DIVERTIMENTO - Semente de Trasancos, bota a andar + Charla "Jazz en Ferrol", organizada por ARTERIOLA - 18/09/2015

Un instante da charla "El Jazz en Ferrol"

Edición do venres 18 de setembro de 2015 de Divertimento para pequenos monstros, no noso regreso as ondas tralo vrao...

Neste programa:

• O proxecto educativo, Semente de Trasancos, para nen@s entre 2 e 6 anos, bota a andar na nosa comarca. Silvia Bogo, unha das súas impulsoras estivo no estudio...

• Dentro do "I Ciclo de Jazz", organizado pola asociación de hostelaría alternativa Arteriola, o pasado 11 de setembro tivo lugar no Guarisnais (R/ Taxonera) unha charla titulada "El Jazz en Ferrol", donde participaron, Antonio Peña, Baldo Martinez (ambos de Clunia Jazz) e Fernando Naveiras, quen fixo as veces de apresentador da charla... Divertimento estivo alí e rexistrou o son.

Apresenta e conduce: Pequeno Monstro.

Difunden: Rádio FilispiM (Ferrol) & Radio Kalimera (Compostela).

Nota: en breve ofereceremos enlace ao audio íntegro da charla "El jazz en Ferrol", de case dúas horas e media.

DIVERTIMENTO - Conversa con Fernando Fdez. Rego, autor do libro: "Andrés Do Barro, saudade..." - 10/07/2015

Fernando Fdez Rego e Andrea Lapique (foto: Pequeno Monstro)

Edición Especial (40 min. aprox.) do venres 10 de xullo de 2015 de "DIVERTIMENTO para pequenos monstros" en Rádio Filispim - Colectivo Opaii!,

• Conversa con Fernando Fernández Rego, autor do libro "ANDRES DO BARRO, SAUDADE. El músico que llevó el pop en gallego al número uno de ventas en España" (La Fonoteca, 2015), pouco antes da presentación do libro no bar Manchita Cosa de Ferrol. 

Apresentan e conducen: Ana Lucecú e o Pequeno Monstro.

Emisión en: Rádio FilispiM, 93.9 FM (Ferrol/Trasancos), Rádio Kalimera, 107.9 FM (Compostela) & vía streaming en: http://opaii.blogspot.com
Tlfno directo: 981.37.10.40

DIVERTIMENTO (extra) - Especial 10 anos de FilispiM, dentro da Maratón "A Filispina Tolea!" - 13/06/2015

Algunhas das persoas participantes no extra-Divertimento 

O pasado sábado 13 de xuño de 2015, Ana Lucecú e o Pequeno Monstro, a equipa habitual de Divertimento para pequenos monstros, participamos na maratón "A Filispina Tolea!", xunto a outros espazos, dentro do programa de actos do 10º aniversario das emisións de Rádio FilispiM.

Durante algo máis de hora e media, falamos con algunhas das persoas que foron testemuñas dos alicerces "filispinianos", aquelos primeiros tempos (setembro de 2003) onde, entre moita xente diversa, se lle deu forma a idea da primeira radio libre e comunitaria que emitiría dende Ferrol e Trasancos. Radio pertencente ao terceiro sector da comunicación, xestionada pola comunidade.

No estudio da Rádio FilispiM, estiveron, contando cada quen as súas lembranzas e valorando o estado actual do proxecto: Cholo Martínez, Paula Meizoso, Nes, Xabi, Iván, Suso Manchita, Narsés Mira, Ana Lucecú e o André "Pequeno Monstro". Coma convidado especial estivo Serxio dos Carrero Bianco, que tocaron aquela mesma noita no Pinsapo.

Longa vida a Rádio FilispiM!!

DIVERTIMENTO - Milómanos (Milo e Manu) + Campaña apoio programa "Planeta Furancho" (Vituco Neira) - 05/06/2015

Ana Lucecú, Manu e Milo & banner do programa Planeta Furancho

Edición do venres 5 de xuño na Rádio Filispim, 93.9 FM, de DIVERTIMENTO para pequenos monstros...

CONTIDOS:

• Na primeira hora do acudiron ao estudio da FilispiM, os integrantes da banda ferrolá MILÓMANOS, Milo e Manu, que co seu pop acústico e incisivo, conversaron e perpetraron pezas da súa primeira maqueta e algunha que outra sorpresa ao vivo... 

• Na segunda hora, especial PLANETA FURANCHO, con conexións con Leonardo Fernández Campos (LEO ARREMECÁGHONA) e Xose Anton BOCIXA (ZENZAR), que nos falaron da campaña en apoio a continuidade de emisións na radio publica galega (Radio Galega Música) de Planeta Furancho, programa que até o pasado venres 29 de maio conducía Vituco Neira. Sumarémonos a campaña difundindo este novo episodio de "auto-odio" (á cultura propia do país) nos medios públicos de Galicia. 

Apresentan e conducen: Ana Lucecú o Pequeno Monstro.
Difunden: Rádio Kalimera, 107.9 e Rádio FilispiM, 93.9 FM, radios libres (GZ).
Rádio FilispiM, 10 anos compartindo.

DIVERTIMENTO - Especial blog "Infoderadio" e "La Ciudad en B" (Radio Betanzos) - 22/05/2015

Banner do blog Infoderadio e parte da equipa de La Ciudad en B (Radio Betanzos)

Edición de DIVERTIMENTO para pequenos monstros, Radio Filispim 93.9FM, do venres 22 de maio de 2015.

Especial: "A radio local ferrolá mola mogollón (e a de Betanzos tamén)".

Contidos:

•  Conversa con Roi Carballido, mantedor do blog Info de Radio, e pequena analise da "marabillosa" radio local na nosa comarca.
•  Conversa cun dos integrantes do proxecto "La Cidad en B"; proposta cidadá de programa de radio que o Concello de Betanzos non está a apoiar, pese a ter coste cero e a que na actualidade a emisora, coma programación local, só emite os plenos do Concello.
•  Ao final do programa Ana Lucecú e o Pequeno Monstro fixemos o gamberr@.

Conducen e apresentan: Ana Lucecú e o Pequeno Monstro.
Difunden: Rádio FilispiM, 93.9 FM, libre de Ferrol e Rádio Kalimera, 107.9 FM, libre de Compostela.

DIVERTIMENTO - Especial "Ferrol Mola en Eleccións" - 08/05/2015

Instantanea do especial "Ferrol Mola en Eleccións".

