Divertimento - Esperanza Vázquez Dopico, fotógrafa - Loita praceir@s Pontedeume - Miguel Alonso - 13/11/2013

Miguel Alonso, cantautor

Edición do venres 15 de novembro de 2013 de DIVERTIMENTO para pequenos monstros (Rádio FilispiM, 93.9 FM), dúas horas carregadas de intencións...

• No estudio Esperanza Vázquez Dopico, capturadora de imaxes (http://esperanzavazquezdopicofotografia.blogspot.com.es/)

• Carmen, voceira dxs praceirxos de Pontedeume, falanos do conflicto co Concello gobernado polo dereitista Partido Popular (https://www.youtube.com/watch?v=fEREkJpJ7BM)

• Miguel Alonso cantautor ferrolterráqueo en Compostela, "O día despois da Noite dos Cans..." (https://www.facebook.com/events/213429122158976/?fref=ts)

Apresenta e conduce:  André, Pequeno Monstro.
Difunden: Rádio FilispiM para Ferrolterra, Cuac FM para A Corunha e Rádio Kalimera para Compostela.

Pallasos en Rebeldía dende Palestina (Crónicas de Iván Prado adaptadas para a radio).

Imaxe tirada de: https://www.facebook.com/Pallasosenrebedia

Entre o 21 de abril e o 5 de maio de 2009 recibimos en Radio FilispiM unhas emocionantes crónicas que ían relatando, pinga a pinga, a viaxe do colectivo Pallasos en Rebeldía pola Palestina.

Pallasos en Rebeldía é un espazo do teatro galego vencellado ao Festiclown, que traballa na cooperación internacional a través do riso e que daquela viñan de levar por segunda vez o espírito da risa e do clown a Palestina.

Iván Prado e Isaac Rodríguez Miranda foron quen de fazer realidade esta nova viaxe de fraternidade humana a través do riso tamén cun outro obxectivo igualmente importante: dar apoio ao pobo palestino e denunciar, máis unha vez, a continua e reiterada opresión que sofre por parte de Israel.

Pallasos en Rebeldía, creouse en Chiapas no ano 2004 durante unha visita ás fervenzas do río  Bascán no contexto da II Caravana de Pallasos aos Municipios Autónomos de Chiapas Tes máis  info en: www.pallasosenrebeldia.org.

Volvendo as emocionantes crónicas do colectivo Pallasos en Rebeldía dende Palestina e aquel ano 2009, os Pequenos Monstros sentimos a necesidade de fazer algo, e non soupemos máis que lle pór voz e adaptalas para a radio, compiladas en dous programas especiais gravados especialmente para Rádio FilispiM, a radio libre de Ferrol (GZ). Ademáis, editámolas en nove audios, correspondentes ás nove crónicas, para a súa escoita ou emisión por capítulos. Hoxe, volas ofrecemos nun só audio de algo máis 1h. 35 min., para que as escoitedes dun tirón...

O material que ides escoitar non ten ningún ánimo de lucro e está ao dispór de todas as radios asociativas, comunitarias, libres que o desexen difundir. Non é un material oficial do Colectivo Pallasos en Rebeldía, senón unha iniciativa persoal de André "Pequeno Monstro", integrante de Rádio Filispim, libre e comunitaria de Trasancos que emite dende Ferrol.

Ficades xa coas ADAPTACIÓNS RADIÓFONICA DAS CRÓNICAS PALLASOS EN REBELDÍA DENDE PALESTINA, CUXO AUTOR É IVÁN PRADO, non sen antes lembrar, que o colectivo galego Pallasos en Rebeldía segue a organizar actividades en apoio ao pobo palestiniano, quen continúa a ser machacado sen tregua, coa complicidade dos países máis poderosos do mundo e coa nosa... se ficamos en silencio.

DIVERTIMENTO - O caso do Casino Ferrolano - Entrevista a Roger de Flor apresenta novo disco... - 11/10/2013

Divertimento para pequenos monstros, edición do venres 11 de outono de 2013. Dúas horas de monstrosos contiúdos...

