron La Bottine Souriante (Quebec - Canadá) que son unha auténtica paaaasssaaadaaa!!!! e cuxo estoupido me mantivo entretido ante tanta virguería.
Volvendo a Sines, non poido esquezer o pedazo de concerto que deu na edición do 2008 a Rokia Traore (Mali), así que ficades con este video tirado daquela memorabel actuación e logo seguimos.
Máis Nada, Pequenos Monstros, ficades co Programa do FMM Sines 2009. Menos mal que nos queda Portugal!!!
Programa FMM Sines 2009.
PORTO COVO - Palco junto ao Porto de Pesca Sexta-feira, 17 de Julho
A primeiros dos anos oitenta o meu amigo Miguelito (daquela veciño coma min do en construcción ferrolán bairro de Ultramar), descubriume unha radio que me acompañaría e marcaría radiofónicamente co paso dos anos.
Para situarvos na escena, O Pequeno Monstro aos quince anos non foi heavy, foi nova oleiro tirando a punkarra. No dial ferrolterráqueo a FM semellaba unha terra por conquistar, mais nun punto do seu dial e nunha praia con augas ben fresquiñas, andaba a chapotear o Pequeno Monstro.
Tratábase de Radio Popular de Ferrol no 88,5 FM, quen cunha estupenda programación enlatada baixo o nome de "La Radio Feliz", abanderaba aquela praia (naquela paisaxe case deserta da FM local) que certamente valiálle a dirección daquela radio para encher "ocos". Mais for como for, naquelas augas descubrín a bañistas coma coma Manolo Gato. Entrementres, retumbaba polos inmensos altofalantes o máis raiboso son do momento: Rádio Oceano, Viuda Gomez e Hijos, Siniestro Total, Golpes Bajos, Metro, Parálisis Permanente, Los Desechables, Decibelios, Derribos Arias, Los Modelos, Sindicato Malone, La Mode... cantas cintas casete gravadas coas músicas daqueles programas e que logo levaba ... a praia!!!
A casualidade fixo que a desaparecida Radio Popular de Ferrol, 98.5 FM, me outorgara a primeira oportunidade coma locutor e programador musical a mediados dos oitenta. Ao través dun espazo semanal duns 30 minutos chamado Adictos al Imperdible xunto a Pedro Martín e Angel Ávalos (finados moi novos e aos que uniume unha fonda amizade), pinchábamos os discos de Kaka de Luxe e demáis herbas, ante a mirada atónica de José Maillo daquela director da mencionada emisora local, quen non tardou en cancelar tan inocente convite a pór aqueles discos tan "ocorrentes".
Estamos a falar de mediados dos oitenta, donde a FM na comarca era unha praia virxe e donde todo o mundo ouvía e participaba do hoxe memorábel programa nocturno Música y Estrellas da mencionada Radio Popular de Ferrol. Naquela paisaxe da FM local, poucas praias máis nas que navegar, agás unhas novisimas Radio Fene que comezaba as súas emisións no 1984 e Radio Galega (1985), a Cadena Ser (e os seus 40 Principales), Radio Nacional cos seus catro canles (si, a canle galega de Radio Nacional, Radio 4, da que hoxe se sigue reclamando a súa volta!) e unha añorada por altenativa e innovadora RCE, Radio Cadena Española, fulminada por decreto en cuxo dial instalaron Radio 5, que logo sería "todo noticias". Ademaís, unha artesanal Onda Obreira comezaba as súas emisións un primeiro de maio de 1985 dende os locais do sindicato CCOOna R/ do Sol de Ferrol. Luis Iñíguez (18 Rodas) ou Carlos Alberto Alonso (As Muxicas), tiveron os seus primeiros contactos co mundo da radio nesta emisora de curta pero intensa existenza.
