Manifestación en Compostela no día das Letras Galegas: para nós dúcias de verbas, para vós toneladas de merda.

O pasado luns 17 de maio de 2010, estivemos en Compostela sumándonos ao clamor popular contra o decreto "popular".

Así, centos de milleiros de persoas vindas de todos os recunchos da Galiza, foron quen de expresar a súa indignación ante tanto argumentario imbécil e escuro, verbo da a "administración" da lingua propia dun pobo polos de arriba, a golpe de ferro candente no lombo, en base a principios supostamente "democráticos".

Cheiraba tanto a podre Compostela, coma o referido argumentario-político de merda. Ogalla algún día toda esta xente desaparezan baixo toneladas da súa propia miseria, cosificados en bolsas de lixo, podres.

Asasinos da Lingua!! Antropófagos de si propio!!! Tropa do caralho!!!

Ficades coas fotos, que sos ben monstrosas, para iso tirámolas nós;-)

Fai "clic" aquí para velas máis grandes.

Divertimento - Serie: Pensamento 3 - Mortes masivas.

Novo episodio da serie Pensamento 3, hoxe recuperado para Rádio FilispiM por Divertimento para pequenos monstros. 

Nesta ocasión Agustín García Calvo fálanos das mortes masivas, a propósito da traxedia acontecida o 15 de abril do ano de emisión do espazo [1989]: a morte por aplastamento de 96 persoas no estadio de futbol de Sheffield [Liverpool].

O propio García Calvo, na habitual introduzón ao tema, comenta o que segue:

"Imos tratar este asunto para o que a actualidade [morte masiva deexpectadores, estadio de fútbol de Sheffield, abril 1989], que non é máis que a faciana que a eternidade nos ten brindado outra ocasión máis, mais nista ocasión, en troques de Madrid ao ceo [como di o himno], de Sheffield ao ceo, que para o caso é o mesmo.

En todas partes van cocendo as mesmas fabas, polo menos en todas as partes disto que chaman mundo “progresado” e desenvolvido e todo o demáis, co que sen dúbida están ligadas estas mortes masivas, que son nas que hoxe nos imos deter.

Non esquezan os ouvintes que ademáis de nas propias areas dos paises “progresados”, se produzen case cotidianamente estas mortes, que chamamos masivas, nas márxenes: por fame en Etiopía, polas pestes e guerrillas. Mais todas elas achacámolas ao mesmo sitio: aló arriba, ao ceo, ou como queira chamarse, e isas son tambén manifestacións das mortes masivas, cada unha no seu sitio. Aquí mórrese nas autoestradas por autos, nos estadios de fútbol... Aló, como non están excesivamente “progresados”, morren tambén masivamente pero en formas máis primitivas. Mais o un é o outro, aínda que iso non quere dizer esquecer a diferenza.

Temos que ser os vivos os que falemos destes mortos, posto que eles se negan pertinazmente a falar e a dar o seu testemuño, pois neste caso sería sumamente útil se falaran os que pareceron aplastados no estadio de futbol hai dúas semanas [Sheffield Stadium,15/04/1989]. Temos que falar nós, os que seguimos a padecer e ista ilusión de estarmos vivos é sen dúbida esencialmente iso: unha ilusión. Temos que ser nós os que preguntemos aos ouvintes e os ouvintes nos pregunten, quen foron os que morreron nese campo de fútbol, quen os que morren aínda máis masivamente cada fin de semana nas estradas de Deus, nas autoestradas de Deus. Por suposto que son Masa.

Estamos aquí a falar de mortes MASivas, sabemos que iso que [...] Comercio e Estado chaman masas, están necesiariamente compostos de individuos, de xeito que lonxe de negar a morte masiva, a morte individual, semella que a confirma...".

Máis nada, a vindeira semana máis aquí onde paran os monstros. Lembra que podes seguir os contidos de Divertimento en:

- Ferrol e comarca, ao través de Rádio Filispim 93.9 FM:
- Xoves (quintas feiras) de 8 a 9 da noite.

- Sábados de 7 a 8 da tarde
- Domingos de 10 a 11 da noite.
- Martes (terzas feiras) de 2 a 3 da tarde.

- Na comarca de Bergantiños, en Corme en Radio Roncudo 106.1 FM:
- Terzas feiras de 1 a 2 da tarde.

- Vía web, neste blog e máis en:
- Podgalego.com
- Radio Filispim


Descargar o audio

Divertimento - Serie: Pensamento 3 - Perder o tempo.

Évos aquí unha nova aventura de PENSAMENT0 3, nun dos episodios dos que máis gosto, donde Agustín García Calvo indaga coa axuda da súa audiencia oitentera [Caravana de Hormigas-Radio 3-1989] sobre a relación entre a Vida [ou o que nos vende por iso] e o Tempo [mensurábel].

Nada mellor que as primeiras verbas de Agustín, tiradas da súa introducción, para suxerirvos "gañar tempo" [entre tanto tempo perdido] escoitando o audio que segue a estas liñas:

"Matar o tempo, entreterse, divertirse e demáis é o mesmo que falar da vida. De xeito que ao falar dos ´chismitos´inventados para encher/matar o tempo estamos a falar da vida, a única que semella a real, posto que é a que nos venden.

Non hai que esquecer en que consiste a trucaxe esencialmente: cambiar a vida por tempo, converter a vida en tempo, conseguir o que se di con tan lúcida desesperación nos versos de Antonio Machado: ´ya nuestra vida es tiempo´.

Esta é a trucaxe esencial do Capital e Estado que, como explicamos outras veces, consiste en fazer crer no futuro, naturalmente non chamándoo polo seu nome [que é morte, un mome pouco conveniente, demasiado aterrador] senón chamándoo por outros nomes: futuro.