- Contacto telefónico con Ana Fernández de BBTTA-Narón quen nos fala da situación que se deu esta semana no Casino Ferrolano ao prohibir o Presidente de dita sociedade a unha socia, utilizar a sala coñecida coma "pecera" para a lactancia dunha crianza de tan só tres meses.

- Entrevista ao autor pop Roger de Flor (Rogelio Arias), quen apresenta o seu novo cedé realizado xunto a formación Os Silvestres, "Hai un Lugar no Norte". Máis dunha hora de música e de agradábel conversa co autor de Limodre (Fene).

Conduce: André "Pequeno Monstro".
Emisión: Rádio FilispiM (Ferrol), Rádio Kalimera (Compostela) e Cuac FM (Corunha).

+ info http://pequenosmonstros.blogspot.com 

DIVERTIMENTO - Especial lactancia: BBTTA - Desafiuzamento en Cabanas - 04/10/2013

Divertimento para pequenos monstros, emisión do venres 04/10/2013. Dúas horas de monstrosos contiúdos...

Especial Asociación BBTTA.
- Isaura González, matrona, falou dos inicios de BBTTA no 2005.
- María Barrio, falou do que a levou a BBTTA cando ainda estaba embarazada.
- Semana Mundial do Aleitamento Materno, actividades organizadas por BBTTA en Narón.
- BBTTA na procura dun cambio do paradigma na sociedade canto a crianza dos fillos e fillas.

...e ademáis, música en directo, no estudio, con Sabela González na guitarra e voz.

Nos últimos 30 minutos do programa escoitamos:
- Axenda de concertos.
- Chamada de urxencia de Stop Desafiuzamento convocando ante un desafiuzamento no veciño concello de Cabanas o luns 7 de outubro de 2013.

Conducen: Ana Lucecú e o Pequeno Monstro.
Conduce charla de lactancia: Ana Fernández, integrante de BBTTA.

Audio chamado de urxencia ante posíbel desafiuzamento este luns en Cabanas:

 

DIVERTIMENTO - Xornadas dos CUO (Comités Unidade Obreira) - Especial feminismo, Marcha Mundial das Mulleres - 27/09/2013

Divertimento para pequenos monstros do venres 27 de setembro de 2013. Dúas horas de monstrosos contiúdos...

• Contacto telefónico cos CUO Ferrol (Comités pola Unidade Obreira) para nos falar da charla que celebrarán o venres 27 de setembro na Galería Sargadelos de Ferrol, baixo o título "A experiencia dos CUO na loita do carbón asturiano. A unidade obreira, unha necesidade".

• Especial feminismo, coa presenza de integrantes da Marcha Mundial das Mulleres de Ferrolterra, falando da súa orixe, da súa tensa relación co Grupo de Goberno do dereitista PP en Ferrol, das Xornadas "Feminismo en Obras" do 5 de outubro en Narón (A Coruña) e da manifestación polo dereito ao aborto este sábado 28 de setembro de 2013 en Compostela. 

Conduciu o especial feminismo: Paula Meizoso.

Apresentaron e conduciron Divertimento: Ana Lucecú e André "Pequeño Monstro".
Emisión: Rádio FilispiM (Ferrol), Rádio Kalimera (Compostela) e Cuac FM de Corunha. Nota: enlace audio substituido polo correcto.

DIVERTIMENTO - Sergio Tannus & Pepe Cunha apresenta a versión radio Ábretedeorellas na FilispiM - 20/09/2013

O venres 20 de setembro de 2013, regresou DIVERTIMENTO para pequenos monstros á sintonía de RÁDIO FILISPIM, 93.9 FM, entre as 18:00 e 20:0 h.

Falamos con Sergio Tannus, músico brasileiro afincado na Galiza que vén de publicar un traballo acompañado por músicos coma Uxia, Narf, Antonio Zanbujo, Ceumar, Aline Frazao ou Xabier Díaz. Comandando a entrevista estivo Javier Enrique Malespina Moreno, un tipo realmente perigoso...