Edición de DIVERTIMENTO para pequenos monstros do venres 8 de maio de 2015, na Rádio Filispim, 93.9 FM, libre e comunitaria dende Ferrol.

Especial, "FERROL MOLA EN ELECCIÓNS".

Coa presenza de:

• MELI CRIADO. Comandanta en Xefa do blog: http://labocadelaria.blogspot.com
• XABI PORTO. Comandante en Xefe de ningúen. Espazo Libertario (CNT-Unión Libertaria).
• PEDRO FERRÁNDEZ. Comandante en Xefe do seu pensamento. Ideologo e pensador no Diario de Ferrol, no seu tempo en Rádio FilispiM, con "Aquiloquevibra".
• ELENA. Comandante en Xefa da súa natureza. Integrante da Sociedade Galega de Historia Natural, cantante de samba, boas vibracións.

Neste program xuntamos a persoas para falar de política con maiúsculas, que é como fala a xente do pobo. Así, Meli contounos máis da Ria de Ferrol, do Porto e do seu blog (La Boca de La Ría) onde a Ría, coma ser vivo de natureza rebelde que é, toma a palabra. Elena, lembrou a Manolo de Vite, ser humano que soubo pasar polas persoas e terras que camiñou, integrante da Sociedade Galega de Historia Natural. Xabi, falou do 1º de Maio e Pedro pensou en Ferrol. Despois, entre tod@s falamos do inicio da campaña eleitoral en Ferrol... e así pasaron case dúas horas con xente que fala de corazón.

Apresentan e conducen: Ana Lucecú e Pequeno Monstro.

DIVERTIMENTO - Ateneo Ferrolán, rolda de prensa + Plataforma de Ferrolterra contra do TTIP - 17/04/2015

Un instante do programa especial contra do TTIP

Edición do venres 17 de abril, na Rádio Filispim, 93.9 FM, de DIVERTIMENTO para pequenos monstros.

• Na primeira hora falamos do ATENEO FERROLÁN, da solicitude de recoñecemento de responsabilidade patrimonial que veñen de presentar ao Concello de Ferrol. Escoitamos íntegra a rolda de prensa que o presidente do Ateneo, Eliseo Fernández, e o avogado da entidade, José Manuel Aneiros, deron o pasado mércores no edificio do Ateneo Ferrolan.

• Na segunda hora falamos do TTIP (Acordo Transatlántico de Libre Comercio), que negocian en secreto EE.UU., Canadá e a U.E. e que, de aplicarse, tería consecuencias directas sobre os nosos dereitos e liberdades individuais e colectivas (saúde, educación, en materia de lexislación laboral, medioambiental...). Para elo contamos no estudio con tres integrantes da Plataforma de Ferrolterra contra o TTIP, Rubén, Celso e Elvira. El@s, ademáis, anunciaron a convocatoria global para este sábado 18 de abril as 12:30 hrs., que en Ferrol terá lugar na  Praza do Concello.

Apresentan e conducen: Ana Lucecú e o Pequeno Monstro.
Difunden: Radio Filispim 93.9FM e A Kalimera Rádio Livre

DIVERTIMENTO - Ruben Artabe_proxecto Cataratas + Especial Post Conspiratorio - 10/04/2015

Carrero Bianco no VII Conspirando  (03/04/2015)

Edición do venres 10 de abril de 2015 de DIVERTIMENTO para pequenos monstros en Rádio Filispim, 93.9 FM.

Na primeira media hora visitounos RUBÉN ARTABE, quen dentro do seu proxecto "CATARATAS" vén de gravar unha nova peza musical, "A los ojos de los demás"; nola interpretou en directo, ademáis dunha outra peza en exclusiva mundial. Ademáis, acompañando no estudio a Rubén estivo Maca.

Nas páxinas centrais do programa tivemos un Especial POST-CONSPIRATORIO.
Un respaso ao acontecido no "VII CONSPIRANDO por unha radio libre" o pasado 2 de abril, cun adianto da gravación dos tres concertos na Super 8. Escoitamos parte das actuacións de Saravá Criôlo (Indio e Lidia), SkyHooks (no seu debut) e Carrero Bianco, todos ao vivo no Conspirando. Este audio cuxa duración total é de 3 horas poderá ser ovido íntegro en breve, sen interrupcións, no tempo de "Programas Especiais" da Rádio FilispiM.

No estudio Ana Lucecú, sobre quen pivotou a grande parte da organización do VII Conspirando, Fran Perez (Sonido Emergente) e o Pequeno Monstro, comentaron os recortes sonoros do Conspirando que fomos seleccionando.

Apresentaron e conduciron: Ana Lucecú e o Pequeno Monstro.

Difunden: Rádio FilispiM, 93.9 FM (Trasancos) e Rádio Kalimera, 107.9 FM (Compostela)

DIVERTIMENTO - Especial 10 anos de emisións da Rádio FilispiM, 93.9 FM, libre de Ferrol - 30/03/2015

Imaxe do "metro cadrado", primeiro estudo da Rádio FilispiM, no Ateneo Ferrolán.

Edición de DIVERTIMENTO para pequenos monstros do venres 27 de marzo de 2015, na Rádio Filispim, 93.9 FM, libre e comunitaria de Ferrol.
ESPECIAL 10 ANOS DA RÁDIO FILISPIM e 12 DO COLECTIVO OPAíí!!

Durante dúas horas lembramos os momentos máis sinalados do Colectivo Opaii!, dende os seus alicerces, en outuno de 2003, pasando polas primeiras festas e actividades para recadar fondos, o momento da activación da primeira radio libre da comarca en agosto de 2005, as seis anteriores edicións do festival "Conspirando por unha radio libre", até chegar ao ano 2015, no que Rádio FilispiM cumpre 10 anos de emisións e celebra a VII edición do CONSPIRANDO.

Durante o programa contamos coa colaboaración especial de Juanillo (Trash Rock) e na segunda hora cos testemuños do noso compañeiro Cholo. Comentamos anédotas e ouvimos documentos sonoros da radio.

Na última hora tivemos comunicación telefónica con algunhas das persoas, animais e cousas que darán vida VII CONSPIRANDO POR UNHA RADIO LIBRE.

• Pepe Cunha, do Colectivo Opaíí! 
• Quincho e Carlota, de Carrero Bianco. 
• Oscar Quant, integrante dos SkyHooks. 
• Cris Moreira, actriz presentadora do VII Conspirando. 