Facer crer nun destino a onde vou como ente real e a onde vai a humanidade e unha vez que se conseguiu isto, o que vai desde aquí cara ese futuro, xa é propiamente tempo. Un tempo baleiro. Un tempo que, por tanto, se pode manexar, contar. Un tempo do que vive o crédito da banca, o tempo ao que se reduce a vida do traballador mentres está no tallo e tambén [o que hoxe nos toca no programa] os ratos libres, o ocio.

Posto que o tempo non pode cambiar a natureza, é o mesmo durante o traballo que no suposto ócio ao que alude o nome desta exposición dos ´chismes´ do ócio, na que imos estar metidos incongruentamente como Javier [aludindo ao presentador] vén de dicir...".

Mais nada, a vindeira semana máis Pensamento 3, aquí onde paran os monstros.
Descargar o audio

Programa especial 1º de Maio en Rádio FilispiM.

O pasado xoves 29 de abril de 2010, as 20:00 h. tivo lugar en Rádio FilispiM, 93.9 FM un PROGRAMA ESPECIAL: 1º de Maio.

Co convite a participar na mesa-debate de integrantes dos sindicatos con representación na comarca: CC.OO, CIG, CNT, USO, USTG e UXT

Poderás ouvir a repetición do programa na Rádio Filispim:

• Sábado 1 de maio, as 11:00 h. da mañá.
• Domingo 2 de maio, as 15:00 h. da tarde.

Ademáis na rede:

• No blog do Colectivo Opaii!-RFM: opaii.blogspot.com
• No blog dos Pequenos monstros [este mesmo].
  

Descargar o audio

Divertimento - Serie: Pensamento 3 - Arte.

Nova edición da serie Pensamento 3, dentro de Divertimento para pequenos monstros, na sintonía de Rádio Filispim, 93.9 Ferrol [GZ].

Nesta ocasión o profesor Agustín García Calvo diserta cos ouvintes sobre o Arte.

Como todos os PENSAMENTO 3 que estamos a recuperar, este foi emitido orixinalmente un venres do 1989 en Radio 3, dentro do programa Caravana de Hormigas. Memorábel espazo matutino apresentado orixinalmente por Juan Francia, Jesús Beltrán e Enma Tamargo, que non tardarían en ser fulminados de Radio 3, de feito resulta unha sórdida ironía saber que J. Francia e J. Beltrán acabaron en Radio Exterior de España.

Como todos os programas os iniciamos e findamos tal como o facían daquela: co himno da Comunidade de Madrid, se ben aínda non atopei a versión con coro, tal cual se emitía, que sei é a vos gosta ;-).

Por certo, curioseando na web da editorial autoxestionada polo propio Agustin G.C. [LUCINA], veño de atoparme cunha grata sorpresa. No menú: enlaces de internet/registros sonoros/himno de Madrid, hai un enlace... nada máis e nada menos que a un arquivo de audio que eu mesmo subín hai algún tempo!. A verdade é que me ten feito moita ilusión, ter contribuido inda que sexa desde tan abaixo a difundir esta alfaia agachada nas moquetas de tan distinguidos politic@s. Podedes velo aquí: ->enlace

Mais nada, a vindeira semana unha nova edición de PENSAMENTO 3, aquí, onde paran os monstros.

Descargar o arquivo



Imaxe: podería ser arte.

Ana Curra, Lágrimas [1985]

Hai tempo que non publicamos nada na sección "Cancións", así que hai vai esta alfaia dos oitenta [1985], Lágrimas. Canción dentro do maxi Una noche sin ti. No mesmo vinilo há unha versión instrumental do tema. Ana Curra en solitario, sin sus Seres Vacios [e sen o seu Eduardo Benavente].

Ollo á montaxe de fotos que acompaña á música, paga a pena. Sen dúbida, La Curra, do mellor dos oitenta.

Divertimento - Serie: arquivo sonoro/historicos: Oitenta_Vinilos [Cap.10]

Derradeiro [polo momento] capítulo da serie Oitenta Vinilos, dentro de Divertimento para pequenos monstros emitido orixinalmente en Radio Fene.

Nesta edición aparecéronse as músicas de: Tino Casal, Academia Parabuten, Paralisis Permanente, Gabinete Caligari, Décima Víctima e Ecodalia.

No capítulo de "incidencias sonoras" ouvimos o minimalismo da terceira xeración de Andrew Poppy e no de "cicloxénese local" a La Nev Diva [Colectivo La Nevera].

Con este capítulo fechamos a serie Oitenta Vinilos, dentro de Divertimento, coa promesa que volver sumar novos capítulos nun futuro. Así que agardamos as vosas suxestións ao respeito en: radiomonstro[arroba]gmail.com ou comentando esta entrada.

Como sabedes iniciamos hai unhas semanas unha nova aventura, rescatando do pasado "radiotresero" a voz e reflexións de Agustión García Calvo, na serie Pensamento 3, así que procura no dial de Rádio Filispim, ou segue a nova seríe neste blog.

Máis novas en breve, aquí, onde paran os monstros.

Fotos: Décima Víctima.

Descargar o arquivo


Todos os programas en: http://80vinilos.blogspot.com (novo blog temático!)

Divertimento - Serie: Pensamento 3 - Quen es, que fas.

Terceiro capítulo da serie PENSAMENTO 3, dentro de Divertimento para pequenos monstros [Rádio Filispim].

Como o resto dos capítulos, recuperado grazas as gravazóns caseiras realizadas polos propios ouvintes da serie [e hoxe ao dispór de tod@s na rede] emitida orixinalmente cara o ano 1989 dentro de Caravana de Hormigas [Radio 3, RNE].

Nesta ocasión o profesor Agustín García Calvo, fala cos seus ouvintes sobre o "Quen es, que fas".

Nas súas reflexóns intrudotorias ele di:

"As masas están compostas de individuos e, xa que logo, eu como ser real son idéntico coas masas e con quen as manexan, coas instancias superiores do capital, do Estado.

Esta é unha cuestión que se pode revelar en todos os terreos. Por exemplo, nas artes na relación entre o cadro e a figura, asistimos a esta substitución do cadro da obra pola figura.