Despois conversamos con Pepe Cunha de Rottenville, quen nos falou da súa inminente reincorporación á Rádio Filispim-Colectivo Opaii!, coa versión radiofónica de Ábretedeorellas.

Para finalizar, Ana Santiago "Lucecú" nos trouxo as recomendacións canto a axenda de concertos e festivais desta fin de semana...

Non cho perdas, palabra de Pequeno Monstro e Ana Lucecú.

Radio Filispim 93.9FM (Ferrolterra) e para todo o mundo vía streaming no blog: http://opaii.blogspot.com.es/

Cunha promo Divertimento 2013/2014:

Comeza a nova grelha de Rádio FilispiM, 2013/2014

Evento do Facebook: http://www.facebook.com/events/629684190398372

O inicio das emisións da novena grella de Rádio FilispiM, 93.9 FM será o sábado 14 de setembro a partir das 12:00 h. na traseira do Mercado de Caranza, no trancurso da XIV Sesión Vermú. Contará coas voces protagonistas da nova grella 2013/2104, nun programa especial que se emitirá en directo, dende as 12:00 h. do mediodía. A festa da radio acompañarase de saborosos petiscos, cervexas, vermú, música en directo, así como dun sorteo de camisolas co logo da radio. Como xa é habitual, o principal instrumento do Colectivo Opaii!, Rádio FilispiM, oferece o seu estudio de radio aos diferentes colectivos e persoas da comarca, para participar da radio.

As persoas interesadas deben enviar as súas propostas radiofónicas ao enderezo filispina@gmail.com No apartado “Quen Somos?” do blog do Colectivo Opaíí!, se atopa toda a información relativa ao mesmo. Rádio FilispiM, é unha radio libre e comunitaria enmarcada no terceiro sector da comunicación, integrada na Rede Galega de Radios Libres e Comunitarias (ReGARLIC) e na Rede Estatal de Medios Comunitarios (ReMC),  que vén de cumprir oito anos de emisóns ininterrompidas. A paixón por unha radio non convencional, autoxestionada, creativa, comprometida e con vocación local, fixeron que no trancurso destes case nove anos, pasaran polo seu estudio (primeiro no Ateneo e agora en Caranza) centos de persoas radioapaixoadas, así coma dúcias de colectivos e do tecido asociativo da nosa comarca. Grazas pola difusión!.

DIVERTIMENTO - CUAC FM recurre concurso licenzas Xunta - Galiza Ano Cero TV - Axenda festivais vrao - 04/07/2013

Edición de DIVERTIMENTO para pequenos monstros do xoves 4 de xulho de 2013.

Coma sempre, dúas horas de monstrosos CONTIUDOS: 

• Conversa con Mariano Fernández Cabarcos (Cuac FM, comunitaria de A Corunha), quen nos conta a actualidade do recurso apresentado ao último concurso de licenzas de FM na Galiza.

• Conversa con Rocio Rizinha integrante do proxecto Galiza Ano Cero TV. 

• Campaña de Verdegaia contra o atropelo nas estradas da fauna salvaxe. 

• Axenda de festis de vrao no País galego. 

Apresentan: Ana Lucecú e Pequeno Monstro.

Emisión:  Rádio FilispiM, 93.9 FM (Ferrolterra). Cuac FM, 103,4 FM (A Coruña). Rádio Kalimera, 107.9 (Compostela).

DIVERTIMENTO - CUO, Comités pola Unidade Obreira (Galiza) - CARRERO BIANCO, "Horror, horror!" - 20/06/2013

DIVERTIMENTO para pequenos monstros, edición do xoves 20/06/2013.

Contidos:

• Conversa con Josechu integrante de C.U.O. Galiza (Comités pola Unidade Obreira), que nos explica quen son e o porque da súa organización.

• Entrevista especial con tres dos catro integrantes de CARRERO BIANCO (Toni, Quincho e Carlota), apresentando a súa nova demo, adianto do seu novo álbum: "Horror, horror!". Electro pop alienígena dende Ferrol.