... a nosa compañeira Espe (Sons Revela2) tamén nos deu a última hora dende o estudio.

O VII Conspirando, fáise en celebración 10º aniversario da FilispiM, mais tamén para o autofinanciamento da radio, que como sabedes non pide subvencións nen emite publicidade na procura da máxima independencia. A festa celebrarase o xoves “santo” 2 de abril, a partir das 22:00 h. na sá Super 8 de Ferrol, coas actuacións de: Saravá Criolo (música brasileira), Carrero Bianco (synth pop) e Skyhooks (bastket roll). O festival será animado pola actriz, Cris Moreira. Todas as persoas, artistas e grupos participantes no VII Conspirando colaboran desinteresadamente co Colectivo Opaii!-Rádio FilispiM.

Apresentan: Ana Lucecú e Pequeño Monstro. Convidado especial: Juanilo “Trashrock”. Difunden: Rádio FilispiM, 93.9 FM (Trasancos) e Rádio Kalimera, 107.9 FM (Compostela).


Todos os Divertimentos en: http://pequenosmonstros.blogspot.com

Rádio FilispiM celebra 10 anos de emisións co VII CONSPIRANDO por unha radio libre.

       Audio promo do VII Conspirando  

O Colectivo Opaii! celebra os 10 anos das emisións da Rádio FilispiM, 93.9 FM, con diversos actos, dentre deles a reactivación dun clásico dos xoves "santos" ferrolterráqueos, o Conspirando por unha Rádio Libre, na súa VII edición. Apresentado e animado pola actriz Cristina Moreira, contará coas actuacións dos grupos da comarca: SARAVÁ CRIÔLO (Música brasileira), SkyHookS (Basket-Roll Band) e CARRERO BIANCO (Synth pop).

Durante os concertos haberá petiscos, sorteo de estupendas camisolas filispinianas e até un photocall...

Entrada: 5€ (para a autoxestión da radio). Apertura portas: 22:00 hrs. Sala Super 8 (R/ Real). Ferrol. Non o podes perder... Rádio FilispiM, 10 anos compartindo.

Evento no facebook: https://www.facebook.com/events/1559033914362272/

DIVERTIMENTO - Especial Marchas Dignidade 21M-2015

Alunhas das persoas participantes no especial Marchas Dignidade - 21M 

Edición do venres 20 de marzo de 2015 de DIVERTIMENTO para pequenos monstros,

Especial MARCHAS DA DIGNIDADE, 21-M. Horas antes de que as columnas de Ferrolterra partisen para sumarse ao resto de columnas galegas na mobilización do sábado 21 de marzo de 2015 en Madrid, conversaremos na Rádio Filispim, 93.9 FM, con algunha das persoas que integran as Marchas na nosa comarca.

Coma integrantes das Marchas da Dignidade de Ferrolterra, estiveron no estudo: Rubén Dopico, André Martínez, Maximino Pardo, Alberto Espiñeira, Inacio Martínez e Elvira Marta.

Apresentaron e conduciron: Ana Lucecú e Pequeno Monstro.
Produzón deste especial: André Martínez i equipa de Divertimento.

Divertimento - Especial "Igualdade e empoderamento. Accións e propostas". Tres proxectos feministas no pais galego - 18/03/2015

Un instante da presentación dos proxectos (foto: Lupe Ces)

Edición de DIVERTIMENTO para pequenos monstros, do venres 13 de marzo de 2015, na Rádio Filispim, 93.9 FM, libre de Ferrol.

Programa especial dende o Ateneo Ferrolan. Emisión en diferido do acto celebrado o 11 de marzo de 2015, baixo o título "Igualdade e Empoderamento. Accións e propostas". Unha interesante mesa redonda organizada polo Ateneo, onde se expuxeron tres proxectos feministas do noso país:

• Libraría de Mulleres Lila de Lilith, ao través de Llerena Perozo. 
• Revirada revista feminista, ao través de Giada Mª Barcellona. 
• As Fiadeiras, ao través de Noelia Darriba. 

A mesa estivo apresentada por Paula Meizoso.

Apresentación do programa, toma e edición de: Ana Lucecú e o Pequeno Monstro.
Emisión: Rádio FilispiM de Ferrol e Rádio Kalimera de Compostela.

DIVERTIMENTO - Especial RUBÉN ARTABE, proxecto "Cataratas" + presentación "Canciones de Pan" - 01/03/2015

Ana Lucecú & Rubén Artabe, en Divertimento (Rádio Filispim)

Venres 27 de febreiro entre as 18:00 e 20:00 h, aconteceu unha nova edición de DIVERTIMENTO PARA PEQUENOS MONSTROS, o programa máis surreal da Rádio Filispim, 93.9 FM.

Especial CATARATAS de Rubén Artabe.

• Na primeira hora do programa, entrevista ao autor ferrolán, quen nos apresentou o seu novo proxecto: Cataratas, coa interpretación dalgunha das novas pezas en directo no estudio. Conversamos longo e tendido ... do presente, pasado e futuro "rubeniano", do Woodstock galego que se celebra en Teo e da gravidade de Río Records no Inferno. Ademáis, Rubén, oubeou durante o programa varias veces e finalmente acordamos abrir un evento no face: unha quedada na traseira do Mercado de Caranza para chapotear nos charcos e enfangarnos completamente espid@s, apostado por un Woodstock caranzeiro.

• Na segunda hora, como a situación era realmente insostíbel, decidimos marcharnos na metade do programa, e deixar, ao que ficaba da audiencia, coa gravación íntegra en exclusiva mundial, do concerto que RUBÉN ARTABE, acompañado de Andrea Gómez Navarrete (acordeón e bombo legüero) e Soraya García (frauta e piano), deu no Ateneo Ferrolan o pasado 28 de xuño de 2014, apresentando o seu primeiro álbum, Canciones de Pan.

Conduciron e apresentaron completamente afectados: Ana Lucecú e o Pequeno Monstro.
Grazas a Rubén Artabe polo seu sentido do humor, neste programa certamente surrealista.
Emisión: Radio Filispim 93.9FM & Rádio Kalimera, 107.9FM

Divertimento - Pablo Portero & Kozmic Blues - Roger de Flor & William Blake - 13/02/2015

Pablo Portero, Kozmic Blues & Roger de Flor.

Divertimento para pequenos monstros. Edición do venres 13 de febreiro de 2015, na Rádio Filispim Colectivo Opaii!, 93.9 FM, o programa máis subterráneo da Rádio FilispiM, libre e comunitaria.