En efecto, xa ninguén pode lembrar os sentimentos e utilidades que un cadro, unha obra, unha escultura púidolle proporcionar na súa casa ou na vía pública, sospéitase que esas obras non serven para nada, na medida en que a ninguén lles ocasiona pracer nin descubrimento. Na mesma medida, a sinatura vaise agrandado até recubrir o cadro enteiro.

Así, un Picasso quer dicer un anaco de tea [ou do que sexa] que ten a sinatura de Picasso e para distinguir entre os Picassos que levan a súa sinatura, hai que medir por metros cadrados. Non é o mesmo un Picasso de medio metro cadrado que un dun metro, teñen diferente valor.

Como sempre, atender ao diñeiro é esencial, precisamente por ser "a forma" o engano por excelencia, a especie de identidade sublime e ideal que é o diñeiro. Ela [a forma] débenos guiar en todas as análises, da vida cotiá e da vida pública.

O "facer" unha cousa é o contrario ao "ser" alguén, ser un nome propio, ser un ser real. Isto é o difícil de descubrir porque os medios de formación de masas, os políticos, a cultura, imponnos a crenza de que o "facer" redúcese ao "ser".
Así é como nas artes a sinatura [o quen é, o quen fai] substitúe ao facer, e iste facer chega a ser simplemente un pretexto para chegar a ser...".

Pois nada, monstros, a seguir sendo. A vindeira semana un novo capítulo da serie PENSAMENTO 3, aquí onde parades vós.

Descargar o arquivo



Imaxe: un Picasso de merda.

Divertimento -Serie: arquivo sonoro/historicos: Oitenta_Vinilos [Cap.9] - Radio Fene_2005

No noveno [e penúltimo] capítulo da serie Oitenta Vinilos, producida por Divertimento para pequenos monstros hai cinco anos para Radio Fene, escoitamos a música de:
- Sector B
- Polanski y el Ardor

E xa no panorama local ferrolterráqueo, dos dousmil, ouvimos a:
- La Nev Diva
- Traje de Saliva
- Nolotil + Soma

Actualmente Rádio Filispim xa non está a emitir esta serie, mais dado o exito de escoitas nos pod-cast da serie Oitenta Vinilos oferécemosvos os dous últimos capítulos da mesma, co anuncio de que non descartamos gravar unha nova tanda de programas nun futuro. Agardamos as vosas suxestións para ilo.

Polo de agora atoparedes todos os capítulos desta serie neste mesmo blog, procurando na etiqueta da marxe "Serie: Oitenta Vinilos".

Monstrosos saúdos!.

Pequeno monstro.

Foto: Polanski y el Ardor

Descargar o arquivo


Todos os programas en: http://80vinilos.blogspot.com (novo blog temático!)

Rádio Filispim cubriu a manifestación en contra da privatización da Sanidade Pública.

A Plataforma pola Defensa da Sanidade Pública de Ferrol, diante do grave deterioro ao que se está a someter á Sanidade Pública, específicamente na Área de Ferrol, e ante as medidas privatizadoras iniciadas polo Partido Popular, levou ao cabo o pasado 11 de abril unha Manifestación Comarcal, que reflectiu na rúa o descontento e o rexeitamento destas medidas por parte do conxunto da cidadanía.

A día de hoxe a Plataforma en Defensa da Sanidade Pública de Ferrol está composta por máis de 40 entidades e segue aberta a novas incorporacións. Podedes ler o ideario da plataforma na sección MANIFESTO do blog: plataformadspferrol.blogspot.com

O Colectivo Opaii, Rádio FilispiM, cubriu o descorrer da manifestación en directo coa realización dun estupendo programa especial, recollendo o son do que aló acontecía ao través de conexións estudio/correspondentes. Agora podes escoitar o audio en diferido dese programa especial neste reprodutor:

Descargar o arquivo

Divertimento - Serie: Pensamento 3 - Economía, o diñeiro.

Segundo capítulo da serie Pensamento 3, emitida orixinalmente dentro do programa Caravana de Hormigas de Radio 3 [RNE], no ano 1989.

Nesta ocasión o profesor Agustín García Calvo diserta cos ouvintes sobre a economía e o diñeiro.

Ao principio e final desta serie de Divertimentos, escoitarán os ouvintes a versión instrumental do Himno da Comunidade de Madrid, cuxa letra foi escrita por Agustín García Calvo e música por Pablo Sorozábal Serrano.

Estes espazos, na súa emisión orixinal en Radio 3, estaban antecedidos pola versión interpretada por un coro de dito Himno, mais polo momento non fun capaz de atopar dita versión. O certo é que o mencionado Himno, pese a ser oficial, non é reproducido nos actos da Comunidade de Madrid. A letra non ten desperdizo, nela atopanse alfaias do tipo: “Y en medio del medio, Capital de la esencia y potencia, garajes, museos, estadios, semáforos, bancos, y vivan los muertos…”. Podes ver o texto integro neste enlace: letra completa.

Para completar a hora de duración deste Divertimento incluimos ao final unha versión cantada nunha das charlas de Agustín no Ateneo de Madrid, un 1 de abril de 2008, donde o ferrolán Principe Galín fai de mestre de cerimonia e “cantor”. Podes ver o video neste enlace: video.

Este Divertimento para pequenos monstros, finda coa peza “Libre te quiero", na voz de Amancio Prada, un canto de amor libertario, sen posesión, de cuxa letra é autor o propio Agustín García Calvo.

Máis nada, ficades con Pensamento 3 [Economía, o diñeiro]. Volvemos a vindeira semana aquí, onde paran os monstros.

Descargar o arquivo

Divertimento - Serie: Pensamento 3 - A Paixón de Cristo

Con esta entrada iniciamos a serie Pensamento 3, unha produzón de Rádio 3 [RNE] do ano 1989, que hoxe recupera Divertimento para pequenos monstros para Radio Filispim, 93.9 FM [Ferrol–Terra de Trasancos].