Facemos un alto pra nos lembrar da desaparecida RCE, Cadena Española, e de programazos coma "Jazz´tamos aquí", "El cubo mágico" (de tres caras) ou o memorábel "Bumerang" de Agustín Galán. Algúns dos protagonistas da desaparecida RCE pasarían a formar parte de Radio 3 (Julio Ruiz, quen se trasladou directamente co seu "Disco Grande"). Doutros coma Agustín Galán nunca máis se soubo, cuestión que os Pequenos Monstros, consideramos coma esquecemento imperdoábel, por parte das sucesivas direccións que pasaron por Radio 3, lugar donde debeu seguir a súa actividade radial o Agustín Galán.
Canto que falar, cantas lembranzas!!!. A existenza do Pequeno Monstro marcada por acontecementos radiofónicos, sempre esculcando no dial, tentando sintonizar algo doutros planetas... outras praias!!!
Mais volvamos a Radio 3. Así, foi como aquel amiguiño meu encarriloume cara unha unha xoven Radio 3 que daquela, meiados dos oitenta, sintonizábase na comarca en són monofónico e cuxa programación deixoume certamente impactado. Se ben as primeiras emisións estatais de Radio 3datan de 1979, as súas orixes parten do chamado Tercer Programa de RNE, que dende o 1953 viña a emitir tan só para o dial madrileño con contidos educativos e culturais e logo ampliando a súa programación a temas musicais.
Programas musicais coma: Trébede, Esto es Jazz (Paco Montes), Disidentrés (José Miguel López), Dialogos 3 (Trecet), Cuando los elefantes sueñan con la música, El Diario Pop (cos seus tres locutores orixinais: o ferrolán Jesús Ordovás, Diego Manrique e Chema Rey, inda que ao pronto Tomás Fdez. Flores substituiría ao Manrique). De contidos desafiantes: Caravana de Hormigas (e dentro del Pensamiento 3 con Agustín Garcia Calvo), Tiempos Modernos con Manolo Ferreras, Perfil del Ruedo (Salvador Valdés e José M. López). Programas construidos con imaxinación a esgalla: Tris Tras Tres (Carlos Faraco), Rosa de Sanatorio (Jose Luis Moreno Ruiz), Chichirichachi (Juan e Sara), Un Mundo Feliz (Pedro Soler), Jack el Despertador (Juan Herrera) ...
Esa Radio 3 non é hoxe xa o que foi. Mais, si quero lembrar (e reivindicar!) a tod@s eses monstros da radio que tanto me influiron e formaron radiofónicamente: Carlos Faraco, Diego Manrique, Juan Francia, Pedro Soler, Federico Volpini, Manolo Ferreras, Jose Luis Moreno Ruiz, Juan Pablo Silvestre, Lara López, Ramón Trecet, Salvador Valdés, Ana Vega Toscano, Paco Montes ou mesmo o ferrolán Jesús Ordovás... a tod@s eles, grazas!!!!!
Non esquezo os informativos de Radio 3 que por libres foron eliminados da programación. Elaborados por Macu de la Cruz, Eduardo Moyano, Juan Izquierdo e dirixidos durante moito tempo polo ferrolán Jesús Vivanco (outro de Ferrol inventor da Radio 3!!) forman parte da historia máis audaz desta emisora. Con motivo do 30 aniversario de Radio 3 rescatou as voces de moitos dos protagonistas daqueles tempos e, claro, da equipa dos estupendos informativos (e añorados!) deRadio 3.
O audio que segue, seleccionado dentro da maratón das 30 horas de radio, analisa o traballo que se facía naqueles informativos, contextualizándoos co momento socio-político daquel Estado español dos primeiros oitenta e atiza sen clemencia o carácter sesgado dos actuais boletíns informativos dos mass media en xeral.
De quererdes máis, esta hora e as 29 restantes de programación especial polo 30 aniversario da terceira canle de RNE, poderédelas ouvir e descargar na web oficial deRadio 3, un documento imprescindíbel para entender aos monstros/locos da radio.
Dos festivais agachados de Portugal e que pretendemos pór a descuberta.
Disto vai esta entrada na que pretendo amplificar propostas festivaleiras para este vrao, avaladas coa nosa presenza en pasadas edicións, polo que garantimos 100% monstro-cualidade.
