Divertimento para pequenos monstros 12/03/2009 - Radio FilispiM 93.9 FM

Nesta edición de Divertimento falamos de:

- O primeiro álbum de QUANT, que baixo o título New Adventures in Full Colour, apresentanos unha chea de cancións sustanciadas no pop máis xenial. O disco podédelo mercar, ou "curiosear" pinchando en www.quantweb.tk. No planfetiño que acompaña o cedé hai agradacementos para unha chea de xente de Ferrol, o mundo e incluso outros planetas (dentre deles Rádio FilispiM, dentro de cuxa selección músical non faltan as melodias de Oscar QUANT e compaña).

- Por mór do 17 aniversario de Tas-Tas Irratia, unha das radios libres de Bilbo, falamos desta e máis de Irola Irratia.

- Primeiro aniversario da okupación do centro social autoxestionado, CSA Laboratorio Social As Atochas, en A Corunha. Xa coñecedes deles pola moitas referencias e entrevistas que lles realizamos en Divertimento, Rádio FilispiM. Desta amplificamos o interesante programa de actos para celebrar o primeiro ano da okupazón deste espazo liberado na cidade herculina. Serán dúas semanas de música, teatro, cine e palestras. A destacar o Encontro Aberto de Centros Sociais, previsto para o sábado 14 de marzo de 2009. Máis info en: http://aculturapreokupa.blogaliza.org/

- VI CONSPIRANDO, por unha radio libre. Vai ser no mesmo Inferno (Praza do Inferniño, Ferrol), o xoves "santo" 9 de abril de 2009. Estes do Colectivo Opaíí-Rádio Filispim, andan a procurar a excomuñón. Entre tanto seguen a conspirar. Máis info en www.opaii.blogspot.com

A disfrutar do audio. E, como sempre, podes deixar as túas impresións no apartado "comentarios", ou escribir a radiomonstro (arroba) gmail.com

Descargar o arquivo
AUDIOS DESPARECIDOS DO SERVIDOR. RESUBIRÉMOLOS EN BREVE.

VI Conspirando por umha Rádio Livre. Xoves, 9 de abril de 2009. O Inferno, Ferrol.

Este ano estamos preparando para o 9 de Abril, "Xoves Santo", o que pode ser o melhor Conspirando por umha Rádio Livre de todos os tempos.

Seguindo o esquema do ano passado, teremos unha Feira de Colectivos que comezará às 18hs. na carpa que instalaremos na praza do Inferninho de Ferrol (A Corunha-GZ).

Às 22hs. comezará o concerto con tres grupos de estilos bem diferentes, primeiro RETOBATO [Punk-Rock] de Trasancos, depois baixaremos um pouco o volume com ROGER DE FLOR [Pop-Swing], também desde Trasancos, e para rematar a festa: SACHA NA HORTA [Fussiom] desde Compostela.

Escoita a nova/audio producida por Rádio FilispiM:
Descargar o arquivo

Xa está aquí o VI Conspirando por unha radio libre!

Conspirando por unha radio libre. Xa había un ano que non o faciamos. A confraría filispiniana da santa Rádio FilispiM, repite experiencia por sexto ano consecutivo nunha edición que ao igual que pasado ano, volve a rúa, exactamente ao inferno.

Si, o Conspirando vai ser na Praza do Inferniño de Ferrol o xoves "santo" 9 de abril de 2009, a poucos metros dos desfíles procesionais e pola cara. A cuestión é ir dinamitando este Ferrol, barrio a barrio (Fervesteiro xa dinamitan o seu), con saña.

Se as autoridades finalmente non o impiden, baixo unha inmensa carpa e riba dun fantástico cenário tocarán tres bandas: RETOBATO (Punk-Rock), ROGER DE FLOR e amigos (POP-SWING) e SACHA NA HORTA (Fusión).

Na última edición do programa de Rádio FilispiM, Divertimento para pequenos monstros, falamos deste e doutros temas de actualidade como son:
- Unha nova radio comeza a emitir na comarca: Radio Reganosa.
- 8 de marzo, día internacional da muller: Manifesto da Marcha Mundial.

En vindeiras entradas e edicións de Divertimento, iremos subministrando máis información sobre esos descerebrados do colectivo Opaii!, gamberros irreverentes que parecen merecer a escomuñón inmediata.

Ficades co audio do programita, que como sempre podedes aniquilar directamente pulsando no reprodutor:
Descargar o arquivo


BOLA EXTRAAA!!!! Hoxe estamos moi punks. Aquí vos vai un video dos ferrolás Retobato, que estarán tocando na VI edición do CONSPIRANDO!!!!

O Foro Arxentino de Radios Comunitarias, FARCO, demanda unha nova Lei de Radio e TV.