Pensamento 3 foi un espazo que se emitia os venres dentro do programa Caravana de Hormigas (Radio 3 - RNE), donde cada semana se lle plantexaba un tema ao profesor Agustín García Calvo, para que sobre del reflexionara e conversara cos ouvintes en antena.

Agustín García Calvo, daquela, andaba a impulsar o proxecto Escola Lingüística, Lóxica e Artes da Linguaxe. A idea era conciliar esas tres disciplinas hoxe tan separadas polos plans de estudios [filoloxía, matemáticas e teatro], sen pretensión de producir títulos universitarios, senón coñecemento. Nen que decir ten que aquilo fracasou “como fracasa todo o que pode ferir. O éxito só chega a aquilo que non fai dano a ninguén, aquilo que segue a corrente”.

Agustín García Calvo, realizou estudios de Filoloxía Clásica na Universidade de Salamanca. Doctorouse aos 22 anos, até que a dictadura franquista o separou da cátedra en 1965 xunto a Tierno Galbán, López-Aranguren e Montero Díaz, por prestar apoio as protestas estudiantís. Daquela, decide marchar ao exilio a París. En 1976 foille restablecida a súa cátedra, na que permaneu até a súa xubilación en 1992.

Na actualidade Agustín García Calvo segue a publicar os seus libros na súa propia editorial [Lucina] que asina co seu nome entre signos de interrogación, leva anos loitando contra o engano dun poder empeñado en impór ideias sobre a realidade para matar “o que hai vivo na razón e no corazón”.

Xubilado da universidade, cada mércores segue a encher o Ateneo de Madrid, nunha tertulia política que dura xa 12 anos [na que non se da clase nen predica] e a que acuden moitos xóvenes.

Lembro con moita ledicia aqueles programas que eu mesmo gravaba en cintas de casete para poder escoitar de vagar máis tarde e que tanto me aprendeu que era aquilo do “movimento libertario”.

Hoxe, as gravacións destes espazos radiofónicos, son un tesouro que algúns ouvintes do momento dixitalizaron e subiron a rede para compartir e lembrar aquelas reflexións [sobre cuestións aínda hoxe tan vixentes] que emitiu hai 27 anos aquila memorábel Radio 3.

Agardamos dende Divertimento para pequenos monstros que disfrutedes delas, como eu mesmo disfrutei daquela e volvo disfrutar.

O tema que abre esta serie é A Paixón de Cristo, non podía ser outro.

No vindeiro Divertimento máis Pensamento 3, aquí onde paran os monstros.

Descargar o arquivo

Radios libres e comunitarias no Estado español: 30 anos de historias, según o Ente.

Estes días os medios estatais públicos veñen de fazerse eco dos 30 anos de existenza das radios libres e comunitarias no Estado español.

Nesta reportaxe tirada dos Telediarios de TVE falan dunha parte da súa história, do "recoñecemento" outorgado pola nova Lei Audiovisual, así como das novas reinvidicacións dos seus protagonistas.



Por outra banda, o programa Carne Cruda de Radio 3 (RNE), adicou o pasado 18 de xaneiro de 2010, un especial donde Radio Pica (Barcelona), Radio Vallekas e Radio Ritmo (Madrid), falan do contido social das emisoras libres e comunitarias e das súas inquedanzas trinta anos despois da súa agachada existenza ao marxe do "mercado" e "mercaderes" da comunicación.

Podes escoitar ese programa especial neste reprodutor:

Descargar o arquivo

Divertimento - Serie: arquivo sonoro/historicos: Oitenta_Vinilos [Cap.8] - Radio Fene_2005

Oitavo capítulo da serie Oitenta Vinilos, dentro de Divertimento para pequenos monstros.

No capítulo de hoxe pasámolo moi ben con Parálisis Permanente (Quiero ser santa, Heroes, Autosuficiencia e Quiero ser tu perro), Danza Invisible (Así marchamos a la Gloria), Tino Casal (Pájaros), Ariel Rot (Peces), La Mode (La Cólera e Panorama).

Xa no final do programa escoitamos referencias ao festival autoxestionado Fervesteiro [bairro de Esteiro en Ferrol] e ouvimos a música do local Herman Blues.

Ademáis ouvimos un pequeno extracto da gravación do II Conspirando por unha radio libre, que daquela [ano 2005] se celebrou no local da Fundaçom Artábria no mesmo bairro de Esteiro [Ferrol-Galiza]. O corte elixido é o final do concerto que deu o cantautor ferrolá Bladi. Naquel Conspirando actuaran ademáis os ferroláns Kobe e Misquious. Ao final da gravación podese ouvir a un tal P. Cunha facendo de animador, e a unha tal Paula ríndose por detrás.

Lembrar que aquel segundo Conspirando por unha radio libre, foi o último antes do comezo das emisións de Rádio Filispim, no mes de agosto do ano 2005, por tanto, a radio libre e comunitária da Terra de Trasancos [que emite dende Ferrol], cumprirá en agosto deste 2010, cinco anos de emisións ininterrompidas. Agardamos dende Divertimento que isto teña unha celebración como ben se merece.

Non queremos marchar sen amosar a nosa ledicia pois o podcast do Cap. 6 desta serie [adicado a Los Modelos, Episodio, Estación Victoria e Luna] foi ouvida até o día de hoxe 117 veces. Tan só agardamos que todas eses veces non fora ouvido por unha mesma persoa, non xa pola súa propia saúde mental senón polo tema de que o premio estivera ben repartido e bla, bla, bla.

Para escribir ao programa: radiomonstro [arroba] gmail.com
A vindeira semana máis aquí, onde paran os monstros.

Descargar o arquivo


Todos os programas en: http://80vinilos.blogspot.com (novo blog temático!)

Non saímos do lixo [Capítulo 2: "A Cultura"].