Mais, non vou falar aquí dos coñecidos, Paredes de Coura, Super Bock Super Rock (Porto/Lisboa) ... e doutros máis dos que conseguiredes a ben seguro toda a informazón que quixerdes nos medios oficiais, cartazes que ateigan muros na rúa ou mesmo sitios na rede coma neste enlace.
Vóuvos falar de dous festivais que dexexo compartillar con vós como algo especial e que desexo compartilledes a súa vez coa xente que queredes, de tu a tu... coma se for un agasallo, coma un segredo entre nós, entre monstros.
O primeiro deles é o Festival OLLIN KAN das culturas em resistência,que volta novamente a Portugal, à veciña Vila do Conde. Máis desta, adianta a súa edición aos días 16, 17 e 18 de xullo de 2009.
Así falan do OLLIN KAN @s seus organizadores, dentre delesZé Pedro, guitarrista dos Xutos e Pontapés e unha lenda da música moderna en Portugal.
O Festival Internacional das Culturas em Resistência Ollin Kan é uma aproximação a um outro olhar, aquele que resistiu e defendeu as suas heranças e alternativas culturais, sendo um dos festivais mais importantes do mundo.
O Festival Ollin Kan é assim um encontro vigoroso entre os povos que nos brindam com músicas e danças provenientes de todos os continentes.
Sonoridades provenientes do mundo/espaço árabe, flamenco, do fado, da música celta, do reggae, da rumba, da salsa, dos sons jarochos, do Caribe, da música mandinga, do samba, da bossa nova, do tango, da música dos Balcãs e todas as expressões de raiz na sua forma mais pura e nas suas múltiplas fusões com o mundo moderno.
Organizado pela Câmara Municipal de Vila do Conde e pela produtora independente Bartilotti Produções, o Festival Ollin Kan, abre a sua primeira sede alternativa em território europeu.
Foi o início da internacionalização de um festival que se tornou itinerante, levando consigo a mensagem do mundo alternativo a diversas cidades e países do Planeta; Mali, Colômbia, Portugal e México.
Os concertos realizam-se no Centro Histórico, no Cais da Alfândega, junto à Nau Quinhentista, com 2 palcos que funcionarão alternadamente das 21h30 às 02h00.
Pois nada máis, Pequenos monstros. Pra findar a primeira parte deste especial uns últimos apontamentos.
Este ano o Ollin Kan de Portugal, cumpre a súa segunda edición. Vai ser unha edición europeia moi especial, pois a edición de México, o Ollinkan Tlalpan 2009 (país donde nace o festival) foi suspendida e felizmente retomada en datas recentes, logo da emerxencia sanitaria por mor do virus da gripe A (H1N1). Por certo, festival este adicado ao innovador músico "mexiquense" Jorge Reyes falecido este ano.
Na vindeira entrada desvelaremos a segunda das recomendacións festivaleiras para todos vós, mais continuaremos o noso percorrido cara a uns 160 km ao sul de Lisboa... na fermosa vila de Sines. A bon seguro que os seguidores deste blog sabedes de que estou a falar.
De momento ide pensando o Ollin Kan 2009, da Vila do Conde e visitando este sitio http://www.ollinkanportugal.com/participantes.html, donde atoparedes todo o programa dun festival que por certo é de balde!!!
Ficades con este video da pasada edición no país veciño do Ollin Kan.
Tres encarapuchados irromperon o pasado 6 de xuño de 2009 en metade dun informativo en directo da cadea COPE, situada en pleno centro de Cidade Real, gritando consignas como liberdade para os presos, anarquía, etc.
Os feitos ocorreron no programa que emite a emisora local ás 19.15 horas, e que é retransmitido pola xornalista Elena Jiménez.
Ao parecer, foron tres activistas @s que entraron no estudo e fixéronno con máscaras para susto da xornalista, que tivo que interromper o programa, non sen antes, para sorpresa dos radio-ouvintes, escoitar todo tipo de berros, desde consignas micrófono en man dos anarquistas a chamadas de socorro da locutora da COPE.