O Foro Arxentino de Radios Comunitarias (FARCO) e un grupo de organizacións sociais conforman a Coalición por unha Radiodifusión Democrática.

Esta coalición esixe na Arxentina unha nova Lei de Radio e Televisión. O certo é que a lei vixente é da época da ditadura militar que favorece a idea de que a comunicación é unha cuestión comercial.

As radios comunitarias encadradas en FARCO, presionan ao goberno arxentino para que cambie a lei e promulgue unha nova que recolla as propostas dos proxectos de comunicación social e comunitaria.

A situación neste sentido no Estado español non é menos alagueña. En pleno século XXI, en plena "consolidación democrática", as frecuencias radiofónicas seguen a ser repartidas en concursos públicos aos que non poden concorrer radios que non sexan privadas (en mans de coorporacións) ou públicas (en mans das Administracións, e dicir do propio Estado).

O monopolio e o oligopolio das frecuencias radioeléctricas atentan contra a liberdade de expresión e empobrecen o indispensable pluralismo informativo. Calquer Estado que quixer adxudicarse a condición de "democrático", debera impulsar réximes transparentes e democráticos de adxudicación de frecuencias radioeléctricas que garantan o libre acceso de todos os sectores sociais ás mesmas.

A UNESCO, entre outros organismos internacionais, recoñeceron que as frecuencias radioeléctricas son patrimonio común da humanidade ao igual que o ár ou os océanos. Os estados teñen o deber de administralo en forma equitativa e punto.

Pequen@s monstros, podedes atopar máis info sobre o Foro Arxentino de Radios Comunitarias (FARCO) neste enlace.


Audio publicado en Más Voces : www.masvoces.org

Segundo asalto: Centros Sociais Autoxestionados na Galiza.

Segundo programa especial sobre o movimento de centros sociais autoxestionados (CSA) en Galiza.

En outubro do ano 2002, Divertimento para pequenos monstros, producía un novo especial que daba continuidade á entrevista que mantiñamos un ano e meio antes con Fran del Buey, do CSA Casa Encantada de Compostela.

Nesta ocasión dende a Casa Encantada nos comentan máis sobre a singularidade deste centro social, estabelecemos unha conexión con Xacio da lexendaria Casa Okupa da Ría en Oleiros e mantemos unha conversa con Keke do CSA Mil Lúas de A Coruña.

Tres centros socias, tres, que hoxe en día non existen, aló menos tal e como os coñeciamos nalquel momento. Decimos isto xa que é moi probábel que aqueles protagonistas cos que mantivemos as conversas, naqueles primeiros noventa, estean hoxe en día dando vida novos espazos liberados. O propio CSA Laboratorio Okupado As Atochas no Bairro de Monte Alto (A Coruña), é bon exemplo da vixencia do citado movimento, mais deste espazo xa tivestes boa conta noutras entradas deste blog e na propia Rádio FilispiM, 93.9 FM.

Para nós, estes audios se teñen convertido nuns documentos que describen na voz dos seus protagonistas, como funcionaban tres centros socias (que non os únicos) aos que puidemos achegarnos os pequenos monstros, naqueles anos, cando este Divertimento se emitía ao través das ondas da radio pública local Radio Fene 107.7 FM, que por certo remata de cumprir neste 2009, nada máis e nada menos que 25 anos de emisións ininterrompidas.

A disfrutar do audio!!!
Descargar o arquivo

AUDIOS DESPARECIDOS DO SERVIDOR. RESUBIRÉMOLO EN BREVE.

Foto: cartaz da okupazón simbólica da Panificadora. Vigo, maio de 2007

Tas Tas Irratia, a radio libre de Bilbo, cumpre 17 anos.

Chéganos este comunicado d@s compañeir@s de Tas Tas Irratia Librea que traducimos, compartimos e celebramos:

O día 13 enfrontámonos a un reto moi complicado, unha posta en escena demostrativa da realidade de Tas Tas. Un acto case teatral no que máis de 35 persoas da radio, sen experiencia, a gran maioría, nos escenarios, sen que case ningunha enfrontouse nunca a público, subiron ao escenario a representar cousas. Máis de 50 persoas da radio participaron no conxunto, se temos en conta que, ademais da xente sobre o escenario, houbo xente no control de son, nas luces, no lanzamento de vídeos, na preparación da comida posterior, na porta, na organización...

O local encheuse (entre 400 e 500 persoas) e un bo sabor de boca por parte de todo o mundo, público e radio, nun acto que durou máis de 3 horas. Especialmente importante porque a xente que correu co maior peso da organización, núnca antes realizara cousas tan complexas.