Monstros, isto é destornillante!!!. Do portal galego Komunikando.net: Non saímos do lixo.

Non saímos do lixo [Capítulo 1: "A televisión"].

O galego: lingua estranxeira na Galiza, por decreto.

Lupe Ces, vén de publicar no seu blog [Caranza free opiniom], esta entrada. Ao tempo é unha convocatoria a que nos sumamos @s pequenos monstros:

Já está aí. Chegou o que temíamos. Por decreto, o Galego vai ter a categoria de Língua Estrangeira no ensino. O ódio ao galego está instalado em Sam Caetano. Mas quem inspira todos estes ataques? Por quem estamos governados?

Hai uns dias nas tertúlias da manha da Radio galega, escoitavamos dizer ao jornalista Roberto Blanco Valdés que já lhe diziam a Feijoo que o tempo corria contra del, que tinham que governar e levar adiante o decreto, e a quem nom lhe gostasse que roera, que para isso ganharam as eleiçons. E já vemos que lhe fixo caso, mas em que foro, em que estrutura se reúnem estes senhores?

Noutra ocasom, no antigo programa "Hai debate", o mesmo no que outro jornalista, Carlos Luis Rodríguez, afirmava que "o galego já nom é a Língua própria da Galiza", Roberto Blanco Valdés também fazia referência a algum tipo de reuniom com frases como "nós já o dixemos" ou "nós já o temos falado", sem que ninguém dos presentes no plató tivesse o reflexo de perguntar-lhe por quem som "nós". Assim, seguimos sem saber quem nos governa. Por um lado sabemos que a seita Opus Dei tem colocados vários numerários e numerárias nas Conselharias. Mas, Roberto nom semelha tal, e Feijoo tampouco, polo que temos que pensar que hai outro governo paralelo noutra parte.

Se tivessem o sentido democrático da transparência nolo diriam. O que estou certa, é que esta decissom, de igualar no ensino o Galego a umha língua estrangeira, nom sae dum proceso democrático de debate nas filas do PP.

Manha [por hoxe 15 de marzo] concentraçons em toda Galiza, e aguarda-nos um ano movido. Que triste história a destes senhores! Som os malos na superproduçom que se fará sobre a história dumha maldiçom que cae sobre esta Terra, e entre intrigas e loitas cainistas, logram desactiva-la dous rapazes fazendo um vinho misterioso que converte a quem o bebe em boa pessoa.

Agora deixemos a fantasia, descansemos esta noite, que manha toca loitar coa realidade, por seguir sendo galegas e galegos.

Mulleres nas radios libres e comunitarias.

Moitas son as celebracións que tiveron e aínda levan a cabo en todo o mundo polo Día Internacional da Muller Traballadora. En moitas radios comunitarias e sociais, as mulleres conmemoran esta xornada cada día do ano a través do seu compromiso feminista en prol dos dereitos das mulleres. Alzando a voz, facéndose escoitar a través de programas radiofónicos con temática de xénero.

Moitas destas emisoras participativas e sen ánimo de lucro concederon moita importancia dentro dos seus contidos e a súa propia organización a participación activa das mulleres.

O día 8 de marzo aprovéitase para celebrar todo ese traballo continuado que aos poucos vai dando o seu froito nas audiencias. Un exemplo atopámolo en Radio Enlace, emisora comunitaria do norte de Madrid. Esta emisora desde fai anos ten activa a súa propia Área de Mulleres, que organiza actos sociais e culturais, pero que sobre todo manteñen cada día programas e contidos radiais que visibilizan as loitas, as denuncias, os logros e a cultura feita por mulleres. O 8 de marzo a área da Muller de Radio Enlace realizou un programa especial de 2 horas e media.


Audio publicado en Más Voces : www.masvoces.org

Divertimento - Serie: arquivo sonoro/históricos: Oitenta_Vinilos [Cap.7] - Radio Fene_2005

Sétima entrega da serie Oitenta Vinilos, unha produzón Divertimento para Radio Fene realizada no ano 2005.

Neste capítulo escoitamos as músicas e os comentarios sobre: Dinarama, Paralisis Permanente, Cámara e Los Monaguilhos.
Xa no final de Divertimeto para pequenos monstros, damos unha volta de torca máis ao cenario ferrolterráqueo [tremenda torca!] e ouvimos as músicas de Pinone e amigos [dúas versións de "El Campo de Fresas" e o tema "Tras las cortinas", na voz de Noelia Santos], Kobe e Misquious.

A vindeira semana máis e mellor, aquí onde paran os monstros. Polo de agora, podes ouvir todas e cada unha das edicións de Divertimento, en:

- Ferrol e comarca, ao través de Rádio Filispim 93.9 FM:
- Na comarca de Bergantiños, en Corme en Radio Roncudo 106.1 FM:
- Vía web, neste blog e máis en:
- Podgalego.com
- Radio Filispim

Descargar o arquivo


Todos os programas en: http://80vinilos.blogspot.com (novo blog temático!)

III Acción Internacional da Marcha Mundial das Mulleres.

Das compañeiras da MMM, nos chega este comunicado:

Entre o 8 de Marzo e o 17 de Outubro de 2010 desenvolverase en todo o mundo a III Acción Internacional da Marcha Mundial das Mulleres.

As Accións Internacionais son momentos de fortalecemento, de facer que as nosas voces sexan ouvidas aínda con máis forza en todo o mundo, desde distintas experiencias, culturas políticas e etnias, pero cunha identidade común: o desexo de superar a inxusta orde actual, que provoca a violencia e a pobreza.

Coas Accións Internacionais tamén expresamos a nosa solidariedade internacional, e o feito de que estamos alertas ao que pasa ás mulleres noutras partes do mundo.