Tras o ocorrido, o equipo da emisora chamou á Policía Nacional, que se acudiu de forma inmediata ao lugar extraendo unha copia legal da gravación do programa, para con posterioridade tomar declaración aos afectados por este suceso.
A locutora, Elena Jiménez comentou a este diario que nin sequera puido escoitar ben as consignas dos mozos, polo impacto que lle causou a entrada totalmente imprevista destes, que ao parecer accederon ao estudo despaciño e agachados para non ser vistos polos responsables de control de seguridade.
Todo quedou nun susto e non houbo que lamentar ningún outro tipo de dano, persoal nin material.
Cabe destacar que, segundo xornalistas da cadea COPE de Cidade Real que levan unha longa traxectoria nesta emisora, é a primeira vez que ocorre un feito destas características.
Denuncia do PP. Tras decatarse dos sucedido, o Partido Popular de Cidade Real mandou un comunicado para condenar estes feitos, que entenden como un ataque á liberdade de expresión, e un ataque dos que non cren no sistema democrático e atentan contra el, cualificando o acto coma «unha brutal agresión aos principios máis elementais da convivencia democrática».
Non é a única acción que tenta visualizar a situación do preso anarquista Amadeo Casellas. Así, o xoves 4 de xuño deste 2009 un grupo de persoas intentou ler un comunicado desde os micrófonos da SER en Granada. Ésto non foi posible posto que os traballadores o impediron, chegando a policía aos poucos minutos. A situación terminou con 15 persoas identificadas e un detido.
Rádio Filispim vén de despedir a súa cuarta tempada radiofónica no ár ferrolterráqueo.
O pasado 30 de maio de 2009, o Ateneo Ferrolán acolleu a VI Sesión Vermú da Radio Filispim, para celebrar o fin do curso radiofónico. Hoxe vos oferecemos as fotos que testemuñan que todo o prometido nas cuñas e cartazes que anunciaron o evento foi certo: tango en acustico e directo, riquísimos pinchos, vermú de vicio e filispin@s en escabeche.
A Rádio Filispim tómase un relativo descanso até outubro, mais durante este tempo o dial "filispiniano" continuara carregado de boa música, estupendos programas de produzón allea e valiosos contrainformativos. Para máis información sintoniza o teu dial no 93.9 FM.
Por outra banda, o Colectivo Opaíí! convoca unha asembleia xeral extraordinaria para este domingo 28 de xuño de 2009, no que van tratar diversos temas de vital importanza para a vida filispiniana neste planeta.
Máis nada. Polo de agora, deixámosvos coas fotos que @s filispin@s tiraron na VI Sesión Vermú despedida da grella 2008/2009 de Rádio Filispim!!!
En Uruguai, o Ministerio de Industria, Enerxía e Minaría vén de determinar que todas as radios Comunitarias que están a emitir no país (as non financiadas por organismos públicos ou empresas privadas) non cumpren cos requisitos para acceder a unha licenza de radiodifusión. Así, os equipos das 100 radios Comunitarias que emiten no Uruguai, van ser incautados. Ista medida baséase nunha lei imposta en 1977, durante a ditadura militar.
"Pechado por Alberto", este podería ser o cartaz que colga no estudio da Radio Galega, onde o Xurxo Souto e o Vituco Neira viñan de realizar o espazo radiofónico que máis apostou, divulgou e asentou a música de base galega nos últimos anos, Aberto por Reformas.
Ise lado miserábel do subsconsciente colectivo dunha boa parte do pobo galego, donde a propia lingua e o propio acento convértese nun problema (severo) vén de aparecerse descarado nunha toma de decisión que exemplariza o auto-odio que nos temos e o que nos agarda...
De vén atrás é coñecida a capacidade comunicadora do Xurxo, un estupendo laretas coñecido pola súa contribuzón a cultura contemporánea galega (propia) ao través dos seus relatos, historias, músicas e activismo radiofónico ("A Tropa da Traia", Radio Coruña).