• Axenda Divertimento.

Apresenta e conduce: Pequeno Monstro.

DIVERTIMENTO - Vivendas de Recimil - ContraMinACCIÓN! - Carga de Dignidade - 30/05/2013

Cartazes de Carga de Dignidade e da Rede ContraMinACCIÓN!.

Divertimento para pequenos monstros, edición do xoves 30 de maio de 2013.

Contiúdos:

• Persoas afectadas pola desidia do PP no Concello de Ferrol, demandan a adxudicación das vivendas do bairro de Recimil dunha vez.
• Rede ContraMinaACCIÓN!. Conversa con Nela Abella da asociación ecoloxista Verdegaia, ante a venda da nosa paisaxe a multinacionais estranxeiras.
• Carga de Dignidade, acción en Ferrol do Colectivo Radio Buguina xurdido da estela de Burla Negra, ante o desastre socio-laboral provocado polas políticas neoliberais do PP. Conversa con Pepe Barro.
• Axenda Divertimento.

Apresenta: Pequeno Monstro.

Emisión: Rádio FilispiM (Ferrol), Cuac FM (Coruña) e Rádio Kalimera (Compostela).

Programa completo:

Conversa con Nela Abella da Rede ContraMinaACCIÓN:


Conversa con Pepe Barro do Colectivo Radio Buguina:

DIVERTIMENTO - Lazos precisa axuda - Noelia Cotelo, privada de dignidade - IV Aniversario Casa Okupa Estación de Pontedeume - 16/05/2013

DIVERTIMENTO para pequenos monstros, edición do xoves 16/05/2013.

Dúas horas de raibosos contidos:

• O Comité Antisida LAZOS de Ferrol precisa axuda para seguir mantendo o servizo de almorzos para quen o requira, pola súa situación de desamparo.
• No estudio, integrantes da Casa da Estación de Pontedeume, comentan os actos do IV aniversario do CSO eumés. Ademáis falamos da coruñesa Noelia Cotelo, privada de liberdade e cuxa nai participará nun dos actos desta fin de semana.
• A iniciativa popular "Valentín Paz-Andrade"; ollando cara a lusofonía. 
• Axenda de concertos Divertimento.

Apresentan: Ana Lucecú e o Pequeno Monstro.

Emisión: Rádio FilispiM (Ferrol), Cuac FM (Coruña) e Rádio Kalimera (Compostela).

DIVERTIMENTO - Autoorganización social e anarquismo. XI Xornadas Libertarias. Ferrol - 02/05/2013

Programa especial de DIVERTIMENTO para pequenos monstros, no que reproducimos en diferirdo a charla titulada AUTO-ORGANIZACIÓN SOCIAL E ANARQUISMO, impartida por integrantes de UNIÓN LIBERTARIA de Ferrol o pasado xoves 2 de maio de 2013 no Espazo Libertario da Avda. de Esteiro (Ferrol), dentro das XI XORNADAS LIBERTARIAS.

Toma de son: Ana Lucecú & Pequeno Monstro.
Emisión: Rádio Kalimera (Compostela), Cuac FM (Coruña) e Rádio FilispiM (Ferrol), rádios libres e comunitarias de GZ.

DIVERTIMENTO - Especial CNT Ferrol - XI Xornadas Libertarias - 03/05/2013

Especial edición de Divertimento para pequenos monstros, cunha durazón máis breve do habitual, adicada na súa  integridade a actividade anarco-sindical da CNT na comarca de Ferrol.

Ademáis, falamos do 1º de MAIO e retomamos a última hora do caso "Cafetaría Warhol" e outros nos que a organización anarco-sindical está implicada na defensa dos dereitos dos traballadores.

Para finalizar, fixermos historia do movimento libertario nas últimas décadas na nosa comarca e rematamos falando das XI Xornadas Libertarias que se levan ao cabo estes días no Espazo Libertario no bairro de Esteiro.