Neste programa:

• PABLO PORTERO apresenta AMAR1, a primeira das 17 pezas do seu novo proxecto audiovisual, AMAR. Ademáis falounos doutros doutras iniciativas, da súa relación co mundo da música e, especialmente, co dúo KOZMIC BLUES, que estiveron no estudio e nos interpretaron varias pezas en rigoroso directo. 
• ROGER DE FLOR apresenta o súa nova peza e videoclip, "Ferrol Vello". Ademáis falounos da súa recente viaxe pola Europa e interpretounos en exclusiva mundial, algunha das novas pezas que vén de compoñer inspiradas nos versos de William Blake. 
• AXENDA DIVERTIMENTO. O vagalume da noite ferrolá, Ana Lucecú, selecciona as citas que non debes perder nos vindeiros días. 

Apresentan e conducen: Ana Lucecú e o Pequeno Monstro.
Difunden: Rádio FilispiM, 93.9 FM (Terra de Trasancos) & Rádio Kalimera, 107.9 FM (Compostela)
e vía streaming para toda a galaxia en: http://opaii.blogspot.com

Este sábado 7 de febreiro ás 7 do serán no Ateneo, "FilispiM vai cumprir 10 anos".

Este sábado 7 de febreiro de 2015 a partir das 7 do serán, o Colectivo Opaii! volve ao Ateneo Ferrolán, cunha nova edición do ciclo "FilispiM vai ...", nesta ocasión adicado ao aniversario da principal actividade do Colectivo Opaii!, a Rádio FilispiM.

"FilispiM vai... cumprir 10 anos".

Durante a gravación do programa de radio lembraranse os alicerces do proxecto, falarase do presente e do futuro. Ademaís, haberá música ao vivo da man da banda ferrolá Weather Underground (pop/rock) e o dúo Indio & Lidia Pinheiro (sons brasileiros).

No transcorrer da festa de aniversario, apresentaranse as novas camisolas e chapas, conmemorativas do 10 aniversario, realizadas para a ocasión en unidades limitadas. A entrada é de balde.

Programa de actos conmemorativo do 10º aniversario das emisión da Rádio FilispiM, 93.9 FM.

Durante este 2015, levaranse a cabo outros actos conmemorativos, coma un Ciclo de Cinema adicado as radios libres e comunitarias; retomarase o festival Conspirando por Unha Radio Libre (en xoves "santo"), unha Exposición dos 10 anos da FilispiM e, mesmo, unhas Xornadas de Medios Libres. A práctica totalidade deste actos celebraranse no Ateneo Ferrolán, pola súa complicidade e vinculación fundacional co proxecto da activación da primeira radio libre e comunitaria (terceiro sector) da Terra de Trasancos.

Seguiremos informando... Ficades tod@s convidad@s.

(nota achegada polo Colectivo Opaii!!)

(Evento no facebook: https://www.facebook.com/events/367768726681325/?pnref=story)

Divertimento - Queremos Galego_Semente Trasancos_Lingua galega, a debate 3/01/2015

Carlos Outeiro, Mané "Sacha na Horta",  Rosa Grillé e Ana Fernández.

Venres 23 de xaneiro de 2015, dúas horas de DIVERTIMENTO PARA PEQUENOS MONSTROS (Rádio FilispiM, 93.9 FM). Menú especial: "LINGUA GALEGA".
Contidos:

• Proxecto escola ensino en galego, SEMENTE TRASANCOS. Festival "Músicas para a Semente". Domingo de 25 de xaneiro de 2015, Auditorio de Narón. No estudio, Rosa Grillé. Vía teléfono, Marcos Abalde. 
• Manifestación QUEREMOS GALEGO. Na defensa da lingua propia do país, domingo 8 de febreiro de 2015, Compostela. No estudio, Carlos Outeiro. 
• COLOQUIO-DEBATE sobre a situación da nosa lingua, coa presenza no estudio de: 

              - Carlos Outeiro (Queremos Galego).
              - Rosa Grillé (Semente Trasancos e mestra do CPI de Pazos).
              - Mané (da banda galega Sacha na Horta).
              - Ana Fernández (integrante da Fundaçom Artábria).

No transcorrer do coloquio-debate ouviimos voces rexistradas nunha enquisa a persoas universitárias de Ferrol, sobre o uso do galego.

Conducen: Ana Lucecú e Pequeno Monstro.
Producción: Ana Lucecú, Pequeno Monstro, Ana Fernández.
Emisión en Ferrolterra: Rádio FilispiM, 93.9 FM, libre e comunitária da Terra de Trasancos (Ferrol).
En Compostela: Rádio Kalimera, 107.9 FM, libre.

Divertimento para pequenos monstros. Especial fin de ano - 26/12/2014

Unha instánea do especial fin 2014

Edición especial fin de ano, 2014, de Divertimento para pequeno monstros.

Cadrando cos últimos días do ano 2014, contamos coa visita no estudio filispiniano de compañeir@s da Rádio FilispiM e do Colectivo Opaii!!. En conversa informal, pinchamos música, fixemos balanzo deste ano filispiniano que xa remata, adiantamos algúns dos actos que terán lugar no 2015, ano no que Rádio FilispiM, cumprirá 10 anos de emisións ininterrompidas. Como non podía ser menos, brindamos con cava polo novo ano e tomamos uns dóces.

No estudio estiveron: Fran (Sonido Emergente), Juanillo (Trash-Rock), Pepe Cunha (Ábretedeorellas), Javi Malespina (Sons Revela2), Espe Vázquez (Sons Revela2), Ana Lucecú (Divertimento), Pequeno Monstro (Divertimento). Por teléfono: Xurxo Gago (Entrelazados), Xosé Luis Díaz (Radio Kaos).

Agradecementos especiais a Pepe Cunha (Ábretedeorellas) pola exclusiva mundial dunha das pezas rexistradas durante o concerto que Germán Coppini (de cuxo pasamento cúmprese un ano) deu no Teatro Jofre de Ferrol, xunto a "Comando Delta", xurdido de O.M.E.GA (Orquestra de Música Espontánea de Galiza) o 18/04/2009, e que vén de ser editado esta semana en CD, baixo o título de Semper Audax.

A equipa de Divertimento para pequenos monstros, Ana Lucecú e o Pequeno Monstro, desexamos a todas as persoas ben nacidas, unhas boas festas e un próspero ano novo. Saúde, e a polo 2015, ano filispiniano!