O Colectivo Opaíí!! - Rádio FilispiM, tivo ocasión de comprobar como ise cascarilleireo de Monte Alto, embarcado dende había uns anos na radio pública da Galiza, tiña tempo para achegarse a Vila Podre (Ferrol) e contribuir a consolidación do proxecto da radio libre e comunitaria que emite dende estas terras, xunto ao resto da súa banda, Os Tres Trebóns e o Vendaval do Rosal. Foi un 13 de abril do ano 2006, no local social de San Carlos en Esteiro, no transcurso do III Conspirando por unha radio libre. Aínda nos acordamos os monstros.
Quero dicir, que Xurxo Souto estivo, estaba e estará sempre coa cultura de base galega (propia) e que a reacción que ten ocasionado o seu cese fulminante na Radio Galega e o silenciamento de todo ise traballo de consolidación antes comentado, semella o máis normal en todo este asunto ben cheo de absurdos.
Eu, agardaba que algo así acontecera pois forma parte da miseria dos medios controlados polos poderes públicos, mais no caso do Aberto por Reformas, ten sido certamente insultante que o programa continúe a emitirse co mesmo título e que o primeiro tema que teña soado na súa "nova andaina" sexa un de Bruce Springsteen... que queren que lles diga... que queres que che diga Xurxo... vente p'a FilispiM!!!
Pague a pena amplificar esta cuestión para fazérmonos a idea da miseria que nos agarda, cos Albertos e compaña. Así que ao pé vos van uns enlaces ben fermosos e algúns ben activos (cousa esta última importante) para que conspiredes, pequenos monstros.
En breves máis información pois semella que se está a argallar unha ben gorda, en apoio ao Xurxo e ao Vituco, cousa que é ben bonita e fermosa.
O venres, 5 de Xuño, aconteceu umha nova Manifestación-Roteiro contra o despropósito de permanencia dunha Planta de Gas no corazón da nosa Ría.
Perto de trescentas pessoas xuntaronse polo desmantelamento de REGANOSA, por ilegal e perigosa, por ameazar a nosa vida e seguridade, porque empobrece a nossa fermosa Ría, e porque foi construída utilizando a corrupción política, o engano e a manipulación, só por intereses espúreos, económicos e políticos, duns poucos ricos, poderosos e covizosos.
Com motivo deste acto reivindicativo,Rádio FilispiM, 93.9 FM organizou um programa especial que cubriu em directo a manifestaçom, com micrófono aberto para os ouvintes, que chamaron ao teléfono do estudo [675 431 341] desde as 20 h. para dar a súa opiniom.
Agora, em diferido podes ouvir o programa especial íntegro neste reprodutor: Descargar o arquivo
Nestoutro ouvirás a cunha que realizaron os da FilispiM: Descargar a cunha
No Estado español, o pasado domingo a Rede de Medios Comunitarios constituír legalmente para defender o dereito a crear medios comunitarios e reivindicar un espazo público de comunicación que garanta a existencia e o desenvolvemento do Terceiro Sector da Comunicación.
O proceso de constitución legal da ReMC, como se coñece á Rede de Medios Comunitarios polas súas siglas, comezou no ano 2005, cando diversos medios comunitarios reuníronse para analizar a realidade do seu traballo diario, identificar dinámicas comúns e retos. Ao longo destes anos no proceso participaron máis de cen proxectos e colectivos de comunicación social de todo o Estado español, entre radios e televisións comunitarias, proxectos de prensa escrita e Internet.
Rubén Bermejo, de ECO Leganés, emisora comunitaria de Leganés, que forma parte da RemC, entrevista a Mirian Meda, de Radio Ritmo, de Xetafe, elixida presidenta da Rede de Medios Comunitarios.
Mavi Muñoz é a nai de Carlos Palomino, o mozo antifascista de 16 anos que foi asasinado no metro de Madrid por Josué Estébanez, un militar profesional español afín ao grupo e partido político ultradereitista Democracia Nacional en novembro de 2007.