Apresentan: Ana Lucecú e o Pequeno Monstro.

Emisión: Rádio Kalimera (Compostela), Cuac FM (Coruña) e Rádio Filispim (Ferrol).

DIVERTIMENTO - Colectivo Poesía Salvaxe, Rede Social de Ferrolterra, Zan Hoffman & Manchita Cosa - 12/04/2013

fai clic

Contidos:

• VI Semana da Poesía Salvaxe en Ferrol (24 ao 27 de abril, 2013). Posible contacto extraterrestre.

• Conversa con INACIO MARTÍNEZ, quen nos falará do movimento cidadá xurdido a partir do FORO SOCIAL DE FERROLTERRA (Encontro Social, Rede de Apoio Mútuo, Stop Desafiuzamentos, Cooperativa de Consumo Armeria...).

• Conversa con SUSO EIROÁ, do bar MANCHITA COSA de Ferrol, quen falará deste espazo de ocio na nosa comarca e da súa programación cultural, e da inminente actuación do músico ZAN HOFFMAN e o seu proxecto BODYCOCKTAIL, quen comeza a súa xira galega o mércores 17 de abril no Manchita 

• Axenda de Concertos.

Apresentan: Ana Lucecú e o Pequeno Monstro.

Emisión en: Rádio Filispim (Ferrol), Rádio Kalimera (Compostela) & Cuac FM (A Coruña).

DIVERTIMENTO - O Modelo Sindical a Debate (COG, CUO, CIG, CNT, El Militante) - 22/03/2013

Traballadores ante o mesmo precipicio...

Nesta edición de DIVERTIMENTO para pequenos monstros, oferecémosvos o audio íntegro de "O MODELO SINDICAL A DEBATE", acto organizado pola Fundaçom Artábria e o Colectivo Chimarrao o pasado 7 de marzo de 2013 na EOI de Ferrol, dentro das xornadas conmemorativas do 10 de marzo do 72. 

No debate participaron organizacións con implantación na nosa comarca: 

• Daniel Ferreiro (COG, Central Obreira Galega).
• Antonia Martínez (CIG).
• José Placer (CUO, Comités pola Unidade Obreira).
• Xabi Porto (CNT).
• Javier Losada (El Militante).

Os responsábeis comarcais das organizacións CCOO, UGT e USTG, pese ao convite, disculparon a súa ausencia no debate por motivos de axenda. 

Rexistro do audio: Divertimento para pequenos monstros, Rádio FilispiM.

Apresenta e conduce: Pequeno Monstro.

DIVERTIMENTO. 10 anos de Ábretedeorellas na rade - Pablo Portero, proxecto Zeca - Stop Desafiuzamentos Ferrolterra - 14/03/2013

Stop Desafiuzamentos

Edición de Divertimento para pequenos monstros do xoves 14 de marzo de 2013.

Contidos:

• No estudio Pepe Cunha, quen nos fala dos 10 anos do portal de información musical Ábretedeorellas.com (dende o m. 05). Ao final se produce un dó, PP Vs PP (xPP).

• No estudio Pablo Portero, quen nos fala da presentación o vindeiro xoves 21de marzo no Ateneo Ferrolán do documentario Proxecto Zeca, dentro das Xornadas de mostra de documentarios (dende o m. 30). Ademáis, lle tiramos da lingua...

• Helena Casal e Chus Lois da Plataforma STOP Desafiuzamentos Ferrolterra, comentan a campaña de información e apio á ILP (iniciativa lexisltiva popular) entre os Deputados do Parladoiro español (dende o m. 60). Ademáis, informan de como colaborar coas persoas que está a piques de ser desafiuzadas...

• Axenda Divertimento (dende o m. 90).

Apresentan e conducen: Ana Lucecú e o Pequeno Monstro.

Emisión en: Rádio FilispiM, 93.9 FM en Ferroterra. En Compostela, Rádio Kalimera, 107.9 FM

Video: campaña concienciación políticos insensíbeis do PP (e asimilados)...