Conduce e apresenta: Ana Lucecú e o Pequeno Monstro.
Difunden: Radio Filispim 93.9FM (Ferrol) e Rádio Kalimera, 107.9FM (Compostela).

Divertimento - Especial Ría de Ferrol, o espertar dos peixes - 28/11/2014

Joám Luis Ferreiro (imaxe: http://www.greenpeace.org)

Especial "Ría de Ferrol, o espertar dos peixes". Nova edición de DIVERTIMENTO para pequenos monstros. Case dúas horas de opinión libre e valente na radio libre de Ferrol, Rádio FilispiM, 93.9 FM.

Falouse, claramente, do estado de saúde da nosa Ría, dos recursos mariños, das Confrarías de Pescadores e as súas "autorizacións", da Consellaría de Pesca, dos Plans de Explotación, Asistencias Técnicas, Autoridade Portuaria, Forestal do Altlántico, Fábricas de Colas, Reganosa, Megasa, dos recheos e os cheiros (fedor), da formación náutico-pesqueira, do fenómeno crecente d@s traballadores irregulares da ría, dos misteriosos cursos de formación, do IGAPE, dos fondos FEDER (que tamén feden), de "Ferrol Container Terminal" e até dos muros físicos e sicolóxicos. Mais, tamén de futuro e esperanza, máis aló do "cenagoso" panorama actual.

Para todo isto, contamos no estudio con:

•   Xaime, mariño mercante.
•   Joám Luis Ferreiro (Cesio), Biólogo e integrante da SGHN (Sociedade Galega Historia Natural).
•   Meli Criado, nautico pesqueira e "rebelde con causa".

* Tiveramos gostado ter presenza d@s traballadores irregulares da Ría de Ferrol, cuxa intervención no programa tentamos ao longo da semana, mais ao través dun dos seus representantes, anunciaron que non poderían participar.

Cara ao final do programa, tivemos comunicación cunha parte da "Columna Ferrolterra", integrada na Plataforma Galega das Marchas da Dignidade, que logo de varios días de camiñada chegaron o 29-N a Compostela para participaren xunto a milleir@s de galeg@s  no "Toma o Obradoiro".

Apresentou e conduciu: Pequeno Monstro.



Grazas a Meli, Cesio e Xaime pola súas valiosas e valentes intervencións, nun tema tan "cenagoso" coma é o da Ría de Ferrol. Falar claro, sen cancelas, coa crítica e autocrítica precisa, é o primeiro paso para mudar a actual situación.

Divertimento - Especial Marchas da Dignidade, 29-N. Toma o Obradoiro - 14/11/2014

O venres 14 de novembro de 2014, DIVERTIMENTO para pequenos monstros, realizou un especial "MARCHAS DA DIGNIDADE, 29-N. Toma o Obradoiro", en Rádio Filispim Colectivo Opaii, 93.9 FM.

Durante noventa minutos, falamos do por que deste movimento cívico cidadá en todo o Estado, particularmente no país galego, na nosa comarca e, claro, da convocatoria do vindeiro sábado 29-N en Compostela.  

No estudio da FilispiM, estiveron:

• Daniel Melcón (coluna caranceria).
• Santiago Lamelo (Fronte Cívico, Coruña).
• Alberto Espiñeira (Marchas Dignidade Ferrolterra).
• Marta González (coluna caranceira).
• André Martínez (coluna caranceira).
• Carme Cela (coluna caranceira).

Conduce e apresenta: o Pequeno Monstro.
Difunden: Radio Filispim 93.9FM (Ferrol) e Rádio Kalimera, 107.9FM (Compostela).

+ info Marchas Diginidade 29N: https://www.facebook.com/groups/265451853621237/

Evento 29N, "Toma o Obradoiro": https://www.facebook.com/events/314442465400188/?fref=ts

Divertimento - Pablo Portero, mostra audiovisual - Especial "Crianza Natural"; alternativas ao ensino oficial - 31/10/2014

Parte das persoas participantes no especial "Crianza Natural."

Edición do venres 31/10/2014 de Divertimento para pequenos Monstros (Rádio FilispiM, 93.9 FM). Dúas horas de contiudos certamente monstrosos...

Neste programa:

• Conversamos con PABLO PORTERO, quen proxectou unha mostra dos seus TRABALLOS AUDIOVISUAIS na noite de defuntos de 2014, en "El Cafeito de Gloria", R/Sol, 199 e nos falou dos seus proxectos máis inmediatos...

• ESPECIAL "CRIANZA NATURAL (alternativas ao sistema educativo ofical das crianzas). Cris, Marta e Ana Rosa (nais de nen@s non escolarizdxs) e Ana (nai dun neno escolarizado a distancia), contáronnos as súas experiencias canto esta forma de xestión da educación d@s seus fill@s fóra das áulas, do sistema. Pola súa banda, Carlos de Franciso (sicólogo) e Gloria (mestre de primaria nun centro público) analisaron a cuestión desde un ponto de vista profesional entrando en conversa coas nais.

Apresenta: o Pequeno Monstro. Este programa non tiver sido posíbel sen a colaboración e o traballo de produzón previo de Ana Fernández.
Difunden: Rádio Radio Filispim 93.9FM e A Kalimera Rádio Livre

Divertimento - Especial XI aniversario do Manchita Cosa, Ferrol - 10/10/2014

Edición do 10 de outubro, entre as 6 e 8 do serán, Divertimento para pequenos monstros, na Rádio Filispim Colectivo Opaii, 93.9 FM e vía streaming en http://opaii.blogspot.com. Desta vez, unha hora de anti-radio.

Contidos:

• No estudio Suso Eiroá, elemento maior do Manchita Cosa, que este sábado 11 de outubro, celebra o seu XI aniversario coa actuación estelar de Joe Crepúsculo. 
• Conexión con Ana Lucecú, o vagalume da noite ferrolá, quen nos comenta a Axenda Divertimento e un particular ranking de hixiene dos baños públicos nos locais da noite ferrolá. 
• Despedida e feche do estudio. 

Apresentan: Ana Lucecú e o Pequeno Monstro.
Transmiten: Rádio FilispiM, 93.9 FM (Ferrol) e Rádio Kalimera, 107.9 (Compostela).

Divertimento - Especial radio-sicografía d@s ferroláns, debate - 03/10/2014

Este programa, basicamente, é un aparato de gostosa tortura..