Carlos foi apuñalado mentres asistía cos seus compañeiros a protestar pola manifestación contra os inmigrantes convocada polo partido ultradereitista no barrio madrileño de Usera.
O que segue é o vídeo no que Carlos é asasinado.
A seguir, podes ouvir a entrevista a súa nai, quen continúa a loita contra o fascismo. Para iso creou xunto a outras moitas persoas a Asociación de Vítimas do Racismo, o Fascismo e a Xenofobia. O programa A Rexión Perdida, da emisora comunitaria Radio Vallekas, entrevista a Mavi Muñoz.
A Rede de Medios Comunitarios, REMC, do Estado español, culmina este fin de semana un proceso que durou varios anos para establecer un espazo de coordinación e traballo colectivo, que aínda que xa viña desenvolvendo, agora dá o paso de constituírse legalmente como unha unión de Asociacións con proxectos de comunicación social e comunitaria.
A Rede xa realizou catro encontros, en Madrid, Salamanca, Toledo e Bilbao, e este fin de semana vólvense a xuntar en Madrid para a aprobación de estatutos. A idea tamén é realizar, nos próximos meses, un encontro amplo en Barcelona, para continuar co proceso de adhesións e establecer as liñas de acción prioritarias.
Hai que recordar que a REMC critica duramente que no Estado español "non se reserven espazos no dial radiofónico" para radios alternativas nin haxa "fondos públicos para promover os medios de comunicación sen ánimo de lucro xestionados por cidadáns". Así mesmo, cre que "non se garante" que a cidadanía poida "crear medios en plataformas dixitais ou outros soportes".
Escoita a entrevista a Javier García, da Rede de Medios Comunitarios.
Divertimento para pequenos monstros despídese desta grella da Rádio FilispiM, coa prometida segunda parte do especial Pallasos en Rebeldía dende Palestina. Nesta edición ouviredes as crónicas (da número seis á nove) findando así a adaptación radiofónica que delas fixemos e que nos foi achegando Iván Prado dende o máis aló. No seu sitio http://www.pallasosenrebeldia.org/, elas comentan: "neste novo século... o pallaso ou clown segue a desempeñar un papel protector dos valores sociais máis humanos dentro das estructuras artísticas: a crítica social, o dereito ao riso dos máis desfavorecidos, a superación dos nosos complexos mediante a cura da gargallada son algunhas das aportacións imprescidibles que esta expresión teatral verte a diario en calquera recuncho do noso planeta." Certo é, pois este proxecto non deixa de sorprendernos coas súas viaxes aos lugares menos favorecidos do noso planeta (Chiapas, Oxaca e mesmo Palestina). Dende Divertimentoreivindicamos a conversion dos exércitos en clowns e as o seu armas en malabares e narices vermellas. Ficades co audio do programa. Lembrade que a primeira parte do especial Pallasos en Rebeldía dende Palestina (cinco primeiras crónicas), o podedes atopar procurando en anteriores entradas procurando nestes mesmo blog.
No programa de Rádio FilispiM, Divertimento para pequenos monstros estivo o pasado 30 de abril de 2009, Carlos Outeiro, integrante da Mesa pola Normalización Ligüística.
No audio que segue nos comenta os detalles da convocatoria de manifestación para o domingo 17 de maio de 2009 (día das Letras Galegas) en Compostela, na defensa da lingua propia da Galiza.
A esta convocatoria, apoiada por numeros colectivos e persoas, acudirán tambén o colectivo Galego Sempre Mais, quen sumará esforzos pola dignificación da lingua propia de Galiza, mais non apoia "nominalmente" a mesma, ao considerala organizada unilateralmente pola Mesa.
Agardamos vernos todas e todos aló, cada quen cos seus lemas mais co mesmo obxectivo.