Desde a Coordinadora Galega da Marcha Mundial das Mulleres facemos un chamamento a toda a cidadanía a participar no Lanzamento da III Acción Internacional na Galiza, que terá lugar o sábado 13 de Marzo en Santiago de Compostela:

* 16:30-17:45 hrs: Chegada en tren a Compostela desde todas as localidades
* 18:00 hrs: Marcha reivindicativa desde a Estación de Trens até a Praza de Cervantes
* 18:30 hrs: Festa na Praza de Cervantes, coa presentación das “Marchantas”, merenda e a actuación de CHURRA E MERINA SUPERVEDETTES.

MULLERES EN MARCHA ATÉ QUE TODAS SEXAMOS LIBRES!

Máis información en www.feminismo.info / www.mmm2010.info

Divertimento - Serie: arquivo sonoro/históricos: Oitenta Vinilos [Cap.6] - Radio Fene_2005

Capítulo nº 6 da serie Oitenta Vinilos, dentro de Divertimento para pequenos montros, unha produzón orixinal para Radio Fene do ano 2005, e por tanto das últimas edicións de Divertimento antes de abandonar o buque fenes pola chalana filispiniana.

Neste novo número da serie escoitamos os vinilos oitenteros pop de: Episodio, Los Modelos, Estación Victoria, Luna e aproveitamos para seguir a catar a colleita dos oitenta do pop estatal, trinta anos despois.

Xa no final do programa retomamos a audición das músicas dalgúns dos numerosos e grandes grupetes locais do momento: Kobe, Misquious e Quant [os dous últimos, cinco anos despois, en plena forma canto a calidades e cualidades].

No vindeiro programa máis madeira oitenteira, aquí, onde paran os monstros.

Descargar o arquivo


Todos os programas en: http://80vinilos.blogspot.com (novo blog temático!)

Muller e inmigrante, para máis inri.

No apartado "Así somos", da web de Pluralia TV [Valencia], achamos este texto que pon luz as súas motivacións:

“Contrainformar é traballar por lexitimar os discursos insurxentes fronte ao pensamiento único neoliberal, destruir o mito da obxetividade, servir de voceiro dos movimentos sociais dar a palabra a quen callan por falta de oportunidades para falar, combater o ruido con apariencia de música que emana dos xigantes mediáticos. Contrainformar é tambén facerse con ferramientas que permitan a difusión horizontal da información, construir pontes que fagan circular contenidos co seu valor de uso, rachar o monopolio da produzón de discursos sobre o mundo social, desbaratar a ilusión dunha "opinión publica libre". [Texto tirado do 78 Colectivo Ekintza Zuzena Contrainformación. (2004) , ”Alguns plantexamentos sobre a contrainformación”.]

Ademáis podemos ver videos tan elocuentes coma este, sobre cuestións tan manipuladas coma a solitaria realidade da inmigración:




Divertimento - Serie: arquivo sonoro/históricos: Oitenta Vinilos [Cap. 5º] - Radio Fene_2005

Quinto dos programas da serie Oitenta Vinilos, que Divertimento para pequenos monstros realizou para Radio Fene no ano 2005.

Nesta edición ouviredes musicas tiradas das referencias do selo MR, quen nos primeiros oitenta editou en vinilo as primeiras cancións de grupos emblemáticos do pop estatal: Episodio, Los Pistones, Los Modelos...

Xa no final do programa dámoslle unha nova volta a torca do cenario local do momento, lembrando as músicas de Fer Pinone [do que, por certo, hai moito tempo que non temos novas, co moito que gostamos das súas produzóns], Kobe [grupo paralelo aos memorábeis Window Pane] ou …[a ver se adivinades quen é o último grupo que soa no programa].

Por certo, que o nº 4 da serie non o damos atopado, polo que non poderemos rescatar a primeira parte adicada ao selo MR, no que tantos grupetes do momento gravaron as súas primeiras maquetas.

A vindeira semana máis madera oitentera, aquí onde paran os monstros.

Descargar o arquivo


Todos os programas en: http://80vinilos.blogspot.com (novo blog temático!)

Divertimento - Serie: arquivo sonoro/históricos: Oitenta Vinilos [Cap. 3º] - Radio Fene_2005

Terceira entrega da serie Oitenta Vinilos, dentro de Divertimento. Neste programa seguimos a pinchar a “cara b” do pop dos primeiros oitenta, ficando unha vez máis nas praias do levante estatal.

As conexións cos valencianos Glamour, sérvenos de excusa para entreter, aos nosos pequenos monstros, coas músicas de Última Emoción, Revolver, cos vinilos de Betty Troupe, as andanzas do cantautor pop Javier Bustamante con Remi Carreres ou as contiendas de Interterror.

Este programa foi producido para Radio Fene no ano 2005, ao igual que o resto da serie. Hoxe recuperámolo para Rádio Filispim [Ferrol], Radio Roncudo [Corme] e os amigos de Podgalego.

No vindeiro Divertimento para pequeños monstros, unha nova edición de Oitenta Vinilos, aquí, onde paran os monstros.

Descargar o arquivo


Todos os programas en: http://80vinilos.blogspot.com (novo blog temático!)

Crónica da xornada de protesta ante a Nova Lei Audiovisual no Estado español.

A ReMC [na que está integrada Rádio Filispim, Ferrol 93.9 FM], vén de informarnos que este martes 9 de febreiro de 2010, levouse a cabo unha concentración de protesta ante as portas do Senado, de Madrid. O obxecto da mobilización ten que ver coa tramitación da nova Lei Xeral de Comunicación Audiovisual.

Convocados por diferentes sindicatos, a Rede de Medios Comunitarios [ReMC], a URCM e co apoio do diferentes organizacións coma a sección española da Unión Latina de Economía Política da Información, a Comunicación e a Cultura [ULEPICC], a concentración pretendeu visibilizar o descontento social ante a Lei que regulará o sector audiovisual no Estado español.


Audio publicado en Más Voces : www.masvoces.org

Divertimento - Serie: arquivo sonoro/históricos: Oitenta Vinilos [Cap. 2º] - Radio Fene_2005

Segundo dos capítulos adicados a nova ola estatal, que estes días cumpre 30 anos, logo da emisión un 9 de febreiro de 1980 en TVE [Popgrama] do concerto colectivo homenaxe a Canito [Bateria de Tos].