Venres 3 de outubro de 2014, na Rádio Filispim Colectivo Opaii, 93.9 FM, dúas horas de radio, dúas horas de DIVERTIMENTO para pequenos monstros.
Contidos:

• Presentación e Axenda Divertimento. 
• Especial "Radio-psicografía d@s ferrolás".

 No estudio:

•  Ana Fernández. Vasca, residente en Ferrol. No pasado residíu en Lugo, Coruña e Vigo.
•  Miguel Castro. Ferrolán, vive en Ferrol. No pasado viviu en Lugo e A Coruña.
•  Carmen Loureiro. Ferrolá, vive en Ferrol. No pasado residiu nas Illes Balears, Muxia e Irixoa.
•  Macarena Soto. Chilena, residente en Ferrol, no pasado viviu en Compostela.
•  Tania Vila. Luguesa, reside en Ferrol.
•  Ánxela Martínez. Mugardesa, vive en Ferrol. No pasado residiu en Pontevedra, Compostela, Lugo, Arzúa, Miño, Baiona, Mondoñedo...
• Antía Cortíças. Ferrolá, de procedencia extraterrestre. Reside en Ferrol.
• Carlos de Francisco, psicólogo.

Conducen: Pequeno Monstro e Ana Lucecú. 

                              Nota: este especial foi producido coa colaboración de tod@s as persoas interviñentes.

Divertimento -Especial "A Movida Ferrolá" & Feminismo en Trasancos - 26/09/2014

Movida Ferrolá, Sala Super 8

Venres 26 de setembro de 2014, entre as 6 e 8 do serán... DIVERTIMENTO para pequenos monstros, na Radio Filispim 93.9FM, dúas horas de radio.

• 1º hora. Enchimos o estudio de MOVIDA FERROLÁ... Propietarios dalgúns locais da noite ferrolá aterraron en Divertimento. Falaron dos seus locais, da noite, da movida ferrolá... No estudio contamos coa presenza de humanos procedentes de PUB INDIE, SALA SUPER 8, PUB CARTELES...

• 2ª hora. Enchimos o estudio de FEMINISMO. O domingo 28 de setembro, as 12:00 do mediodía as mulleres galegas volven á rúa contra a reforma da lei do aborto, baixo o lema: “Tomamos as prazas. Polos nosos dereitos sexuais e reprodutivos”. Pese retirada do Decreto e dimisión de "Fachardón", as feministas non baixamos a garda. Os actos están convocados pola PLATAFORMA GALEGA POLO DEREITO AO ABORTO*.  En Ferrol o domingo 28 un pasarrúas partirá ás 12h. do Cantón e rematará na Praza do Inferniño ás 13h.

 (* ) Pese a estaren convidadas, finalmente non tivemos presenza, nen comunicación telefónica coa Plataforma Galega polo Dereito ao Aborto, como tiveramos gostado, dende Divertimento e a radio libre de Trasancos, para darlle voz directamente.

• Cara a última media hora do programa demos conta da Axenda de concertos que, como sempre, prepara Ana Lucecú, o vagalume da noite ferrolá.

Apresentan e conducen: Ana Lucecú e o Pequeno Monstro.
Difunde: Rádio Filispim Colectivo Opaii, 93.9 FM

Divertimento - Esperanza Vázquez, amante da fotografía & Salvemos o Ateneo Ferroán - 19/09/2014

Instantanea en apoio ao Ateneo Ferrolán (16/09/2014)

Divertimento para pequenos monstros, a Rádio Filispim Colectivo Opaii, 93.9 FM. Edición do 19 de setembro de 2014. Regreso as ondas na nova grella da Filispim. Dúas horas monstrosas de radio...

Na primeira hora do programa falamos con Esperanza Vázquez Dopico (http://esperanzavazquezdopicofotografia.blogspot.com.es/) e da mirada da súa cámara e de olas, moitas olas...

Cara o meridiano, nova cita coa Axenda cultural que, unha vez máis, elabora Ana Lucecú, o vagalume da noite ferrolá.

Para findar, demos conta da concentración do pasado martes 16 en apoio ao Ateneo Ferrolan, dentro da campaña Salvemos o Ateneo. Ouvimos algunhas das centos de voces que alí estiveron, sumándose ao berro contra do culturicidio do actual goberno do PP en Ferrol. Ademáis, falamos en directo con Eliseo Fernandez, presidente do Ateneo, quen nos deu conta das últimas novidades tralo xuizo do mércores 17.

Para escoitarnos?: Radio Filispim 93.9FM. Directos, venres, sextas, de 6 a 8 do serán. 
Conducen: Ana Lucecú e o Pequeno Monstro, seres radiosupervivintes.
— en Radio Filispim 93.9 Fm.

DIVERTIMENTO - Repensar a Anarquía, Carlos Taibo. Charla no Ateneo Ferrolán, 18/06/2014

O pasado mércores 18 de xuño de 2014 tivo lugar no Ateneo Ferrolán unha estupenda charla do profesor Carlos Taibo. Baixo o título "Repensar a Anarquía", coincidindo co título do seu último libro, protagonizou este acto organizado por Unión Libertaria de Ferrol.

A equipa de Divertimento para pequenos monstros (Rádio FilispiM) realizou a toma de son deste documento que agora vos oferecemos en diferido. A disfrutar...

DIVERTIMENTO - Rubén Artabe (Canciones de Pan) - Ayla & Falso Baiano - Hortas urbás, Caranza - Crónicas Republicanas, radio teatro (Miguel Castro)... 16/05/2014

 Rubén Artabe (Canciones de Pan, 2014)

Edición do venres 16 de maio de 2014, duas horas de DIVERTIMENTO para pequenos monstros.

Contídos:

•  RUBÉN ARTABE apresentando o seu primeiro álbum. Ademáis, cantou algún tema en directo.  Descarga aquí o seu estupendo "Canciones de Pan" (2014).
•  AYLA & FALSO BAIANO apresentando a súa música e anunciando o seu concerto este  sábado 17 de Maio no Ateneo Ferrolán, ás 22:00 h. Ademáis cantaron e tocaron en directo.
•  No estudio, conversa con integrantes das HORTAS URBANAS de CARANZA.
•  No estudio MIGUEL CASTRO, apresentado "Crónicas Republicanas", radio teatro.
•  Sesión musical Letras Galegas,  "Alén do Folque" con Pepé L. Díaz, DJ "LAJOEIRO"

Apresentan: Ana Lucecú e o Pequeno Monstro.
Emisión: Rádio FilispiM, 93.9 FM & Rádio Kalimera (radios libres na Galiza)

Un prazer compartir este formato con vós durante nove anos. Grazas a todos e até sempre!!! Volveremos a vindeira grelha reinventad@s!!!