Pallasos en Rebeldía é un espazo do teatro galego, vencellado ao Festiclown, que traballa na cooperación internacional a través do riso. Esta entidade, que se creou en Chiapas no ano 2004 durante unha visita ás fervenzas do río Bascán no contexto da II Caravana de Pallasos aos Municipios Autónomos de Chiapas, permite ás artes e ao teatro galegos expresar a súa rebeldía en unión directa con proxectos de fraternidade humanitaria. Así apresentanse na súa web, www.pallasosenrebeldia.org, este colectivo solidario galego que entre o 21 abril e 5 de maio deste ano 2009, levaron o espírito da risa e do clown a Palestina. Iván Prado e Isaac Rodríguez Miranda foron quen de fazer realidade esta nova viaxe de fraternidade humana a través do riso tamén cun outro obxectivo igualmente importante: dar apoio ao pobo palestino e denunciar, máis unha vez, a continua e reiterada opresión que sofre por parte de Israel. Xa no ano 2002 levouse ao cabo a primeira viaxe á Palestina. Na altura colaborando con Pallasos sin fronteras, o actor e clown galego achegou ao pobo palestino as ferramentas da risa para as e os palestinos poderen afrontar dun xeito diferente a realidade do día a día. Daquela a viaxe foi filmada e realizada posteriormente nun documental por Mikio Tsunekawa, titulado “Media Luna Roja, diario de guerra de un payaso”. Apoiando o traballo dos artistas galegos andan a Coperactiva Cultural desde Galiza e a Escola de Circo Palestino, os Comités de Traballo para a Saúde, Human Supporters e a Asociación Addameer. Dende Divertimento para pequens monstros [Rádio FilispiM], libre e comunitaria de Ferrol [GZ], a xeito de amplificación do traballo que están a fazer Pallasos en Rebeldía, realizamos este humilde traballo que tenta adaptar radiofónicamente as diversas crónicas que fomos recibindo da recente viaxe a Palestina do riso solidario. Nesta edición oferecémosvos a primeira parte do especial. En posterior entrada colgaremos a segunda metade, coa adaptación do resto das crónicas
Descargar o audio Nota:as músicas foron tiradas do portalwww.oicpalestina.org. Por orden de aparición, estes son os cretos musicais: 1ª HANI SHAKER - Intifadah Al Aqsa Palestine (primeira metade). 2ª HANI SHAKER - Intifadah Al Aqsa Palestine (segunda metade). 3º ASSALA - Al kubla al oola 4º MAJDA - Er-Roumi Palestine 5º AMAR MURKUS - Hkaye 6º MARCEL KHALIFE – Summer Nights Dream Salutation 7º HANI SHAKER - Infifadah Al Aqsa Palestine
Escolma de imaxes tiradas polos propios protagonistas.
Divertimento para pequenos monstros, na súa última edición vén de amplificar a proposta para o primeiro de maio deste 2009 que nos oferecen os libertarios na Galiza.
Todos eles hanse achegar a Ferrol pra se manifestar, partindo do Espazo Libertario xerado na Avenida de Esteiro.
Con esta manifestazón, xa son tres as convocadas polas diversas forzas sindicais na cidade departamental. Quen sabe, cecais o vindeiro primeiro de maio sexa o da "conxunción interestelar" definitiva. No estudio da Rádio Filispim, Xabier, militante cenetista, conta os detalles da convocatoria.
Ademáis, ao través do teléfono, Carlos Outeiro, integrante da Mesa pola Normalización Ligüística, comenta os detalles do manifesto e convocatoria de manifestación, para o vindeiro 16 de maio (día das Letras Galegas) en defensa da lingua propia da Galiza.
Algunhas notas sobre a nosa actualidade máis "rabiosa" e muita boa música completan o Divertimento do pasado 30 de abril de 2009.
A disfrutar do audio, e lembrade que sempre gostamos das vosas suxestións en radiomonstro (arroba) gmail.com ou mesmo neste blog. Saúde, monstros!!!!
Este é o completo programa da VII edición do Fervesteiro, por unha cultura libre, que nos achegan os compas do bairro de Esteiro de Ferrol para este mes de setembro de 2009. Clika na imaxe pra ter máis info!