Podedes ter acceso a unha parte dese documento, neste enlace, na que vos atoparedes coa presentazón de dous novos e intrépidos periodistas que co paso dos anos serían algo máis que dous nomes propios relacionados cos medios de comunicazón estatais: Carlos Tena [que hoxe vive en Cuba e colabora para Cuba Información] e Diego Manrique [hoxe Subdirector de Radio 3].

Neste novo episodio da serie Oitenta Vinilos de Divertimento para pequenos monstros, fazemos unha especial parada en Valencia, onde naqueles primeiros oitenta xurdían grupos coma mandarinas, que apuntaban cara un pop tinxido de tecnoloxía, sendo o levante berce do tecno-pop estatal, con grupos e discos que co paso dos anos teñen deixado unha fonda pegada en re-colectores e coleccionistas de plásticos.

No programa rescatamos algúns dos vinilos de Comité Cisne ou Última Emoción, grupos que non chegaron a trascender como aconteceu con outros do momento, por iso gostamos de lembralos aquí, entre monstros. A gravazón que ouviredes, ao igual que o resto da serie, foi producida para Radio Fene, no ano 2005.

Xa no final do programa volvemos á nosa realidade local escoitando a música maquetera dos ferrolás Quant, que trinta anos depois seguen a pensar en vinilo.

A vindeira semán un novo capítulo de Oitenta Vinilos, aquí, onde paran os monstros [de plástico].

Descargar o arquivo


Todos os programas en: http://80vinilos.blogspot.com (novo blog temático!)

Divertimento - Serie: arquivo sonoro/históricos: Oitenta Vinilos [Cap. 1º] - Radio Fene_2005

Edición de Divertimento do ano 2005, realizada orixinalmente para Radio Fene, e que hoxe recuperamos para Rádio Filispim.

Con este programa comezamos unha serie de especiais adicados aos vinilos máis monstrosos da década dos oitenta, según o Pequeno Monstro, polo que nas vindeiras semanas deixaremosvos máis capítulos desta serie, que demos en chamar "Oitenta Vinilos".

Nesta ocasión ouvimos (e pinchamos) os vinilos de:

• Los Esqueletos (Radio 222, Intrusos en mi jardín, Un poco de diversión).

• Las Ruedas (Haciendo casas).

• Minuit Polonia (Radio Rockola).

• Proyecto Bronwyn (De memoria, Al margen)

• Fernando Márquez (Unidad de destino).

• Kiki Daki (Unidad de destino).

Nos últimos quince minutos do programa volvemos ao pretérito perfeito da nosa realidade local e ficamos co Colectivo La Nevera e o grupo La Nev Diva [xérmolo de Misquius].

A vindeira semana un novo capítulo da serie "Oitenta Vinilos", dentro dos históricos de Divertimento, aquí, onde paran os monstros.

Descargar o arquivo


Todos os programas en: http://80vinilos.blogspot.com (novo blog temático!)

Os medios comunitarios batallan ante a nova Lei Audiovisual.

No Estado español está en trámite no Senado a nova Lei Xeral de Comunicación Audiovisual.

Para a Rede de Medios Comunitarios (ReMC, na que está integrada Rádio Filispim), esa Lei responde máis a intereses das grandes empresas de Comunicación no canto de desenvolver normativamente o exercicio do dereito á comunicación audiovisual, observando todos os factores necesarios, como a garantía e promoción do servizo público, a calidade no emprego e os dereitos laborais, e a pluralidade informativa, así como o acceso e a participación social aos medios audiovisuais.

A ReMC afirma que a Lei Xeral de Comunicación Audiovisual segue o mesmo camiño que as ultimas medidas en materia audiovisual realizadas polo Goberno, como a retirada do financiamento por publicidade de RTVE, a fusión das televisións privadas ou a TDT de pago.

Os medios comunitarios afirman que se trata de leis que se desenvolveron con présas, sen debate, de costas á cidadanía e sen contar cos axentes sociais, só dando resposta aos intereses da Unión de Televisións Comerciais Asociadas, UTECA.

Pero ademáis, critican a falta de vontade do Goberno español de regularizar e fomentar o desenvolvemento dos medios comunitarios, que son medios de propiedade cidadá e sen ánimo de lucro, xa que aínda que a lei recoñece a existencia deste tipo de medios, logo de facto non pon as ferramentas necesarias e ademais establece tantas limitacións que se impedirá a existencia e o desenvolvemento de moitos proxectos de comunicación comunitaria.

Unha das preocupacións dos medios comunitarios, e sobre todo das radios, é o anuncio de creación dunha Axencia de Radiocomunicaciones que baixo a presión exercida pola Asociación Española de Radio Comercial anúnciase como un organismo dedicado a identificar as emisoras sen licenzas para proceder ao seu peche.

A nova Lei Xeral de Comunicación Audiovisual xa foi aprobada en Consello de Ministros, de aí pasou ao Congreso e actualmente atópase en trámite polo Senado. Neste percorrido estanse realizando algunhas correccións e emendas. A Rede de Medios Comunitarios [ReMC] leva moito tempo traballando para intentar achegar e incidir na redacción final da Lei.

Pola inconformide de como se está a plantexar a nova Lei Xeral de Comunicación Audiovisual, os medios comunitarios xunto a outros actores sociais, anuncian unha protesta a través dunha concentración o vindeiro martes, 9 de febreiro de 2010 ás 12 do mediodía ante o Senado, en Madrid.


Audio publicado en Más Voces : www.masvoces.org

Divertimento - Serie: arquivo sonoro/históricos: Punk hoxe Vs Punk onte - Radio Fene_Abril2003

En abril do 2003 a equipa de Divertimento para pequenos monstros, emitimos en Radio Fene unha batalla punk, protagonizada entre os grupos oitenteros e os daquela.