DIVERTIMENTO - El Viejo Caracol apresentan Tanta Memez - Salvemos o Ateneo Ferrolán, campaña de apoio - 09/05/2014

Divertimento para pequenos monstros, edición do venres, 9 de maio de 2014. Dúas horas de monstrosos contidos...

Con este programa iniciamos a conta atrás para desintegrarnos no dial e volver a aparecernos en forma de monstro-crisálida cara o mes de setembro.

Contidos:

• Conversa con parte dos iintegrantes da formación ferrolá El Viejo Caracol que nos apresentaron o seu terceiro álbum, "Tanta Memez" (2014). No estudio: Erico Pose, Miguel Pita e Óscar Fojo.
• Axenda Divertimento.
• Conversa con Manuel Rey, integrante da nova directiva do Ateneo Ferrolán, quen fala da campaña de apoio a senlleira entidade ferrolá (http://salvemosoateneo.blogspot.com.es).

Conducen: Ana Lucecú e o Pequeno Monstro.
Difunden: Rádio FilispiM, 93.9 FM (Trasancos) & Rádio Kalimera (Composteland).

* pulsa a frecha do reproductor para seleccionar o programa completo (1) ou o corte da conversa con Manuel Rey do Ateneo Ferrolán (2).

DIVERTIMENTO - Especial "Discriminaçom sexual por grémios e sexualizaçom do traballo" (Colectivo Chimarrao) - 14/03/2014

Un instante da palestra...

Especial edición de Divertimento para pequenos monstros, onde escoitamos íntegra a palestra que baixo o título "Discrimaçom sexual por grémios e sexualizaçom do trabalho", levouse a cabo o pasado 14 de marzo de 2014 na Galería Sargadelos de Ferrol, dentro do programa das II Jornadas do Colectivo Chimarrao, "1972-2014, Reencaminhando as Luitas Obreiras".

A charla contou coa participación de Lupe Ces e Lola Ferreiro e coas voces do auditorio que se sumaron a tertulia final.

Para introducir a charla, rescatamos un audio da edición de Divertimento para pequenos monstros do pasado 7 de marzo de 2014, donde integrantes do Colectivo Chimarrao informaron e analisaron en Rádio FilispiM, o contiudo desta e doutras palestras das II Xornadas sobre o 10 de marzo.

Apresenta e conduce: Pequeno Monstro.
Difunden: Rádio FilispiM (Ferrolterra), Rádio Kalimera (Compostela) e Cuac FM (Coruña).
Fonte sonora: Paki (Colectivo Chimarrao).
Imaxe: Colectivo Chimarrao.

Rádio FilispiM nominada aos premios Luceira de Comunicación Social.

O Colectivo Opaii!-Rádio FilispiM vén de ser nominado aos Premios Luceira de Comunicación Social de Galicia.

Convocados por a Coordinadora Galega de ONG para o Desenvolvemento xunto coa Rede Galega contra a Pobreza (EAPN-Galicia), o Comité de Entidades Representantes de Persoas con Discapacidade de Galicia (CERMi Galicia), a Asociación Galega de Reporteiros Solidarios (AGARESO) e Asemblea de Cooperación pola Paz(ACPP), coma entidades do Terceiro Sector que apostan por iniciativas de comunicación con vocación social.

"O obxectivo dos Premios Luceira é visibilizar e poñer en valor propostas de comunicación en Galicia que están a dar cobertura ás temáticas do eido social baixo un enfoque de calidade, análise, reflexión e participación da sociedade. Ademais, con este premio pretendemos motivar aos distintos medios de comunicación galegos a reflexionar sobre o tratamento informativo que están a dar actualmente sobre as temáticas sociais, aquelas que afectan directamente ás vidas das persoas."

Como votar pola candidatura de Rádio FilispiM?. Até o 30 de abril podes votar ao través deste enlace: https://docs.google.com/forms/d/1QuGvMx9tvQj78420_sUDCkekoWWQjZDOtcRpD-8gBTc/viewform

+ info da convocatoria: http://galiciasolidaria.org/contenido.php?idget=noticias&id=not20140404103010

Difunde esta nova!!

Obrigad@s e saúde!

Divertimento - Especial post 22M, contado dende aquí - 22M-2014

Madrid. Marchas da Dignidade 22M, 2014

Especial edición de Divertimento para pequenos monstros, donde persoas e Colectivos da Comarca de Ferrolterra e de Compostela, que participaron activamente nas Marchas da Dignidade en Madrid, 22M, cóntannos as súas impresións sobre o humano das mobilizacións, máis tamén do "divino"...

O programa contou coma convidados a Inacio e Daniel da Asemblea Aberta das Marchas da Dignidade de Ferrolterra e da Columna caranzeira, así como a Lorena e Fran da CNT de Compostela. Como copresentador especial do programa estivo Miguel Castro. No transcorrer do programa interviron Celso e Jorge (Stop Desafiuzamentos de Ferrolterra) que se achegaron ao estudio para dar a súa opinión.

Ademáis, escoitamos música de Hechos Contra el Decoro, Todos tus Muertos, Aztlan Underground ou Nación Reixa ... A disfurtar.

Conduce: Pequeno Monstro.
Difunden: Rádio FilispiM, Rádio Kalimera e Cuac FM.
Todos os programas en: http://pequenosmonstros.blogspot.com

Programación Especial, Marchas da Dignidade do 22M, en Rádio FilispiM

En Rádio FilispiM, 93.9 FM, o antes, durante e o despois das MARCHAS DA DIGNIDADE en Madrid. Programación especial.

Venres 21M

Entre as 22:30 até as 24:30 h: programación especial da Red Más Voces.

As horas previas ao 22-M contadas en "La Noche de La Dignidad".

Ségueo en:
Rádio FilispiM, 93.9 FM (Ferrolterra).
http://opaii.blogsptot.com
http://www.radiovallekas.org/emision.m3u
http://tesla.todoexitos.com:6000

Sábado 22M

Entre as 12:30 e até as 14:00 h: especial Informativos Locais de Rádio FilispiM.
Dende o estudio, en Caranza-Ferrol, conexións coas columnas de Ferrolterra que participan en Madrid nas Marchas da Dignidade. O que acontece en Madrid contado polas voces de Ferrolterra.