A Baixada do Entroido, é parte das actividades lúdico-festivas nas que participa a radio apoiando a todo o movemento popular que intenta (e consegue nunha gran medida) ter unhas festas autenticamente populares. Máis de 100 persoas da radio, ataviadas de piratas, participaron na baixada. Previa á baixada, celebramos un xantar nun bar bereber, o Berebar, onde participamos, con bo humor, case 50 persoas da radio. Logo demos os últimos retoques organizativos á baixada e a festa prolongouse ata altas horas da madrugada. Un importante e complexo esforzo organizativo que os nosos compañeiros e compañeiras realizaron á perfección.

Saúdos e abrazos.
Tas Tas Irratia (Bilbo).

No video que segue, producido por Cubainformación, veredes as caras e as voces das persoas humáns que fan posíbel esta rádio libre en Euskadi.

Nosotras en el Mundo gaña o premio AMECO-Prensa Muller 2008

Estes dias os compañeiros e compañeiras de Rádio Filispim, recibimos con agrado este comunicado que segue. A nova alédanos especialmente, xa que o programa de Radio Vallekas, Nosotras en el Mundo, tamén é redifunido nas ondas da Rádio Filispim 93.9FM, libres e comunitarias da Terra de Trasancos dende Ferrol (Galiza).

O programa producido pola área da muller de Radio Vallekas, Nosotras en el Mundo, gaña o premio AMECO Prensa Muller 2008, na categoría de radio.

O premio será entregado o xoves 26 de febreiro xunto ás outras gañadoras Pepa Bo (TVE) e Cruz Morcillo (ABC), no auditorio do Instituto Internacional. C/Miguel Angel, 8, en Madrid

O Xurado dos Premios AMECO- Prensa- Muller 2008, a proposta da Xunta Directiva da Asociación Española de Mulleres da Comunicación AMECO, decidiu de forma unánime outorgar este premio na modalidade de radio a Nosotras en el Mundo, o programa diario feminista da área da Muller de Radio Vallekas.

O xurado, composto por recoñecidas miembras de diversas organizacións de mulleres, considerou ao programa radial merecedor de tal distinción xa que "pon especial énfase no colectivo de mulleres e no traballo teórico e práctico do Xénero e a Comunicación, por apoiar aos grupos de mulleres organizadas ofrecéndolles unha canle radiofónica de expresión e participación e por abrir o campo da información de xénero á cooperación ao desenvolvemento".

Proxecto radiofónico -pioneiro nas radios comunitarias de Madrid- foi posto en marcha fai 9 anos pola coordinadora da área da Muller de Radio Vallekas Lucía Ruiz, quen xunto co equipo de comunicadoras que conforman a área, mostrouse moi satisfeita do premio: "Conforme pasaron os anos vimos empoderarse a moitas mulleres cos micrófonos e cada vez son máis as organizacións que usan este altofalante para levar as súas mensaxes á sociedade".

O programa Nosotras en el Mundo, ademáis das súas emisións de luns a venres de 10:30 a 11:30 am, realiza unha ampla diversidade producións especiais con temas relativos á igualdade, ao xénero e ao feminismo xa que aposta por pór na axenda as loitas e logros das mulleres, por contar a historia das mulleres tantas veces silenciada e polo uso dunha linguaxe non sexista en todos os eidos.

Nosotras en el Mundo, di Lucía Ruiz, "vai máis aló das súas emisións diarias porque desde a área da Muller de Radio Vallekas, aparte da nosa formación persoal continua, tamén se imparten cursos de formación en comunicación, xénero e Tics". Ao mesmo tempo, desde fai algúns anos impúlsase e apoia a creación de espazos de mulleres entre as radios e outros medios de comunicación comunitarios, porque "aínda e nestes medios alternativos, falta moito por chegar á igualdade entre homes e mulleres tanto na programación, na linguaxe, nos contidos, na axenda informativa así como nos cargos de decisión". Este premio tamén ten unha parte en Arxentina onde o "Centro de Comunicación e Xénero" realiza produción radiofónica e formación que se pode ver e escoitar en www.rednosotrasenelmundo.org

Os Premios AMECO - Prensa- Muller 2008 entregaranse o xoves 26 de febreiro. O acto será presentado por Marta Ortiz Díaz e ofrecerá unhas verbas de Consuelo Abril, Presidenta da Comisión de Investigación de Malos Tratos a Mulleres.

Podes escoitar Nosotras en el Mundo nas ondas de Rádio FilispiM, 93.9 FM

• Luns de 00:00 h. á 01:00 h.

• Luns de 16:00 h. á 17:00 h.

• Venres de 10:00 h. á 11:00 h.

Ou mesmo na súa páxina web: http://www.rednosotrasenelmundo.org/
Parabéns a todas!!!!!