As hostes de ámbalas dúas xeracións déronse cita neste peculiar Divertimento para disfrute de tod@s os pequen@s monstros. Así un tras outro, comezando pola década dos oitenta, intercalados cos grupos dos 2000, desataron o kaos nas ondas hertzianas: Larsen, Aborigen X, TDK, Kuero, Eskorbuto, Kuraia, Dekadencia,Wowees, Los Trastos, Pumping Folk Band, Familia Real, Fiasko.

Podesdes lembrar aquila batalla no enlace que segue. Para a vindeira semana, máis madera do aquivo sonoro do Pequeno Monstro, aquí, onde paran os monstros.

Descargar o arquivo

Divertimento - Serie: arquivo sonoro/históricos: Entrevista a Eliseo Fernández - Radio Fene_Feb2003

No programa de hoxe recuperamos unha entrevista co historiador ferrolán Eliseo Fernández quen nos apresenta o libro: José López Bouza, do anarquismo ao republicanismo [Edicións do Castro, 2002].

A gravación do programa foi realizada nos estudios de Radio Fene [A Coruña] no mes de febreiro de 2003.

Ademáis, Eliseo, fálanos da importancia do movimento libertario ao longo da historia, así como da súa presenza na cidade de Ferrol, Galiza e Estado.

No transcurso da entrevista escoitamos unha colleita de cancións libertarias que nos deixou a historia contemporánea, que de seguro estremecerán a máis de un. Agardamos que así sexa.

Para a vindeira semana máis monstrosidades, aquí, onde paran os monstros.

Máis información en Divertimento para pequenos monstros.
Descargar o arquivo


Foto superior: Eliseo Fernández.

Luis del Olmo, "puntualizado" por un activista da radio comunitaria da ReMC.

Durante o programa Protagonistas de Punto Radio, o xornalista Luís do Olmo falaba da existencia de 3 milleiros de radios piratas no Estado español, acusándoas de prácticas ilegais e de impedir o funcionamento das radios que el mesmo cualificou de "leais".

O programa abriu o teléfono á participación da xente e aí colouse Francisco Aragón, do movemento de radios comunitarias en Madrid e da ReMC (Redes Estatal de Medios Comunitarios) para lembrar ás grandes cadeas de radios e ao propio Luís do Olmo, que son esas grandes radios son as primeiras que cometen ilegalidades, denunciando deste xeito a súa gran hipocrisía e as mentiras coas que enganan ás súas audiencias.

As agudas "puntualizacións" do activista da ReMC, andan a suscitar numerosos comentarios na rede:
http://www.elplural.com/comunicacion/detail.php?id=42181
http://corunaonline.wordpress.com/2010/01/12/pirateria/
http://debates.coches.net/showthread.php?t=165393

Escoita a intervención, non ten perda.


Audio publicado en Más Voces : www.masvoces.org

Divertimento - Serie: arquivo sonoro/históricos: Radio Fene - Vedra Rock + entrevista Habeas Corpus.

Un Divertimento Antitaurino. Así apresentaranse os Pequen@s Monstros, un 23 de marzo de 2001, na emisora local Radio Fene.

Nesta edición, tirada do arquivo sonoro, entrevistamos a Xosé Manuel Carreira do colectivo Crazy Cabeças do concello de Vedra, por mór do VI Festival Vedra Rock, nesta ocasion festival "antitaurino".

Ademáis, aproveitando a presenza dos Habeas Corpus naquela edición do ano 2001 do Vedra Rock, recuperamos unha entrevista a Miguel, vocalista do grupo madrileño, realizada o 26/01/2001, no descorrer doutro dos míticos festivais do noso país, o Treme a Terra de Pontedeume (A Coruña).

Nesta ocasión o Divertimento para pequenos monstros, estivo elaborado por Ana Santiago (Lucecú) e André (o Pequeno Monstro).


A vindeira semán seguiremos tirando do arquivo sonoro. Polo momento, podes ouvir todas e cada unha das edicións de Divertimento, en:

No área de Ferrol ao través de Rádio Filispim 93.9 FM:
- Os xoves (quintas feiras) de 8 a 9 da noite.
- Domingos de 10 a 11 da noite.
- Martes (terzas feiras) de 2 a 3 da tarde.

Na comarca de Bergantiños, en Corme en Radio Roncudo 106.1 FM:
- Terzas feiras de 1 a 2 da tarde.

Vía web, ao través dos pod-cast de:
- Podgalego.com
- Divertimento para pequenos monstros.
- Radio Filispim.

Para porse en contacto co programa escribe a: radiomonstro [arroba] gmail.com


Descargar o programa

Masiva asistenza a prol da Casa Okupa das Atochas en A Coruña.

Tiramos a seguinte información da web reganosademolizon, verbo da casa okupada do bairro das Atochas en A Coruña, da que vos demos voa conta en Divertimento para pequenos monstros, dende a súa ocupazón, ao través das ondas de Rádio FilispiM.

Pola parte dos monstros, damos voa conta de que a asistencia a esta manifestación foi sorprendente, xa que fomos testemuñas dela, pese ao silencio informativo ao respeito por parte dos mass-media "convencionais".

"Seguen a aparecer vídeos e fotos da magnífica manifestación do sábado 26 de decembro de 2009, contra o desaloxo do Centro Social Okupado Casa das Atochas, de Coruña. Para que non quede dúbida do apoio social que suscita este centro social okupado e autoxestionado, engadimos o que nos vai chegando. Que teñan claro que si, finalmente, veñen a desaloxar este centro social, non lles vai saír de balde."

De gzvideos.info:

"Este passado 26 de dezembro umha manifestaçom em apoio ao CSO A Casa das Atochas percorreu as ruas do centro da Corunha ante a ameaça de desalojo à que se enfrenta este centro social okupado, que leva funcionando desde o 14 de março de 2008 no bairro de Monte Alto."