Entre as 15:00 até as 23:00 h: especial de Ágora Sol Radio.

A radio guerrilla dende as rúas de Madrid, contando o que pasa con dignidade.

Ségueo en:
Rádio FilispiM, 93.9 FM (Ferrolterra).
http://opaii.blogsptot.com
http://tunein.com/radio/Agora-Sol-Radio-s162145/
http://archive.org/download/agorasolradio.m3u/agorasolradio.m3u
http://tesla.todoexitos.com:9370

As radios libres teñen principios e dignidade!!!. SINTONIZA!!! e PARTICIPA!!. DIFUNDE!!.

+ info en:
http://opaii.blogspot.com
http://www.masvoces.org/Dias-21-y-22-de-Marzo-cobertura-de
http://agorasolradio.blogspot.com.es/

Divertimento - Especial II Jornadas 10 Março ´72 do Colectivo Chimarrao & conversa con Machina - 08/03/2014

Nova edición de Divertimento para pequenos monstros, en pleno Entroido, donde Ana Lucecú veu do revés o Pequeno Monstro locutou facendo o pino e os nosos convidados se intercambiaron a roupa. Ademáis, os nosos ouvintes permaneceron espidos durante todo o programa... Quen da máis?

Contiúdos:

• Axenda Divertimento.

• Especial 10 de Março. No estudio integrantes do Coletivo Chimarrao, que falaron das II Jornadas conmemorando o 10 de Março do 72, que principiarán o martes 11 deste mes. Ademáis, falamos con integrantes de MACHINA, que fecharán as Xornadas o sábado 15 xunto a banda local XAVONAROLA nun concerto no Chimarrao, Berton-Ferrol (+ info: https://www.facebook.com/events/357305967741117/).

• Destruimos aínda máis Ferrol Vello.

Apresentan: Ana Lucecú e o Pequeno Monstro. 
Emiten: Rádio Filispim Colectivo Opaii, Cuac FM e Rádio A Kalimera Rádio Livre

Divertimento. Marchas da Dignidade - Represión sindical - Alianza Social Galega - Voluntariado UDC (Campus Esteiro-Ferrol) - Marzo 2014

Nova edición de Divertimento para Pequenos Monstros. Dúas horas de contidos interestelares.

• Pan, teito e dignidade. Quentando motores para as Marchas da Dignidade que confluirán en Madrid o vindeiro 22 de marzo de 2014. Comunicado final da manifestación do pasado mércores 26 de febreiro en Ferrol. 

• Para variar, escoitamos a versión dos sindicalistas detidos pola policía en Ferrol, por defender a Sanidade Pública. 

• Manifestacións da Alianza Social Galega no país, tamén en Ferrol. Aconteceu o pasado xoves 17 de febreiro. Escoitamos o comunicado final. 

• Especial Voluntariado da UDC-Campus Esteiro. Conversamos con Vanessa Míguez (Técnica da Oficina de Cooperación e Voluntariado da Univ. da Coruña - Campus Ferrol), Aroa Fandiño (coordenadora), Daniel Pena e Lorena López. Durante case unha hora pronfundamos verbo do programa de voluntariado no que traballan, a educación para o desenvolvemento. 

Programa completo:

Apresenta e conduce: Pequeno Monstro.
Difunden: Rádio Filispim (Ferrol), Rádio Kalimera (Compostela) e Cuac FM (A Coruña).

DIVERTIMENTO - Marchas da Dignidade - XII Xornadas Libertarias, Ferrol - Sala Yago, reokupada - 14/02/2014

Edición do venres 14 de febreiro de 2014 de DIVERTIMENTO para pequenos monstros.

Contiudos:

• MARCHAS DA DIGNIDADE. No estudio persoas veciñas de Caranza que convocan unha Asemblea aberta o vindeiro luns co obxecto de crear unha "columna" que acuda as Marchas da Dignidade do 22 de marzo en Madrid. 

• XII XORNADAS LIBERTARIAS da Unión Libertaria de Ferrol. No estudio integrantes de U.L. que falarán destas xornadas que se celebran dende o martes 18 até o sábado 22 de febreiro no Espazo Libertario, na Avda. de Esteiro, 10 - baixo. 

• A SALA YAGO DE COMPOSTELA RE-OKUPADA. Falamos cun integrante da Asemblea deste espazo que foi este xoves recuperado para o uso e disfrute cidadanía compostelá e que xa ten axenda de actividades para os vindeiros días. 

• Axenda Divertimento.

Apresentan: Ana Lucecú e o Pequeno Monstro.
Difunden: Radio Filispim 93.9FM, A Kalimera Rádio Livre e Cuac FM
Sintoniza o teu dial!!

DIVERTIMENTO - Colectivo Ceivar, Asociación Que Voltem para a Casa & nova Asemblea de Radios Libres no Estado español - 18/01/2014

Divertimento para pequenos monstros, edición do venres 17 de xaneiro de 2014, dúas horas de monstrosos contiudos...

• No estudo dous integrantes do organismo popular anti-represivo CEIVAR, que nos falan da situación de acoso a que se ven sometidos @s independentistas no noso país e do espallamento anti-constuticional das persoas presas políticas galegas ao longo do Estado.

• Ademáis falamos da Asociación Que Voltem para a Casa, formada por familiares, amigos e amigas dos pres@s políticos galegos, verbo da VIII Marcha ás Cadeias que baixo o lema "Até que nom voltem eles iremos nós",  partiu o sábado 18 de xaneiro de diversos pontos do país até as cárceres espalladas por todo o Estado.

• Por último, falamos con J.M. Marshall, un dos integrantes de Rádio Topo, lexendaria radio libre de Zaragoza que forma parte, xunto a unha dúcia de emisoras, dunha nova Asemblea de Radios Libres no Estado español que na súa constitución, o pasado mes de novembro en Zaragoza, retomaron os principios do Manifesto de Villaverde, asumido polas radios libres en 1983: "carácter non profesional, autoxestión, servizo á comunidade, contra o monopolio e centralización da información, difundir a realidade, enfrontamento radical contra todo tipo de relación social de dominación e aposta por unha forma de vida alternativa á actual..." (texto completo no enlace).

Apresenta e conduce: Pequeno Monstro.
Emiten: Rádio FilispiM (Ferrol), Rádio Kalimera (Compostela) e Cuac FM (Coruña).